Numero 11:2 - Manobo Western Bukidnon OT

² Tenged kayi mibuyù te penavang is menge Israilihanen diyà te ki Moises, ne mid-ampù si Moises diyà te Nengazen, ne neevukan haazà is hapuy.

Numero 11:2 ပူးပေါင်းရင်းမြစ်များ

Salmo 106:23

Edezeetan en pezem te Megbevayà is menge etew zin ke wazà mebpeteliwazà si Moises is suluǥuen din he midhangyù he eǥena zin is pauk din ne kenè din leusa te edezaat sikandan.

Exodus 10:18

Ne mid-awà dutun si Moises te hadì, ne mid-ampù diyà te Nengazen.

Exodus 34:9

Ne ke sikandin te, “Nengazen, ke tutuu he nekepenunuat a kenikew, ne edhengyuan ku sikew he zumahi key kenikew. Utew mesinupaken haazà is menge etew piru peseyluwa nu is mezaat he menge ulaula zey wey menge salè dey, ne zewata key kenikew he menge etew nu.”

Isaias 37:4

Midsuǥù te hadì te Asiria is peremandar te menge sundaru zin te ked-undaunda te uuyag he Megbevayà. Kela ke seǥipaa te Nengazen he Megbevayè nu is mibpengaǥi zuen te peremandar te menge sundaru ne edsilutan sikandin tenged dutun, umbe pengemuyù ka para kenitew te nengesamà.”

Jeremias 15:1

Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!

Jeremias 37:3

Ne midsuǥù ni Hadì Zedekia si Jehucal he anak ni Shelemia wey is memumuhat he si Zefanias he anak ni Maasea he medhendiyà te ki Jeremias he ebpeneuven, ne hengyui zan sikandin he mebpengemuyù diyà te Nengazen he Megbevayè dan para kandan.

Jeremias 42:2

Migkaǥi zan diyà te ki Jeremias te, “Edhangyù key ziyà te kenikew he pengemuyù ka ziyà te Nengazen he Megbevayè nu para kenami te nesamà. Neehè nu he mezakel key zengan, iyan, guntaan deisey key zà.

Numero 12:11

migkeǥiyan din si Moises te, “Datù, kenè key kenikew ipaantus tenged te salà he tinulebung is kegkeveeli zey zuen.

Numero 12:13

Umbe, mibpehizuhizu si Moises te Nengazen he ke sikandin te, “He Megbevayè ku, edhangyù a ziyà te kenikew he bewii nu si Miriam.”

Numero 21:7

Midhendiyà is menge etew te ki Moises ne ke sikandan te, “Nekesalè key su mezaat is menge lalag dey mehitenged te Nengazen wey kenikew. Iampù nu te Nengazen he iawè din diyà te kenami heini is menge uled.” Umbe mid-ampù si Moises para te menge etew.