Numero 15:3 - Manobo Western Bukidnon OT

³ ne pemuhat kew te para kediey te menge ibpemuhat he ebpuun te menge uyaǥen niw. Pemuhat kew te menge pemuhat he edtutungen, menge pemuhat para te kedtuman te menge penaad, menge pemuhat he kineugelingen he suat, etawa menge pemuhat para te kedsilibra te menge pista. Is kehemut kayi te menge pemuhat he pinaaǥi te hapuy ne ebpekepenunuat kedì.

Numero 15:3 ပူးပေါင်းရင်းမြစ်များ

Genesis 8:21

Ne nahazek te Nengazen is kehemut te evel zutun, ne ke sikandin diyà te ǥehinawa zin te, “Kenè ku en maan edezeetan is menusiyà, minsan netuenan ku en he mekesesalà sikandan puun pa te ked-enaka kandan. Kenè ku en maan ed-umanan edlimasa iring te mibeelan ku.

Ezra 7:17

Sigureduwa nu he heini he selapì egkeǥamit te kebpemasa te tudu he menge vaka, meǥurang wey nati he meemahan he menge kerehidu, menge trigu, wey vinu, he ibpemuhat diyà te pemuhatà diyà te valey te Megbevayè niw ziyà te Jerusalem.

Salmo 54:6

Nengazen, ebpemuhat a ziyà te kenikew te pemuhat he kineugelingen he suat. Edeliǥen ku sikew su iyan haazà meupiya.

Exodus 29:18

Ne tutunga nu haazà duen te pemuhatà su pemuhat haazà he edtutungen para kedì. Is kehemut kayi he pemuhat te pinaaǥi te hapuy ne ebpekepenunuat kedì.

Exodus 29:25

Ne kuwaa nu haazà is menge supas diyà te menge velad dan, ne tutunga nu zutun te pemuhatà duma te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat kedì.

Exodus 29:41

Ne sikan is nati he kerehidu he ibpemuhat emun mahapun, iyan ded duma zin sikan is duma zuen te ibpemuhat emun meselem, wey iring daan duen kengezekelà. Is kehemut kayi he pemuhat te pemuhat he pinaaǥi te hapuy ebpekepenunuat kedì.

Leviticus 10:13

Diyè niw zà heini keena te segradu he lugar su iyan heini keniyu he vahin puun te menge pemuhat pinaaǥi te hapuy. Iyan heini insuǥù te Nengazen kediey.”

Leviticus 27:2

he keǥiya zin heini ziyà te menge Israilihanen: Emun is sevaha he etew inhalad diyà te Nengazen su ingkepenaad he idhalad, heeyan he penaad

Leviticus 7:16

Emun is pemuhat din para te meupiya he kedepità he ibpemuhat din he para te kedtuman te penaad etawa pemuhat he keugelingen din he suat, is usa kayi egkeenen dutun dà he andew te kebpemuhata zuen. Iyan, emun duen pa egkesamà he usa, egkehimu heini he egkeenen dutun te sunud he andew.

Numero 28:27

Pemuhat kew te pemuhat he edtutungen: he dezuwa he turiti he vaka, sevaha he meǥurang en he meemahan he kerehidu wey pitu he meemahan he nati he kerehidu he tig senge-tuig is keǥurang dan. Is kehemut kayi he pemuhat ebpekepenunuat te Nengazen.

Numero 29:8

Ne pemuhat kew te menge pemuhat he edtutungen he ebpekepenunuat te Nengazen is kehemut din: he sevaha he meemahan he nati he vaka, sevaha he meǥurang en he meemahan he kerehidu, wey pitu he nati he meemahan he menge kerehidu he tig senge-tuig is keǥurang dan. Ne langun kayi kinahanglan he wazè dan sazir.

Numero 6:15

Ne liyu zutun, mebpemuhat daan sikandin te menge pemuhat he para gasa, pemuhat he inumen, wey senge vaskit he supas he wazè din tapey he iyan ebeelan is meupiya he kelasi te herina. Is duma he supas, ne ebpekekepalen ne edsehuǥan te lana ne is duma pa ebpekenipisen he edezasan te lana.

Deuteronomio 12:11

Kinahanglan he ed-uwiten niw is menge pemuhat niw ziyà te lugar he ebpilien te Nengazen he Megbevayè niw he zutun sikandin ebeǥayi te zengeg. Iyan heini menge pemuhat wey menge halad he ibpahalad ku keniyu: menge pemuhat he edtutungen wey zuma pa he menge pemuhat, is ikepulù niw, is ispisyal he menge gasa niw, wey is langun he kineupiyahan he menge halad he impenaad niw ziyà te Nengazen.

Deuteronomio 12:17

Iyan heini kinahanglan he kenè niw egkeenen diyà te keugelingen niw he ubpeey: is ikepulù te paras niw, binu niw, lana niw, kinekekayan te menge uyaǥen niw, is minsan hengkey he idsaad niw he idhalad, is kineugelingen he menge halad, wey is ispisyal he menge gasa.

Deuteronomio 12:6

Dutun niw uwita is menge ibpemuhat niw he edtutungen wey is duma pa he menge pemuhat, is ikepulù niw, is ispisyal he menge gasa niw, is insaad niw he idhalad, is kineugelingen he menge halad, wey is kinekekayan te menge uyaǥen niw.