Numero 10:10 - Manobo Western Bukidnon OT

¹⁰ Emun timpu te kedlipey niw zutun te kedsilibra niw te menge pista te netendek he timpu te kebeeli zuen, ragkes en is Pista te Kebpuun te Hayag–pezaǥing niw is menge trumpita emun ebpemuhat kew te menge pemuhat he edtutungen wey pemuhat he para te meupiya he kedepità. Heini he menge trumpita ebpetanudtanud kediey te Megbevayè niw te kebpekid-uyun ku keniyu. Iyan a Nengazen he Megbevayè niw.”

Numero 10:10 ပူးပေါင်းရင်းမြစ်များ

2 Hadì 4:23

Mid-insà is esawa zin te, “Maan is edhendiyè ka ǥuntaan he andew te kenè man heini Pista te Kebpuun te Hayag etawa Andew te Kedhimeley?” Midtavak haazà is bahi te, “Maambe en.”

1 Cronica 15:24

Ne is midseriǥan te kebpezaǥing te trumpita zutun te etuvangan te Kavan te Kebpekid-uyun te Megbevayà he menge memumuhat ne iyan ensi Shebania, Joshafat, Netanel, Amasai, Zacarias, Benaya, wey si Eliezer. Si Obed Edom wey si Jehia iyan daan ebantey zutun te Kavan te Kebpekid-uyun.

1 Cronica 15:28

Umbe, mid-uwit te langun he menge Israilihanen kes Kavan te Kebpekid-uyun te Nengazen duma is ked-ugyab, kebpezaǥing te menge trumpita, menge vudyung, wey menge simbal wey kedtukar te menge lira wey menge alpa.

1 Cronica 16:42

Ketengdanan ni Heman wey ni Jedutun is kebpezaǥing te menge trumpita, wey menge simbal, wey is duma pa he menge gamit he egemiten te kegkanta te menge kentahan para te Nengazen. Is menge anak ni Jedutun iyan impevantey zutun te ǥemawan.

2 Cronica 29:26

Mibpelastar is menge Levihanen he zuen dan menge instrumintu he gaked dengan ni Hadì David, wey is menge memumuhat he zuen dan menge trumpita.

2 Cronica 29:28

Is langun he menge etew zutun, mid-azap dan is Nengazen dutun te egkanta is menge perekanta wey is menge perehiyup te trumpita taman te nepasad is kebpemuhat te menge pemuhat he edtutungen.

2 Cronica 7:6

Ne mibpelastar is menge memumuhat duen te valey te Nengazen, ne iring din ded daan is menge Levihanen he nemekesinaru kandan ne migkanta he edhenduen te, “Wazà pidtemanan te gaǥew zin.” Eduyuǥan dan haazà is kanta te menge gelemiten he mibpeveelan ni Hadì David te kedalig te Megbevayà. Dutun te etuvangan te menge Levihanen, is menge memumuhat mibpezaǥing daan te menge trumpita zutun te kemulu en ebpenhitindeg is langun he menge Israilihanen.

Ezra 3:10

Hein nepasad en duen te ebpemenerebahu is pundasyun duen te valey te Nengazen, mibpelastar is menge memumuhat su ebpezaǥing dan te menge trumpita. Heini sikandan nekevivisti te visti zan te kegkememumuhat. Mibpelastar zaan is menge Levihanen he menge kevuwazan ni Asaf su edtukar zan te menge simbal su edeliǥen dan is Nengazen sumalà te paaǥi he impenurù kandan ni Hadì David he hadì te Israel.

Nehemias 12:35

wey nepipira he menge memumuhat he ebpezaǥing te trumpita. Midtinundug daan si Zacarias he anak ni Jonatan. (Si Jonatan anak ni Shemaya. Si Shemaya anak ni Matania. Si Matania anak ni Micaya. Ne si Micaya anak ni Zacur te kevuwazan ni Asaf.)

Salmo 150:3

Deliǥa niw sikandin pinaaǥi te kebpezaǥing te menge vudyung. Deliǥa niw sikandin pinaaǥi te zaǥing te menge alpa wey menge lira.

Salmo 81:3

Ipezaǥing niw is budyung te kedsilibra te Pista te Kebpuun te Hayag wey zuen te pista he ebeelan tew emun tuker.

Salmo 81:4

Su iyan heini sulunuzen te menge tig-Israel. Su suǥù heini te Megbevayà ni Jacob.

Salmo 89:15

Nengazen, utew zeyzey is menge etew he nemekesaǥad te melipayen he ked-ugyab tenged kenikew, wey nengungubpaan tenged te hizu nu.

Exodus 28:29

“Dutun te kedseled ni Aaron duen te Segradu he Lugar, ne idtaud din haazà is teleǥuey ziyà te kumeng he mideyzeyanan te mahal he menge vatu he in-ukir zuen is menge ngazan te menge tribu te Israel su para siak is Nengazen, ne layun ku sikandan egketenuzi is menge etew ku.

Exodus 30:16

Gemita niw heini he selapì para te ked-etiman duen te Tulda he Edtelevukaayan. Iyan heini lugbak para te untung niw, su wey ku kenà melemlemuwi is ked-ipat keniyu.”

Isaias 27:13

Dutun he timpu ibpezaǥing is mezaǥing he vudyung. Ne ebpemenlikù diyà te Jerusalem is menge Israilihanen he nekaantus te kegkevihaǥa kandan diyà te Asiria wey Ehipto. Ne ed-ezapen dan is Nengazen, diyà te segradu he vuvungan diyà te Jerusalem.

Numero 10:9

“Emun diyè kew en te tanè niw, ne ebpekidtebek kew te menge kuntada niw he edrasey keniyu, ipezaǥing niw is menge trumpita su para siak is Nengazen he Megbevayè niw, egketenuzan ku sikiyu ne edlibriyen ku sikiyu te kedezaat te menge kuntada niw.

Numero 28:11

“Diyà te kada egkehuna he andew te vulan ne pemuhat kew ziyà te Nengazen te pemuhat he edtutungen. Is ibpemuhat niw zezuwa he turiti he vaka, sevaha he meǥurang en he meemahan he kerehidu, wey pitu he meemahan he kerehidu he tig senge-tuig is keǥurang dan. Is langun kayi kinahanglan he wazè din sazir.

Numero 29:1

“Diyà te egkehuna he andew te ikepitu he vulan, tiǥum kew para te ked-azap te Nengazen, ne kenè kew terebahu. Iyan heini andew te kebpezaǥing niw te menge trumpita.

Josue 4:7

keǥiyi niw sikandan he mid-engked he edtudà is Wahig he Jordan hein inlayun sikan is Kavan te Kebpekid-uyun te Nengazen. Heini he menge vatu kenà egkaawà he tedeman te menge etew te Israel taman te taman.”

Josue 6:4

Ipehuna nu is ebivinting duen te Kavan te Kebpekid-uyun ku keniyu he pitu he menge memumuhat he ed-uwit te tigselimbaha he vudyung. Ne emun ikepitu en he andew, ne kepipitu niw liǥuya haazà is inged, duma te menge memumuhat he ebpezaǥing te vudyung.

1 Samuel 20:5

Migkeǥiyan ni David si Jonatan te, “Keeselem Pista te Kebpuun te Hayag ne meupiya pezem ke dutun a is egkaan duma te amey nu. Piru emun ebpemineg ka he edhipanew a, ne ed-eles a taman te mezukilem te iketulu he andew.