Numero 1:3 - Manobo Western Bukidnon OT

^3-4 he ebpenuiǥen te 20 he tuig pehendiyà te metikang he egkehimu en he edsunderuwen. Iyan kew ki Aaron dumala te kedsinsus ne peuǥup kew te pengulu te kada tribu.”

Numero 1:3 ပူးပေါင်းရင်းမြစ်များ

2 Samuel 24:9

Ne midtudtul ni Joab diyà te ki Hadì David is kezakel te menge maama he ebpekesukul en te kebpekidtebek: 800,000 is diyà te Israel ne 500,000 is diyà te Juda.

1 Cronica 5:18

Duen menge 44,760 he menge sundaru te tribu ni Reuben, Gad wey ketengà he tribu ni Manase. Mibansey sikandan para te kebpekidtebek wey metau sikandan he egamit te kelasag, ispada, wey panà.

2 Cronica 25:5

Mid-urgenisar ni Amazia is menge sundaru zin he ebpuun te Juda wey Benjamin. Mibpunduk din sikandan sumalà te pemilya zan ne zuen menge peremandar he impezumala zin te tig-100 wey tig-1,000 he menge sundaru. Ne mibilang din is menge sundaru zin he ebpenuiǥen te 20 wey subra pa, ne is kezakel zan ne 300,000. Memetau heini he egawed te vangkew wey kelasag.

Exodus 12:17

“Silibraha niw is Pista te Supas he Wazè din Tapey, su wey niw kenà melipati haazà is andew te kebpeǥewasa ku keniyu te menge tribu ni Israel puun diyà te Ehipto. Ne iyan suǥù ku is: Kinahanglan he ibpezume en diyà te egketulung egkelapislapis he kevuwazan niw is kedsilibraha kayi.

Exodus 30:14

Is langun he menge maama he 20 he tuig is penuiǥen din, pehendiyè en te metikang ne iyan sikandan ebeǥey kayi te kediey.

Numero 14:29

Ebpematey kew kayi te sibsivayan. Su mibegulbulan a keniyu, wazà minsan sevaha keniyu he ebpenuiǥen te 20 pehendiyà te metikang,

Numero 26:2

“Sinsusa niw is kada pemilya te tivuuk he keet-etawan te Israel sumalà te pemilya zan–sikan is langun he maama he 20 he tuig is penuiǥen dan pehendiyà te metikang he egkehimu he edsunderuwen te Israel.”

Numero 3:15

“Bilanga nu is menge kevuwazan ni Levi he menge maama sumalà te pemilya zan. Bilanga nu is senge vulan is keǥurang din pehendiyà te metikang.”

Numero 32:11

‘Geina te wazè dan medsunud kedì te ebpuun diyà te gehinawa zan, ne wazà minsan sevaha kandan te ebpenuiǥen te 20 pehendiyà te metikang he migawas puun te Ehipto he ebpekaahà duen te tanà he insaad ku ki Abraham, ki Isaac wey ki Jacob

Numero 33:1

Iyan heini menge lugar he neveyaan te menge Israilihanen hein mid-awè dan en diyà te Ehipto, he iyan pengulu zan si Moises wey si Aaron.

Numero 4:3

Bilanga niw is langun he maama he is penuiǥen dan 30 pehendiyà te 50 he tuig, he ebpekehimu he ebpenilbi ziyà te Tulda he Edtelevukaayan.

Deuteronomio 24:5

“Emun beǥu he ebpekeesawa is etew, kinahanglan he kenà sikandin ibpetampu te tebek etawa kenà sikandin ebeǥayan te minsan hengkey he vuluhaten diyà te inged seled te senge-tuig, su para ziyè dà sikandin mekeubpàubpà te valey zin su wey zin meveǥayi te kelipey is esawa zin.

Deuteronomio 3:18

“Dutun he timpu mibmenduan ku is menge tribu niw he ziyà ebpen-ubpà te zapit te edsilaan te Wahig he Jordan, he ke siak te, ‘Minsan imbeǥey en heini he tanà diyà te keniyu te Nengazen he Megbevayè niw su wey niw maangken, kinahanglan gihapun he edlayun te Wahig he Jordan is langun he menge sundaru niw he egkeǥumeenan su wey zan megiyahi is duma niw he menge Israilihanen te kebpekidtebek.