Numero 13:2 - Manobo Western Bukidnon OT

² “Suǥù ka te menge etew he ibpepeniid diyà te Canaan he iyan kes tanà he ibeǥey ku keniyu te menge Israilihanen. Suǥù ka te tigselimbaha he pengulu puun te kada tribu te Israel.”

Numero 13:2 ပူးပေါင်းရင်းမြစ်များ

Exodus 18:25

Mibpilì sikandin te menge Israilihanen te menge etew he uluwanen he edhusey, ne midhimu zin sikandan he menge upisyal te grupu te menge etew he tig-1,000, tig-100, tig-50, wey tig-10.

Numero 11:16

Umbe, migkaǥi is Nengazen diyà te ki Moises te, “Tiǥuma nu is 70 he menge edumala te menge Israilihanen he nekilala nu he nengulu te menge etew, ne ipehendiyè nu sikandan te Tulda he Edtelevukaayan ne ipehitindeg nu sikandan dutun duma kenikew.

Numero 13:16

Iyan sikandan menge etew he midsuǥù ni Moises te kebpeniid diyà te Canaan. (Mid-ilisan ni Moises is ngazan ni Hoshea he anak ni Nun te Josue.)

Numero 13:3

Umbe, midtuman ni Moises haazà is insuǥù te Nengazen kandin. Impehendiyè din te Canaan is menge pengulu te menge Israilihanen puun diyà te sibsivayan he Paran.

Numero 32:8

Iyan daan heini mibeelan te menge kepuun niw hein impehipanew ku sikandan puun te Kadesh Barnea su wey zan mesusi heini is tanà.

Numero 34:18

Ne pilì ka te sevaha he pengulu ziyà te kada tribu he ebpekeuǥup kandan te kebahin duen te tanà.”

Deuteronomio 1:15

Umbe, iyan impezumala ku keniyu is midhimu ku he menge zatù wey menge upisyal he uluwanen wey menge telehuzen he menge etew he ebpuun diyà te menge tribu niw. Duen impezumala ku te 1,000 he etew, ne is duma 100, ne is duma 50, ne is duma pa impezumala ku te 10 he etew.

Deuteronomio 9:23

“Hein impeǥenat kew te Nengazen puun te Kadesh Barnea migkaǥi sikandin diyà te keniyu te, ‘Genat kew en ne engkenà niw en is tanà he ibeǥey ku keniyu.’ Piru mibpekidsukulè kew; wazè niw tumana is suǥù te Nengazen he Megbevayè niw. Wazè kew medsarig wey mebpezumazuma kandin.

Josue 3:12

Guntaan pilì kew te 12 he menge etew, sevaha ziyà te kada tribu te Israel.