Numero 1:1 - Manobo Western Bukidnon OT

¹ Hein nehuna he andew te ikezuwa he vulan, dutun te ikezuwa he tuig te ked-awà te menge Israilihanen diyà te Ehipto, migkaǥi is Nengazen diyà te ki Moises diyà te Tulda he Edtelevukaayan he ziyà te sibsivayan he Sinai te,

Numero 1:1 ပူးပေါင်းရင်းမြစ်များ

1 Hadì 6:1

Mibpuunan ni Solomon is kebangun duen te valey te Nengazen te ikezuwa he vulan, he iyan is bulan he Ziv, dutun te ikeepat he tuig te kedhadì din te Israel. Ike-480 he tuig haazà puun te ked-awà te menge Israilihanen diyà te Ehipto.

Exodus 19:1

Mid-awà is menge Israilihanen diyà te Refidim ne midhendiyè dan te sibsivayan he Sinai. Diyà sikandan megkampu te egkesineruwan te vuntud. Iketelu haazà he vulan te ked-awè dan diyà te Ehipto.

Exodus 25:22

Ne ebpekidhinguma a kenikew zutun te mid-elangan duen te dezuwa he kirubin he ziyà te zivavew zuen te Kavan, ne ibeǥey ku kenikew is langun he menge velaud ku para te menge Israilihanen.

Exodus 40:17

Umbe, midtukud is Tulda he Ed-ezapan dutun te nehuna he andew te nehuna he vulan dutun te ikezuwa he tuig te kegkeliwas te ked-awè dan diyà te Ehipto.

Exodus 40:2

“Dutun te egkehuna he andew te egkehuna he vulan te tuig, ne ipelastar niw en heeyan is Tulda he Ed-ezapan, he egngezanan daan he Tulda he Edtelevukaayan.

Leviticus 1:1

Midtawag te Nengazen si Moises ne midlelaǥan din diyà te Tulda he Edtelevukaayan. Midsuǥù din si Moises te kegkaǥi kayi ziyà te menge Israilihanen: Emun duen keniyu ebpemuhat te uyaǥen diyà te Nengazen, ne mebpemuhat sikandin te vaka, kerehidu, etawa kambing.

Leviticus 27:34

Iyan heeyan menge suǥù he imbeǥey te Nengazen ki Moises diyà te Buntud he Sinai he para te menge Israilihanen.

Numero 12:4

Umbe, migkeǥiyan te Nengazen si Moises, si Aaron, wey si Miriam te, “Gawas kew is tetelu keniyan te kampu ne hendiyè kew te Tulda he Edtelevukaayan.” Umbe migawas sikandan is tetelu ne midhendiyè dan te Tulda.

Numero 9:1

Hein nehuna he vulan te ikezuwa he tuig puun te kegawas te menge Israilihanen diyà te Ehipto, migkeǥiyan te Nengazen si Moises diyà te sibsivayan he Sinai te,

Deuteronomio 1:3

Dutun te nehuna he andew te ike-11 he vulan te ike-40 he tuig puun te ked-awà te menge Israilihanen diyà te Ehipto, migkaǥi ni Moises is langun he ibpekaǥi kandin te Nengazen diyà te kandan.

Deuteronomio 2:14

Neulaula heini hein midlavey en is 38 he tuig puun te timpu te kebpuun tew ziyà te Kadesh Barnea. Ne nemematey en diyà te sibsivayan is menge Israilihanen he menge sundaru zutun he lapis te kevuwazan, ne iyan heini sikan is impetizaan te Nengazen kandan.

Deuteronomio 2:7

Tentenuzi niw is kedtuvazi ku te langun he mibeelan niw. Iyan a Nengazen he Megbevayè niw, iyan a mibantey keniyu ziyà te hipanew niw kayi te meluag he sibsivayan. Seled te 40 he tuig is kebpekiduma ku keniyu ne wazà megkurang is minsan hengkey he kinahanglan niw.” ’ Iyan haazà lalag te Nengazen kediey.