Numero 10:1 - Manobo Western Bukidnon OT

¹ Migkaǥi is Nengazen diyà te ki Moises te,

Numero 10:1 ပူးပေါင်းရင်းမြစ်များ

Genesis 42:13

Ne midtavak dan te, “Sikami, datù, is menge suluǥuen nu, ne sepulù key wey zezuwa he menge anak te sevaha zà he etew. Diyè pa is amey zey te Canaan. Diyà daan te kandin is hazi zey. Duen pa sevaha he hazi zey he minatey en.”

Genesis 46:15

Iyan heini menge anak wey menge apù ni Jacob he in-anak ni Lea ziyà te inged he Padan Aram. Ne 33 is langun he menge kevuwazan ni Jacob wazà lavet te anak din he vahi he si Dina.

2 Samuel 6:15

Dutun te kedhipanew te menge etew te Israel he ed-uwit te Kavan te Nengazen, ebpemengulahì dan is ebpezaǥing te menge vudyung.

2 Hadì 11:14

Ne neehè din dutun is beǥu he hadì he midhitindeg uvey zuen te tukud, su iyan haazà neleyaman he vaal emun duen edhimuwen he hadì. Diyà te avey zuen te hadì is menge peremandar wey is menge perehiyup te trumpita, ne ebpemen-ugyab is langun he menge etew zutun wey ebpezaǥing te menge trumpita. Ne hein naahà ni Atalia haazà is langun, mibindas din is bisti zin su mibmezaat is gehinawa zin, ne nemensag sikandin te, “Menge meluiven! Menge meluiven!”

2 Cronica 23:13

Ne neehè din dutun is beǥu he hadì he midhitindeg uvey zuen te tukud he edhithitindeǥan te menge hadì duen te ǥemawan te valey te Nengazen. Dutun te avey te Hadì is menge peremandar wey is menge perehiyup te trumpita, ne langun he menge etew nemen-uruhuy wey mibpezaǥing te trumpita. Is menge perekanta he zuen dan menge instrumintu ne edhuna sikandan is edalig te Megbevayà. Ne hein naahà ni Atalia haazà is langun, mibindas din is bisti zin su mibmezaat is gehinawa zin, ne nemensag sikandin te, “Menge meluiven! Menge meluiven!”

2 Cronica 5:12

Is menge Levihanen he menge musikiru ne iyan si Asaf, si Heman, si Jedutun, wey is menge anak dan he menge maama, wey menge kezuzumahi zan ne midhitindeg diyà te zapit te edsilaan he avey zutun te pemuhatà. Mibivisti zan te linu he edtukar te menge simbal, alpa, wey lira. Iyan duma zan dutun is 120 he menge memumuhat he ebpezaǥing te trumpita.

2 Cronica 7:6

Ne mibpelastar is menge memumuhat duen te valey te Nengazen, ne iring din ded daan is menge Levihanen he nemekesinaru kandan ne migkanta he edhenduen te, “Wazà pidtemanan te gaǥew zin.” Eduyuǥan dan haazà is kanta te menge gelemiten he mibpeveelan ni Hadì David te kedalig te Megbevayà. Dutun te etuvangan te menge Levihanen, is menge memumuhat mibpezaǥing daan te menge trumpita zutun te kemulu en ebpenhitindeg is langun he menge Israilihanen.

Ezra 3:10

Hein nepasad en duen te ebpemenerebahu is pundasyun duen te valey te Nengazen, mibpelastar is menge memumuhat su ebpezaǥing dan te menge trumpita. Heini sikandan nekevivisti te visti zan te kegkememumuhat. Mibpelastar zaan is menge Levihanen he menge kevuwazan ni Asaf su edtukar zan te menge simbal su edeliǥen dan is Nengazen sumalà te paaǥi he impenurù kandan ni Hadì David he hadì te Israel.

Salmo 47:5

Dutun te kedhendiyà te Megbevayà te pinuuwè din te kedhadì, ed-ugyab is menge etew te kegkelipey zan duma is kebpezaǥing te menge vudyung.

Salmo 81:3

Ipezaǥing niw is budyung te kedsilibra te Pista te Kebpuun te Hayag wey zuen te pista he ebeelan tew emun tuker.

Numero 1:52

Kinahanglan he ebpeem-emurà te egkempuwan is kada tribu te menge Israilihanen, ne mebpehitindeg te bendira is kada tribu.

Numero 10:2

“Pevaal ka te zezuwa he trumpita he pelata ne ǥemita nu heini te kedtiǥuma te menge etew wey kebpaandam kandan te kedhipanew.

Numero 29:1

“Diyà te egkehuna he andew te ikepitu he vulan, tiǥum kew para te ked-azap te Nengazen, ne kenè kew terebahu. Iyan heini andew te kebpezaǥing niw te menge trumpita.

Numero 7:2

Ne mid-uwit te menge halad diyà te Nengazen is menge pengulu te Israel, he iyan kes menge pengulu te kada tribu he insarig kandan is kedsinsus.

Numero 9:23

Umbe, egkampu wey egenat is menge Israilihanen sumalà te idsuǥù te Nengazen. Ne midtuman dan is menge suǥù te Nengazen he migkaǥi zin diyà te ki Moises.

Josue 6:4

Ipehuna nu is ebivinting duen te Kavan te Kebpekid-uyun ku keniyu he pitu he menge memumuhat he ed-uwit te tigselimbaha he vudyung. Ne emun ikepitu en he andew, ne kepipitu niw liǥuya haazà is inged, duma te menge memumuhat he ebpezaǥing te vudyung.

Zatù 7:20

Ne iyan daan haazà mibeelan duen te tetelu he grupu. Ne zutun te egewezan dan te ǥivang dan sikan is sulù ne egewazan dan daan te kewanan dan sikan is budyung ingkulahì dan is lalag he edhenduen te, “Ebpekidtebek kiw para te Nengazen wey para ki Gideon.”