Numero 14:9 - Manobo Western Bukidnon OT

⁹ Kenè niw zà supaka is Nengazen. Ne kenè kew mahandek te menge etew zutun su egkezaag tew sikandan. Wazà edtavang kandan, ne sikitew mulà, edtevangan kiw te Nengazen. Umbe kenè kew mahandek kandan.”

Numero 14:9 ပူးပေါင်းရင်းမြစ်များ

Genesis 48:21

Ne zutun migkaǥi si Israel ziyà te ki Jose te, “Meǥaan en is kebpatey ku, iyan, edumahan kew zed te Megbevayà, ne ibpeulì din ded keuzemà is menge kevuwazan tew ziyà te tanà he mid-ubpaan te menge kepuun tew.

2 Cronica 13:12

Is Megbevayà ne eduma kenami; iyan sikandin pengulu zey. Ne emun edsurung key keniyu ne iyan ebpengulu kenami is menge memumuhat he ebpezaǥing te menge trumpita. Sikiyu is menge keet-etawan te Israel, kenè niw sukuli is Nengazen, he Megbevayà te menge kepuun niw, su kenè kew ebpekezaag.”

2 Cronica 15:2

Ne mibpekid-ahà sikandin ki Asa ne migkeǥiyan din te, “Pemineǥa a keniyu Hadì Asa, wey sikiyu is langun he tig-Juda wey tig-Benjamin. Is Nengazen ne kenà edsuwey keniyu emun kenè kew edsuwey kandin. Emun edangep kew kandin ne egkeehè niw is keupiya zin. Piru ke ed-iniyuǥan niw sikandin, ne ed-iniyuǥan kew zin daan.

2 Cronica 20:17

Kenè en kinahanglan he ebpekidtebek kew pa. Andam kew zà wey mebpekelig-en, ne ahaà niw is kezeeǥan he ebeelan te Nengazen para keniyu. Sikiyu is menge tig-Juda wey tig-Jerusalem, kenè kew mahandek wey mebmeluya. Etuvanga niw sikandan keeselem su is Nengazen iyan eduma keniyu.’ ”

2 Cronica 32:8

Menge etew zà is duma keniyan te hadì, piru is kenitew he zuma, ne iyan is Nengazen he Megbevayè tew. Iyan sikandin edtavang kenitew wey ebpekidtebek para kenitew.” Umbe mibmelig-en is menge etew tenged dutun te migkaǥi ni Hadì Hezekia he hadì te Juda.

Nehemias 4:14

Ne zutun te kemulu ku pa ed-is-isipa is kebpekesavuk dey, impetawag ku is menge pengulu, menge upisyal, wey menge meǥinged, ne migkeǥiyan ku te, “Kenè kew mahandek te menge kuntada tew. Edtentenuzan tew zà is mekeǥeǥehem wey egkein-inuwan he Nengazen. Ebpekidtebek kiw su para melibri tew is menge kezuzumahi tew, menge anak tew, menge esawa tew, wey menge valey tew.”

Salmo 106:24

Ne wazè pa sikandan medseled duen te meupiya he tanà su wazè dan medtuu te saad te Megbevayà.

Salmo 121:5

Is Nengazen, iyan ed-ipat kenikew; diyà sikandin te uvey nu is edlavan kenikew.

Salmo 14:4

Wazè be metueni kayi te lalung he menge etew is menge vaal zan? Netuenan dan heini! Ebpegpeǥesen dan is menge emurè ku te inged wey zan mekeselapì he iring dà sikandan te edsupal te keenen, ne kenà sikandan ed-ampù diyà te Nengazen.

Salmo 46:11

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Salmo 46:7

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Salmo 46:8

Hengkayi kew, ahaa niw is menge bineelan te Nengazen, is egkengein-inuwan he menge vaal zin kayi te kelibutan.

Salmo 74:14

Iyan ka migevà te menge ulu te menge dragun he Leviatan wey mibpekaan te menge lawa zan te menge langgam diyà te sibsivayan.

Salmo 91:1

Is minsan hentei he ed-aput diyà te Utew Lavew he Megbevayà he Mekeǥeǥehem, wazà ebpekekaid kandin.

Exodus 14:13

Ne midtavak si Moises te, “Kenè kew mahandek. Pekelig-en kew ne egkeehè niw is paaǥi te Nengazen te kedlibriya zin keniyu ǥuntaan he andew. Su heini is menge Ehiptohanen he egkeehè niw ǥuntaan, ne kenè niw en sikandan egkeuman egkaahà.

Exodus 33:16

Is kedumahi nu kenami iyan igketueni te zuma he menge etew he nekepenunuat kenikew is menge etew wey siaken. Is kebpekiduma nu kenami iyan ibpekeviza zey te zuma he menge etew kayi te tanà.”

Isaias 1:2

Pemineg ka is langit wey is tanà, su migkaǥi is Nengazen te, “Mid-elimahan ku wey impezekelè ku is menge Israelinhon he menge anak ku, piru midsukul sikandan kediey.

Isaias 32:2

Is kada sevaha kandan egkehimu he iring te endilungà emun duen mevendes he keramag wey bagyu. Egkeiring daan sikandan te zezeisey he wahig he midtudà diyà te disirtu, wey alung te zekelà he vatu ziyà te meinit wey memaza he lugar.

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 41:14

Minsan deisey ka wey meluya, kenè ka mahandek su iyan a mismu edtavang kenikew. Iyan a, is Nengazen, is migkaǥi kayi. Iyan a menluluwas nu, is waǥas he Megbevayà te Israel.

Isaias 63:10

Piru nekidsukulà sikandan, ne pinaaǥi zutun midhimu zan he meseeng is Waǥas he Mulin-ulin din. Umbe migkuntada sikandan te Nengazen, ne nehimu sikandin he kuntada zan.

Jeremias 1:19

Egkuntedahan ke zan, piru kenè ke zan egkezaag, su zuma a kenikew ne edtevangan ku sikew. Iyan a, is Nengazen, is migkaǥi kayi.”

Jeremias 42:11

Kenè kew en egkahandek te hadì te Babilonia su zuma a keniyu ne edlibriyen ku sikiyu emun edezeetan kew zin.

Jeremias 48:45

Is mekehizuhizu he ebpemekepelaǥuy egkesuat dan he ed-eles diyà te Heshbon. Piru heini is Heshbon he midhedian dengan ni Hadì Sihon egkiràkirà is hapuy zuen. Egkevinsulan is menge vuvungan he mid-elesan te menge tig-Moab he zengan, utew susuaten te kebpekidtebek.

Daniel 9:5

Nekesalè key ziyà te kenikew. Mibaal key te mezaat wey mid-engkezan dey is menge suǥù nu wey menge sulunuzen he ibpesunud nu.

Daniel 9:9

Piru hihizuwen ka ǥihapun wey mepineseyluwen minsan pa te nesupak dey sikew.

Numero 13:30

Ne impehenek ni Caleb is menge etew ziyà te etuvangan ni Moises, ne ke sikandin te, “Egenat kiw en guntaan ne ed-eǥawen tew haazà is tanà, su siguradu he egkaaǥew tew heini.”

Numero 17:6

Umbe, migkeǥiyan ni Moises is menge Israilihanen, ne is kada pengulu mibeǥey kandin te tuked. 12 langun he tuked, ne in-amut dutun is ki Aaron.

Numero 20:2

Wazà wahig dutun he lugar, umbe midsevehe en maan is menge etew te kebpekigkuntada ki Moises wey ki Aaron.

Numero 24:8

Impeǥawas sikandan te Megbevayà puun te Ehipto; iring sikandin te mezesen he tudu he vaka para kandan. Ebpenaan dan wey edezeetan dan is menge kuntada zan he henduen be te ed-evelengen dan, wey henduen te edrupeten dan is menge tulan kayi.

Deuteronomio 1:21

Ahaa niw heini is tanà he ibeǥey zin keniyu! Engkena niw heini su insaad heini keniyu te Nengazen he Megbevayà te menge kepuun niw. Kenè kew mahandek wey kenè kew mebpenluyaluya.’

Deuteronomio 1:26

“Piru kenè kew egkesuat he edhendutun; midsupak niw is suǥù te Nengazen he Megbevayè niw.

Deuteronomio 1:29

“Ne zutun migkeǥiyan ku sikiyu te, ‘Kenè kew kulbai wey kenè niw sikandan ikahandek.

Deuteronomio 31:6

Mebpekezesen kew wey mebpekevurut kew. Kenè niw sikandan ikahandek su zuma niw is Nengazen he Megbevayè niw; kenè kew zin ed-ewaan wey ed-iniyuǥan.”

Deuteronomio 31:8

Egiyahan ka te Nengazen ne eduma sikandin kenikew; kenè ke zin ed-ewaan wey ed-iniyuǥan. Umbe kenè ka mahandek wey mebpekeluya.”

Deuteronomio 32:42

Is besut te panè ku ne egkelupit te lengesa zan, ne egkeǥetad sikandan te ispada ku. Ebpemematey sikandan ragkes en is menge teǥepalì kandan wey is egkengezekepan kandan. Ebpemematey ragkes en is menge pengulu zan.’ ”

Deuteronomio 7:18

Iyan, kenè kew mahandek kandan, kekenà, purungi niw tentenuzi ke hengkey is mibeelan te Nengazen he Megbevayè niw ziyà te hadì te Ehipto wey te langun he Ehiptohanen.

Deuteronomio 7:21

Kenè kew mahandek kandan su zuma niw is Nengazen he Megbevayè niw, ne mekeǥeǥehem sikandin wey egkein-inuwan he Megbevayà.

Deuteronomio 9:7

“Tentenuzi niw ke hengkey is menge ulaula niw he ingkepauk te Nengazen he Megbevayè niw. Hein diyè kew te sibsivayan. Puun te andew te kegawas niw ziyà te Ehipto ne taman en guntaan is kedtulung niw kebpekidsukulà te Nengazen.

Josue 1:5

“Wazà ebpekezaag kenikew mintras uuyag ke pa. Su ebpekiduma a kenikew iring te kebpekiduma ku ki Moises. Kenè ku sikew ed-ewaan wey ebpesegdanen.

Josue 14:12

Umbe, iveǥey nu kediey is menge vuvungan he insaad kediey te Nengazen. Iyan ka mismu nekezineg dengan he iyan menge meǥinged kayi is menge kevuwazan ni Anak ne melig-en is menge inged dan he miberengbeng. Piru pinaaǥi te tavang te Nengazen edsegseǥen ku sikandan keniyan he tanà su iyan heeyan insaad din kediey.”

Zatù 1:22

Midsurung te menge tribu ni Jose is Betel, ne midtevangan sikandan te Nengazen. Hein duen midsuǥù dan he ibpepeniid diyà te Betel,