Numero 11:18 - Manobo Western Bukidnon OT

¹⁸ “Ne keǥiyi nu is menge etew he mebpekelumpiyu sikandan, su keeselem duen en egkekaan dan he usa. Keǥiya nu heini ziyà te kandan: ‘Siak is Nengazen, nezineg ku sikiyu he edriklamu su egkesuat kew he egkaan te usa. Ne migkaǥi kew pa he meupiya pa is kebpekesavuk niw ziyà te Ehipto kenà guntaan. Umbe ebeǥayan ku sikiyu te usa keeselem su wey kew mekekaan te usa.

Numero 11:18 ပူးပေါင်းရင်းမြစ်များ

Genesis 35:2

Umbe migkeǥiyan ni Jacob is tivuuk he pemilya zin wey is langun he menge sakup din te, “Ipenimbag niw is menge ed-ezapen niw. Mebpenlumpiyu kew te keugelingen niw ne ilisi niw is bisti niw.

Job 20:13

ne ebpekeuǥeten is kebpurunga kedsepsepaa kayi su wey mepurung meǥezam is taam din.

Job 20:23

Edhentayen sikandin te Megbevayà te kemeresayan. Ibpeǥezaman kandin te Megbevayà is dekelà he pauk din, ne ebpeuzanan din te silut.

Salmo 78:20

Tutuu iyan he hein midtabpì din sikan is batu ne migawas is wahig, piru egkeveǥayan kiw zin be zaan buwa te supas wey usa is menge etew zin?”

Exodus 16:8

Ne migkaǥi pa si Moises te, “Ebeǥayan kew te Nengazen te usa he egkekaan niw emun mezukilem wey emun meselem egkeveyangan kew te supas su nezineg din is kebegulbul niw ziyà te kandin. Ne egkesavut niw human he kenè key iyan mibegulbulan niw, kekenà, iyan is Nengazen. Hentei key ves is ebegulbulan niw?”

Exodus 19:10

migkaǥi pa is Nengazen diyà te kandin te, “Hendiyè ka te kandan ne keǥiyi nu sikandan he mebpekelumpiyu sikandan guntaan wey keeselem. Kinahanglan he pemìpii zan is menge visti zan.

Exodus 19:15

Migkeǥiyan ni Moises sikandan te, “Pengandam kew para te meketelu ǥuntaan; kenè niw en dèpa hileveti is esawa niw.”

Exodus 19:22

Minsan is menge memumuhat he layun ed-uvey kayi te kediey kinahanglan he mebpekelumpiyu sikandan te keugelingen dan su emun kenà, ne edsilutan ku sikandan.”

Numero 11:1

Ne midriklamu is menge Israilihanen mehitenged te kelised dan. Kegkezineǥa kayi te Nengazen, nepauk sikandin ne midretem din is hapuy he nekevinsul te nepipira he vahin te peliǥuy te kampu zan.

Numero 11:19

Ne is kebpekekaan niw kayi, ne kenè dà seled te senga andew, etawa zezuwa he andew, etawa lelima, etawa sepulù, etawa 20 he andew,

Josue 7:13

“Hitindeg ka ne keǥiyi nu is menge etew he lumpiyuwi zan is keugelingen dan para te ked-etuvang dan kedì keeselem, tenged te siak, is Nengazen he Megbevayà te Israel, egkaǥi te: ‘He Israel, duen niw in-eles he menge azen he para zà kediey. Kenè kew ebpekesukul te menge kuntada niw mintras wazè pa maawà diyà te keniyu heini he menge azen.’

Zatù 21:2

Ne midhendiyà is menge Israilihanen te Betel ne mibpurung dan medsineǥew ziyà te etuvangan te Megbevayà taman te mezukilem.