Numero 1:47 - Manobo Western Bukidnon OT

⁴⁷ Wazà iragkes kayi is menge kevuwazan ni Levi.

Numero 1:47 ပူးပေါင်းရင်းမြစ်များ

1 Cronica 21:6

Piru wazè pa iapil ni Joab te kebilang is tribu ni Levi wey ki Benjamin su wazè din mesuati is suǥù te hadì.

Numero 1:3

he ebpenuiǥen te 20 he tuig pehendiyà te metikang he egkehimu en he edsunderuwen. Iyan kew ki Aaron dumala te kedsinsus ne peuǥup kew te pengulu te kada tribu.”

Numero 1:48

Su migkaǥi is Nengazen diyà te ki Moises te,

Numero 1:50

Kekenà, iveǥey kandan he ketengdanan is kedumala zuen te Tulda he Ed-ezapan he zutun itaǥù sikan is Kesuǥuan, wey is langun he ǥelemiten kayi. Iyan sikandan ed-uwit dutun te Tulda wey te langun he ǥelemiten kayi. Kinahanglan he ed-etimanen dan heini, ne kinahanglan he ziyè dan megkampu te ebpekeliǥuy kayi.

Numero 2:33

Ne wazà kayi meragkes is menge kevuwazan ni Levi, su wazà sikandan iragkes te ebilang sumalà te insuǥù te Nengazen ki Moises.

Numero 3:1

Iyan heini keguǥuza mehitenged te menge kevuwazan ni Aaron wey ni Moises he ingkesurat hein timpu te kebpekidlalag te Nengazen ki Moises diyà te Buntud he Sinai.

Numero 3:14

Migkeǥiyan te Nengazen si Moises diyà te sibsivayan he Sinai te,

Numero 3:15

“Bilanga nu is menge kevuwazan ni Levi he menge maama sumalà te pemilya zan. Bilanga nu is senge vulan is keǥurang din pehendiyà te metikang.”

Numero 4:49

Umbe, sumalà te insuǥù te Nengazen ki Moises, mibilang sikandan ne mibeǥayan te vuluhaten is kada sevaha kandan wey migkeǥiyan ke hengkey is ed-uwiten din.