Numero 11:1 - Manobo Western Bukidnon OT

¹ Ne midriklamu is menge Israilihanen mehitenged te kelised dan. Kegkezineǥa kayi te Nengazen, nepauk sikandin ne midretem din is hapuy he nekevinsul te nepipira he vahin te peliǥuy te kampu zan.

Numero 11:1 ပူးပေါင်းရင်းမြစ်များ

Genesis 38:10

Ne mezaat diyà te etuvangan te Nengazen haazà is mibeelan ni Onan, umbe midhimetayan din si Onan.

2 Samuel 11:27

Neiwas is kedlalew zin, ne impekuwa sikandin ni David ne mid-uwit din diyà te turuǥan din. Mid-esawa sikandin ni David, ne wazà meuǥet ne mid-anak sikandin te maama. Piru wazà mesuat is Nengazen te mibeelan ni David.

2 Hadì 1:12

Ne midtavak si Elias te, “Geina te suluǥuen a te Megbevayà ne meulug guntaan is hapuy he ebpuun te langit he edezaat kenikew wey te 50 he menge etew nu!” Ne neulug en maan is hapuy te Megbevayà he ebpuun te langit he nekepatey kandan.

Job 1:16

Ne zutun te kemulu pa egkaǥi haazà is etew, ne nekeume en maan is sevaha pa he etew he ke sikandin te, “Midtibas te kilat is menge kerehidu nu wey is menge ebantey kayi, ne nemematey sikandan. Ne iyan e zà ebpeketudtul kenikew su iyan e zà wazà meragkes.”

Salmo 106:18

Wey zuen daan hapuy he midtutung duen te menge sumusunud kandan he menge lalung daan.

Salmo 78:21

Umbe, nepauk is Nengazen te kegkezineǥa zin kandan. Iring te hapuy is pauk din te menge tig-Israel he menge kevuwazan ni Jacob.

Salmo 78:63

Mibpeminsulan is menge vetan-en he menge maama kandan, umbe wazè en ebpekeesawa te menge raǥa zan.

Exodus 16:7

ne zutun te meselem egkeehè niw is mekeǥeǥehem he kebpekiduma te Nengazen. Su nezineg din en is menge riklamu niw. Hentei key is edriklemuwan niw? Is tutuu, is Nengazen, iyan edriklemuwan niw.”

Exodus 16:9

Ne migkeǥiyan ni Moises si Aaron te, “Keǥiyi nu is tivuuk he keet-etawan te Israel he medhitindeg dan diyà te etuvangan te Nengazen su nezineg din is menge riklamu zan.”

Isaias 10:17

Is Nengazen he iyan sulù te Israel wey waǥas he Megbevayè dan, egkeiring sikandin te edriyubriyub he hapuy. Ebinsulan din seled te meǥaan dà heini is duǥiyen he zezeisey he kayu he iyan is Asiria.

Isaias 30:33

Neuǥet en he naandam is lugar he zutun ebinsuli is hadì te Asiria. Meluag wey mezalem heini he lugar, ne zutun dekelà is hapuy wey kayu he tavun. Is gehinawa te Nengazen he iring te edriyubriyub he esupri ne iyan ebpekeregreg duen te tavun.

Isaias 33:14

Mibpengerker tenged te kekahandek is menge mekesasalà diyà te Zion. Egkaǥi sikandan te, “Is Megbevayà, iring te edriyubriyub he hapuy he kenà egkeuvukan. Hentei man kenitew is ebpekeubpà diyà te etuvangan te Megbevayà?”

Penhulùhulù 3:39

Ne maan is edriklamu ki emun edsilutan ki tenged te menge salè ta?

Ezekiel 20:36

Uya, edhukuman ku sikiyu iring te midhukuman ku is menge kepuun niw ziyà te sibsivayan te Ehipto. Iyan a, is Nengazen he MEGBEVAYÀ, is migkaǥi kayi.

Leviticus 10:2

Umbe, impevulus te Nengazen is hapuy he midtutung kandan taman te minatey zan diyà te etuvangan te Nengazen dutun te Tulda he Edtelevukaayan.

Nahum 1:5

Diyà te etuvangan din egkehuyung is kelibutan, ragkes is menge vuvungan, wey ragkes he egkerkeren is menge etew kayi te kelibutan.

Habakuk 3:5

Ed-uwit ka te kezeetan dutun te kebpekeuma nu.

Numero 10:33

Umbe, mid-awà sikandan puun te vuntud te Nengazen ne midhipanew sikandan seled te tetelu he andew. Layun diyà te egkehunaan dan sikan is Kavan te Kebpekid-uyun su wey zan meturedu is lugar he egkehimelayan dan.

Numero 11:18

“Ne keǥiyi nu is menge etew he mebpekelumpiyu sikandan, su keeselem duen en egkekaan dan he usa. Keǥiya nu heini ziyà te kandan: ‘Siak is Nengazen, nezineg ku sikiyu he edriklamu su egkesuat kew he egkaan te usa. Ne migkaǥi kew pa he meupiya pa is kebpekesavuk niw ziyà te Ehipto kenà guntaan. Umbe ebeǥayan ku sikiyu te usa keeselem su wey kew mekekaan te usa.

Numero 12:2

Ke sikandan te, “Pinaaǥi zè be ki Moises is kebpekidlalag te Nengazen? Kenè be ebpekidlalag daan sikandin pinaaǥi kenami.” Piru nezineg haazà te Nengazen.

Numero 14:2

Mibegulbul sikandan diyà te ki Moises wey ki Aaron. Ke sikandan te, “Deyzey pa ke nemematey kiw en diyà te Ehipto etawa kayi te sibsivayan.

Numero 14:22

wazà minsan sevaha kandan he ebpekeseled diyà te tanà he insaad ku ziyà te menge kepuun dan. Su minsan neehè dan is mekeǥeǥehem he kebpekiduma ku kandan wey egkengein-inuwan he mibeelan ku ziyà te Ehipto wey ziyà te sibsivayan, layun e zan gihapun egezami wey wazè dan mebpezumazuma kedì. Umbe sikan is menge midselikwey kedì, ne kenà ebpekeseled keniyan he tanà.

Numero 14:27

“Keenu en buwa ed-engked he edriklamu kuntra kedì heini is lalung he menge etew? Nezineg ku is menge riklamu kayi te menge Israilihanen he menge riklemedur.

Numero 14:28

Umbe, keǥiya niw heini ziyà te kandan: ‘Siak is uuyag he Nengazen, ebpenangdù a he ebeelan ku ziyà te keniyu is migkaǥi niw.

Numero 16:11

Sikew wey is menge sumusunud kenikew, nekidsukulà te Nengazen ne kenà diyà te ki Aaron.”

Numero 16:35

Ne mibpengelinteuwan te Nengazen he medtuvù is hapuy ne neepur sikan is 250 he menge sumusunud ni Kora he nemuhat te veyewà.

Numero 17:5

Ne zutun ebpeneringsing is tuked te etew he ebpilien ku he ebpenilbi kedì pinaaǥi te kegkememumuhat ne pinaaǥi kayi egkeengked en is kedriklamu te menge Israilihanen ki Aaron wey kenikew.”

Numero 21:5

umbe, midriklamu sikandan diyà te Megbevayà wey ziyà te ki Moises. Ke sikandan te, “Maan is impeǥawas key pa kenikew ziyà te Ehipto su wey key kayi mebpematey te sibsivayan? Wazà keenen wey wahig kayi! Neperahan key en kayi te mesemu he ‘manna’.”

Deuteronomio 25:18

Midlusuzan kew zan dutun te utew kew en nengeveley, ne mibpenhimetayan dan is menge zuma niw he ziyà te huziyanan. Wazè dan kegkahandek te Megbevayà.

Deuteronomio 32:22

Su edriyubriyub is kepauk ku iring te hapuy. Ebpekevinsul heini te tanà wey te langun he abut kayi, wey te zizalem te tanà wey pundasyun te menge vuntud.

Deuteronomio 9:22

“Mibaal kew zaan te igkepauk te Nengazen hein diyè kew te Tabera, Masa, wey ziyà te Kibrot Hataava.