Numero 11:10 - Manobo Western Bukidnon OT

¹⁰ Nezineg ni Moises he edriklamu is kada pemilya ziyà te ǥemawan te menge tulda zan. Umbe utew sikandan nepeuki te Nengazen, ne neselekawan daan si Moises tenged kayi te mibeelan dan.

Numero 11:10 ပူးပေါင်းရင်းမြစ်များ

Salmo 106:25

Mibegulbul sikandan diyà te menge tulda zan, ne wazè dan mebpezumazuma te Nengazen.

Salmo 139:21

Nengazen, egkeepesan ku is egkeepes kenikew. Egkeepesan ku is ebpekigkuntada kenikew.

Salmo 78:21

Umbe, nepauk is Nengazen te kegkezineǥa zin kandan. Iring te hapuy is pauk din te menge tig-Israel he menge kevuwazan ni Jacob.

Salmo 78:59

Netuenan te Megbevayà heini is mibeelan te menge tig-Israel, umbe nepauk sikandin ne mid-iniyuǥan din en sikandan.

Isaias 5:25

Umbe tenged te utew kegkepeuki keniyu te Nengazen te menge etew zin, ne edsilutan kew zin. Egkehuyung is menge vuvungan ne ebpekepeyapat kew ziyà te kersada is ebpemematey he egkeiring te menge vesura. Ne minsan pa zutun kenè pa egkaawà is pauk te Nengazen. Andam pa ǥihapun sikandin he edsilut keniyu.

Jeremias 17:4

Egkaawà diyà te keniyu is tanà he imbeǥey ku keniyu. Ibpeuripen ku sikiyu te menge kuntada niw ziyà te tanà he wazè niw zuen hanew, su midhimu niw he mepauk a te pauk he zekelà su henduen be te edriyubriyub he hapuy he kenà egkeevukan.”

Numero 11:1

Ne midriklamu is menge Israilihanen mehitenged te kelised dan. Kegkezineǥa kayi te Nengazen, nepauk sikandin ne midretem din is hapuy he nekevinsul te nepipira he vahin te peliǥuy te kampu zan.

Numero 11:11

Mid-insà sikandin diyà te Nengazen te, “Maan is mibeǥayan a kenikew is suluǥuen nu te zekelà he prublima? Hengkey is neveelan ku he wazè nu ikesuat he iyan imbeǥayi nu kediey te prublima kayi te menge etew?

Numero 11:9

Ebpekelapik heini te kebpeketanà te menge zehemug dutun te kampu emun mezukilem.

Numero 12:3

(Si Moises iyan etew he kenà mepelevawen te langun he menge etew te tivuuk he kelibutan.)

Numero 12:9

Utew sikandan nepeuki te Nengazen ne mid-awà sikandin.

Numero 16:27

Umbe, mibpekeziyù is menge etew puun dutun te menge tulda ni Kora, ni Datan, wey ni Abiram. Ne migawas si Datan wey si Abiram ne midhitindeg dan diyà te ǥemawan te menge tulda zan duma te menge esawa zan wey menge anak dan.

Numero 21:5

umbe, midriklamu sikandan diyà te Megbevayà wey ziyà te ki Moises. Ke sikandan te, “Maan is impeǥawas key pa kenikew ziyà te Ehipto su wey key kayi mebpematey te sibsivayan? Wazà keenen wey wahig kayi! Neperahan key en kayi te mesemu he ‘manna’.”

Deuteronomio 32:22

Su edriyubriyub is kepauk ku iring te hapuy. Ebpekevinsul heini te tanà wey te langun he abut kayi, wey te zizalem te tanà wey pundasyun te menge vuntud.