Nehemias 5:4 - Manobo Western Bukidnon OT

⁴ Ne zuen pa zuma kandan he migkaǥi te, “Kinahanglan he ed-utang key te selapì he para ibayad dey ziyà te hadì te vuhis para te menge bevesukè dey, wey menge pemuleey zey te paras.

Nehemias 5:4 ပူးပေါင်းရင်းမြစ်များ

Ezra 4:13

Mahal he Hadì, emun egkeuman egkevangun heini he inged wey egkepurungan en is menge verengbeng kayi, edribildi is menge meǥinged kayi ne kenè dan en ebayad te menge vuhis wey zuma pa he menge veleyazan. Ne edeisey is egketiǥeyunan te ginhedian nu.

Ezra 4:20

Netuenan ku zaan pinaaǥi te menge surat he midumala is Jerusalem te mekeǥeǥehem he menge hadì he midhadì te tivuuk he prubinsya ziyan layun te Eufrates ne mibayad heini he prubinsya ziyà te kandan te vuhis wey zuma pa he menge veleyazan.

Ezra 7:24

Ibpehibelu zey zaan diyà te keniyu he kenè niw ipevayad te vuhis wey zuma pa he menge veleyazan is menge memumuhat, menge Levihanen, menge musikiru, menge vantey te menge ǥemawan te valey te Nengazen, menge suluǥuen diyà te valey te Nengazen, wey is duma pa he ebpemenerebahu zutun te valey te Nengazen.

Nehemias 5:3

Duen duma kandan he migkaǥi te, “Insandè dey en ganì is menge bevesukè dey, menge pemuleey zey te paras, wey is menge valey zey su para zuen dey egkekaan ke timpu te vitil.”

Nehemias 9:37

Ne ǥuntaan, is dekelà he menge abut kayi te tanà, ne iyan ebpekezawat duen is menge hadì he impahadì nu kenami tenged te menge salè dey. Ebeelan dan diyà te kenami wey ziyà te menge uyaǥen dey is egkesuatan dan te ebaal, ne utew key nekebmereǥen.”

Erubasa 22:7

Is menge egkengaayuayu ne egkeveyveyaan te menge sepian, ne is menge ebpengutang uripen te menge neutangan dan.

Josue 16:10

Wazè dan segseǥa is menge Canaanhen he ebpemen-ubpà diyà te Gezer; umbe zuen menge Canaanhen he nengungubpaan duma te menge Efraimnen taman en guntaan, piru mid-uripen dan sikandan.