Numero 13:17 - Manobo Western Bukidnon OT

¹⁷ Hein wazè pa sikandan ipeǥenat ni Moises su wey zan mekepeniid diyà te Canaan, migkeǥiyan din sikandan te, “Hipanew kew pehendiyà te zizaya ne hendiyè kew te Negev.

Numero 13:17 ပူးပေါင်းရင်းမြစ်များ

Genesis 12:9

Ne zutun migenat en maan ensi Abram ne midlaus dan pa pehendiyà te tanà he egngezanan te Negev.

Genesis 13:1

Ne mid-awà ensi Abram dutun te Ehipto ne midlikù diyà te tanà he egngezanan te Negev, duma is esawa zin. Ne mid-uwit dan is langun he ketiǥeyunan dan. Ne miduma zaan kandan si Lot.

Genesis 13:17

Ne hipanew ka ne susiya nu is tivuuk he tanà su ibeǥey ku en heini kenikew.”

Genesis 13:3

Ne puun dutun te Negev midhalinhalin sikandin taman te nekeuma en maan diyà te uvey te Betel he iyan sikan is daan he nesevukan te tulda zin he ziyà te pid-elangan te Betel wey Ai.

Genesis 14:10

Ne haazà is Suǥud he Sidim, mezakel is menge vudsi zutun he nepenù te merumiket he espaltu. Ne nengezaag is menge sundaru te hadì te Sodom wey Gomora, ne hein mibpelaǥuy zan, nengeulug is duma kandan diyà te menge vudsi, is duma, ne mibpelaǥuy zan diyà te menge vuvungan.

Numero 13:18

Susiya niw ke hengkey is purma te tanà, wey is menge etew zuen ke memezesen be etawa memeluya, mezakel ve sikandan etawa deisey zà.

Numero 13:29

Is menge Amalikanhen diyà ed-ubpà te Negev; is menge Hitihanen, menge Jebusihanen, wey is menge Amorihanen diyà ed-ubpà te menge vuvungan; ne is menge Canaanhen diyà ed-ubpà te veyvey te zaǥat wey veyvey te Wahig he Jordan.”

Numero 14:40

Ne hein sunud he andew midsayu sikandan med-enew su edtekezeg sikandan diyà te menge vuvungan te Canaan. Ke sikandan te, “Netuenan dey he nekesalè key, ne ǥuntaan andam key en he edhendiyà te lugar he insaad te Nengazen!”

Deuteronomio 1:44

Ne nekidtebek keniyu is menge Amorihanen he meǥinged dutun, ne henduen sikandan te petiyukan is edal-as keniyu puun te Seir taman te Horma, ne nezaag kew.

Josue 10:40

Umbe, naaǥew ni Josue is tivuuk he tanà–is menge vuvungan, is Negev, is menge mibuntud-buntud diyà te edsenlepan, wey is lugtenaan te menge vuvungan. Nezaag din is menge hadì kayi, wazà nesamà he uuyag. Mibpenhimetayan dan is langun sumalà te insuǥù te Nengazen he Megbevayà te Israel.

Josue 15:3

pehendiyà te egkezivavà te Beyeey te Akrabim taman te sibsivayan he Zin, pehendiyà heini te egkezivavà te Kadesh Barnea, ebpekevayà heini te Hezron petekezeg diyà te Adar, ne mibulegkù pehendiyà te Karka,

Josue 2:1

Ne zutun meeles he midsuǥù ni Josue is dezuwa he etew puun te kampu te menge Israilihanen diyà te Shitim su para mekepeniid diyà te Canaan, lavew en te inged he Jerico. Ne hein nekeuma ziyà te Jerico haazà is dezuwa he meniniid, ne ziyè dan medateng te valey ni Rahab; heini he vahi ebelegyà te zengeg din.

Zatù 1:15

Midtavak si Acsa te, “Beǥayi e man kenikew te pebur. Egkesuatan ku pezem he ebeǥayan a kenikew te menge serebseb, su is tanà he imbeǥey nu kedì diyà te Negev ne wazà duen menge serebseb.” Umbe imbeǥey ni Caleb kandin is menge lugar he zuen menge serebseb diyà te vuvungan wey alug.

Zatù 1:19

Midtevangan te Nengazen is tribu ni Juda. Umbe nesakup dan is menge vuvungan, piru wazè dan mesegseg is menge meǥinged diyà te menge suǥud su heini he menge etew duen dan menge kerwahi he putew.

Zatù 1:9

Ne kegkepasad dutun, midsurung dan is menge Canaanhen he meǥinged diyà te menge vuvungan, diyà te Negev, wey is diyà te lugtenaan te menge vuvungan diyà te edsenlepan.