Nehemias 6:3 - Manobo Western Bukidnon OT

³ Umbe, midsuǥù ku is menge menunudtulà te kegkaǥi ziyà te kandan te, “Impurtanti is terebahu ku ǥuntaan, umbe kenà a ebpekehendiyan. Kenè ku egkehimu te ed-engked is terebahu ku para zà mekehendiyan a.”

Nehemias 6:3 ပူးပေါင်းရင်းမြစ်များ

Nehemias 4:13

Umbe, zuen menge impevantey ku zuen te kinemevevaan he menge vahin dutun te verengbeng he melemu zà ebpekevayà dutun is edseled. Impevantey ku sikandan dutun he migrupu is kada pemilya, ne neǥumeenan sikandan te ispada, bangkew, wey panà.

Nehemias 6:2

Ne mibpeuwit te lalag kayi te kediey si Sanbalat wey si Geshem he ke sikandan te: “Egkesuat key he ebpekidhinguma kenikew ziyà te sevaha te zezeisey he inged diyà te suǥud he Ono.” Piru netuenan ku he zuen mezaat he pelanu zan kayi te kediey.

Nehemias 6:4

Keheepat e zan peuwiti te iyan ded he lalag, ne keheepat ku zaan sikandan tevaka te iyan ded he lalag.

Erubasa 14:15

Is etew he wazè din utew hanew, edtuu te minsan hengkey zà duen; is etew he metau, ne ed-is-isipen din ke hendei is meupiya etawa mezaat ne ebentayan din is kedlangkad din.

Megwewali 9:10

Beeli nu is minsan hengkey he ebeelan nu he egkehimu nu, su ziyà te ubpaan te menge minatey, he zutun is egkepengkusan nu, ne wazè en ketau etawa keuluwanen.