Nehemias 13:9 - Manobo Western Bukidnon OT

⁹ Ne impelumpiyuwan ku haazà is ruǥu, ne hein nepasad, impelikù ku zutun sikan is menge gelemiten duen te valey te Nengazen ragkes en is menge halad he para gasa wey veyewà.

Nehemias 13:9 ပူးပေါင်းရင်းမြစ်များ

2 Cronica 29:5

Ne migkeǥiyan din sikandan te, “Pemineǥa a keniyu, sikiyu is menge kevuwazan ni Levi. Guntaan, ihalad niw is keugelingen niw wey lumpiyuwi niw zaan is baley te Nengazen, he Megbevayà te menge kepuun niw. Iawè niw keniyan te valey te Nengazen is langun he menge vutang he ed-isipen he meremerik.

Nehemias 10:37

Midsaad key pa he idata zey ziyà te menge memumuhat, diyà te budiga ziyà te valey te Megbevayè dey, is kineupiyahan he klasi te herina wey zuma he menge halad he para gasa. Ed-uwiten dey zaan is kineupiyahan he menge prutas dey, wey is kineupiyahan he veǥu he vinu, wey lana he ulibu. Ed-uwiten dey zaan diyà te menge Levihanen is ikepulù te menge abut dey, su iyan sikandan ebpengulikta te ikepulù diyà te langun he menge inged he zuen duen menge vevesukà. Emun ebpengulikte en te ikepulù is menge Levihanen,

Nehemias 12:45

Midhimu zan is tulumanen he kebpenlumpiyu wey zuma pa he menge vuluhaten he ibpetuman kandan te Megbevayè dan. Mibeelan daan te menge perekanta wey menge vantey te menge ǥemawan te valey te Nengazen is kandan he vuluhaten he iyan insuǥù ni Hadì David wey te anak din he si Solomon.

Ezekiel 40:38

Ne zuen ku naahà he ruǥu he zuen din gemawan, he avey te varkun te veyeey he zapit te zizaya. Dutun edlùlùi is menge pemuhat he edtutungen.