Numero 11:17 - Manobo Western Bukidnon OT

¹⁷ Ebulus a ne ebpekidlalag a kenikew zutun, ne ibeǥey ku kandan is duma he keǥehem he imbeǥey ku kenikew su wey zan mekeuǥup kenikew te kedumala te menge etew su para zuen nu zuma te kedumala kandan.

Numero 11:17 ပူးပေါင်းရင်းမြစ်များ

Genesis 11:5

Ne zutun, mibulus is Nengazen su ed-ahaan din is mibeelan te etew he inged wey turi.

Genesis 17:22

Ne hein nekeipus he edlalag is Megbevayà diyà te ki Abraham, nahanew sikandin dutun te ked-ahà ni Abraham.

Genesis 17:3

Ne zutun midlangkeb si Abram diyà te tanà ne migkaǥi en maan kandin is Megbevayà te,

Genesis 18:33

Ne zutun nepasad is kebitiyara zan, nahanew is Nengazen, ne mid-ulì si Abraham diyà te kandan.

2 Hadì 2:15

Ne hein naahà haazà te grupu te menge ebpeneuven he ebpuun diyà te Jerico is nehitavù, ke sikandan te, “Diyà en bes te kandin is gehem ni Elias!” Umbe midsinuǥung dan sikandin ne midluhud dan su ibpeehè dan is kedtahud dan kandin.

2 Hadì 2:9

Ne hein nekelayun dan en, migkeǥiyan ni Elias si Elisha te, “Hengkey is egkesuatan nu he ebeelan ku kayi te timpu he wazè e pa iawà diyà te kenikew?” Midtavak si Elisha te, “Egkesuatan ku he metakep is gehem nu he egkesunud ku.”

Nehemias 9:20

Imbeǥey nu kandan is meupiya he Mulin-ulin nu he iyan ebpenurù kandan. Wazè ka med-engked he ebpekaan kandan te ‘manna’, ne mibeǥayan nu sikandan te wahig he egkeinum dan ke egkemezahan dan.

Exodus 18:18

Mibeelan nu is kegkereǥeni nu wey kayi te menge etew. Utew mereǥen heini ke iyan ke zà.

Exodus 18:22

Ebpenilbi sikandan he menhuhusey te langun he timpu. Iyan sikandan ebpenhusey te minsan hengkey he melemu zà he menge samuk, iyan, is mereǥen he menge samuk, ne ziyè dan idangep te kenikew. Ne heini he paaǥi, ebmahagkap is menge vaal nu te kedtavang kandan.

Exodus 19:11

Sigureduwa nu he andam sikandan dutun te iketelu he andew, su zutun he andew, siak is Nengazen, ebulus a kayi te Buntud he Sinai ne egkaahà a te langun he etew.

Exodus 19:20

Mibulus is Nengazen dutun te puntur te Buntud he Sinai, ne zutun migkeǥiyan din si Moises he medtekezeg dutun te puntur te Buntud. Umbe midtekezeg si Moises

Exodus 34:5

Ne mibulus is Nengazen, ne egkaahà is gapun he zutun sikandin ne midhitindeg sikandin dutun te vuntud duma ki Moises, ne migkaǥi zin is mahal he ngazan din he Nengazen.

Isaias 44:3

Su ebeǥayan ku sikew te wahig he ebpekevawì te kegkemezahi nu wey edhames te memaza he tanè nu. Ebpeulinan ku te Mulin-ulin ku is menge kevuwazan nu wey edtuvazan ku sikandan.

Isaias 63:11

Ne hein neuǥet, netenuzan dan is midlavey he timpu he zutun impeǥawas ni Moises is menge etew zin puun te Ehipto. Ne nekeinsè dan te, “Hendei en is Nengazen he mibpelayun kenitew ziyà te zaǥat duma te pengulu tew he si Moises he iring te perevantey te menge kerehidu? Hendei en is Nengazen he mibpeuwit diyà te kenitew te Waǥas he Mulin-ulin din?

Joel 2:28

“Diyà te huziyan he timpu ibeǥey ku is Mulin-ulin ku ziyà te langun he kelasi te etew. Is menge anak niw he maama wey vahi ebpenudtulen dan is menge lalag ku. Is meǥurang keniyu he menge maama ibpeteǥeinep ku. Is menguhed keniyu he menge maama duen menge ibpelewasan ku kandan.

Numero 11:25

Ne mibulus is Nengazen pinaaǥi te ǥapun ne nekidlalag ki Moises. Ne imbeǥey zin duen te 70 he menge perezumala is duma he keǥehem. Ne hein diyè en haazà te kandan ne nenagnà sikandan, piru wazè en haazà meuman-uman.

Numero 12:5

Ne mibulus is Nengazen pinaaǥi te ǥapun he henduen be te tukud ne midhitindeg diyà te ǥemawan duen te Tulda he Edtelevukaayan ne mid-umew zin si Aaron wey si Miriam. Ne hein mid-uvey haazà is dezuwa,

Numero 12:8

Emun ebpekidlalag a kandin, ne iring te ebpeetuvangè key su keladu is kebpekidlalag ku. Ne iring ded te neehè e zin. Piru minsan pa te iyan haazà wazè kew mahandek he egkaǥi te mezaat he ebpekesuǥat diyà te suluǥuen ku he si Moises?”

Numero 27:18

Umbe, migkaǥi is Nengazen diyà te ki Moises te, “Pesuǥui nu si Josue he anak ni Nun, is sevaha he etew he ed-ulinan te Mulin-ulin, ne izampè nu is palad nu ziyà te ulu zin te ked-urdina kandin he pengulu.

Numero 7:89

Emun edseled si Moises duen te Tulda he Edtelevukaayan su ebpekidlalag te Nengazen, egkezineg din is laǥeng he ebpekidlalag kandin puun duen te mid-elangan te zezuwa he ledawan te kirubin, he zuen te zivavew te tambun te Kavan te Kebpekid-uyun. Dutun ebpekidlalag is Nengazen ki Moises.

1 Samuel 10:6

Ne zutun, ed-ulinan ka te Mulin-ulin te Nengazen, ne ebpekaǥi ke en te kebpenagnà duma kandan, ne egkehimu ke en he veǥu en he etew.