Numero 11:4 - Manobo Western Bukidnon OT

⁴ Dutun he timpu, is grupu te kenà menge Israilihanen he nemenduma te menge Israilihanen midriklamu su egkesuat dan he egkaan te zuma he kelasi te menge keenen, ne is menge Israilihanen midriklamu zaan he ke sikandan te, “Deyzey pezem ke ebpekekaan kiw te usa.

Numero 11:4 ပူးပေါင်းရင်းမြစ်များ

Nehemias 13:3

Ne hein nezineg te menge Israilihanen haazà he kesuǥuan, wazè dan ipetampu kandan is kenà tutuu he menge Israilihanen.

Salmo 106:14

Migezaman dan is Megbevayà hein diyà sikandan te sibsivayan tenged te utew zan kegkesuat te keenen.

Exodus 12:38

Ne liyu kandan duen pa mahabet he menge etew he nemenduma kandan he kenà Israilihanen ne elin pa midtundan dan is menge uyaǥen dan he utew mahabet.

Exodus 16:12

“Nezineg ku is menge riklamu te menge Israilihanen. Keǥiyi nu sikandan te kada mezukilem ne ebpekekaan dan te usa ne kada meselem ne egkeveyangan sikandan te supas. Ne zutun egketuenan niw he iyan a is Nengazen Megbevayè niw.”

Exodus 16:3

Ke sikandan te, “Deyzey pa ke ziyè key zà himetayi te Nengazen hein diyè key pa te Ehipto. Diyà, ne ebayèbayè key te minsan hengkey he egkekaan dey. Piru ǥuntaan, mid-uwit key kayi keniyu te sibsivayan wey key mengeumes.”

Jeremias 42:14

Edhendiyè key te Ehipto ne ziyè key ed-ubpà su wazà diyà tebek wey vitil.’

Numero 11:18

“Ne keǥiyi nu is menge etew he mebpekelumpiyu sikandan, su keeselem duen en egkekaan dan he usa. Keǥiya nu heini ziyà te kandan: ‘Siak is Nengazen, nezineg ku sikiyu he edriklamu su egkesuat kew he egkaan te usa. Ne migkaǥi kew pa he meupiya pa is kebpekesavuk niw ziyà te Ehipto kenà guntaan. Umbe ebeǥayan ku sikiyu te usa keeselem su wey kew mekekaan te usa.

Numero 14:1

Dutun mismu he kezukileman nemenineǥew is menge Israilihanen.

Numero 14:22

wazà minsan sevaha kandan he ebpekeseled diyà te tanà he insaad ku ziyà te menge kepuun dan. Su minsan neehè dan is mekeǥeǥehem he kebpekiduma ku kandan wey egkengein-inuwan he mibeelan ku ziyà te Ehipto wey ziyà te sibsivayan, layun e zan gihapun egezami wey wazè dan mebpezumazuma kedì. Umbe sikan is menge midselikwey kedì, ne kenà ebpekeseled keniyan he tanà.

Numero 16:13

Kenè pe be ereg is kegkuwaa nu kenami ziyà te Ehipto he meupiya wey uuzaran is tanà duen su wey key kenikew mehimetayi kayi te sibsivayan? Ne ǥuntaan egkesuat ke pa he edhadìhadì kenami.

Deuteronomio 9:22

“Mibaal kew zaan te igkepauk te Nengazen hein diyè kew te Tabera, Masa, wey ziyà te Kibrot Hataava.