Numero 1:16 - Manobo Western Bukidnon OT

¹⁶ Iyan haazà sikandan menge pengulu ziyà te menge tribu he nengepilì puun te menge Israilihanen.

Numero 1:16 ပူးပေါင်းရင်းမြစ်များ

Exodus 18:21

Iyan, pilì ka te metau he menge etew he ebpekeuǥup kenikew te kebpenhusey nu. Kinahanglan he metau sikandan he edhusey, edtahud te Megbevayà, egkeseriǥan, ne kenà edawat te sipsip. Himuwa sikandan he menge zatù te menge grupu te menge etew he tig-1,000, tig-100, tig-50 wey tig-10.

Exodus 18:25

Mibpilì sikandin te menge Israilihanen te menge etew he uluwanen he edhusey, ne midhimu zin sikandan he menge upisyal te grupu te menge etew he tig-1,000, tig-100, tig-50, wey tig-10.

Micas 5:2

Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Numero 1:17

Ne impetiǥum ni Moises wey ni Aaron duma kayi te menge pengulu is langun he menge Israilihanen dutun mismu he andew. Impenlista zan is langun he menge maama he ebpenuiǥen te 20 pehendiyà te metikang sumalà te kada kezuzumahi wey is menge pemilya zutun.

Numero 10:4

Emun sevaha zà is ibpezaǥing, ne iyan dà is menge pengulu te kada tribu is edtiǥum diyà te etuvangan nu.

Numero 11:17

Ebulus a ne ebpekidlalag a kenikew zutun, ne ibeǥey ku kandan is duma he keǥehem he imbeǥey ku kenikew su wey zan mekeuǥup kenikew te kedumala te menge etew su para zuen nu zuma te kedumala kandan.

Numero 26:9

ne is menge anak ni Eliab iyan ensi Nemuel, Datan, wey si Abiram. Heini si Datan wey si Abiram iyan menge pengulu te menge etew he nekidsevaha ki Kora te kebpekidsukulà te Nengazen pinaaǥi te kegkuntedaha zan ki Moises wey ki Aaron.

Numero 30:1

Migkeǥiyan ni Moises is menge pengulu te menge tribu te Israel te, “Iyan heini menge suǥù te Nengazen:

Numero 7:2

Ne mid-uwit te menge halad diyà te Nengazen is menge pengulu te Israel, he iyan kes menge pengulu te kada tribu he insarig kandan is kedsinsus.

Deuteronomio 1:15

Umbe, iyan impezumala ku keniyu is midhimu ku he menge zatù wey menge upisyal he uluwanen wey menge telehuzen he menge etew he ebpuun diyà te menge tribu niw. Duen impezumala ku te 1,000 he etew, ne is duma 100, ne is duma 50, ne is duma pa impezumala ku te 10 he etew.

Zatù 6:15

Midtavak si Gideon te, “Nengazen, ebmenmenuwen ku te edlibri is menge Israilihanen te iyan kinemeluyahan he pemilya ziyà te tribu ni Manase is kenami he pemilya, ne iyan a kineminusan diyà te pemilya zey.”

1 Samuel 22:7

Migkeǥiyan ni Saul sikandan te, “Pemineg kew is menge tig-Benjamin! Kenè be mibpenengduan kew ni David he ebeǥayan kew zin langun te vevesukà wey menge pemuleey niw te paras? Mibpenengduan kew zin pa te edhimuwen kew zin pudu he menge peremandar te menge sundaru?

1 Samuel 23:23

Peniizi niw is langun he lugar he ed-elesan din, ne likù kew kayi te kedì emun siguradu en. Ne eduma a keniyu; ne emun diyè pa te zuma he elesà ne ebpen-ahaan ku minsan meeneb ku pa is tivuuk he tanà te Juda.”