Nehemias 13:16 - Manobo Western Bukidnon OT

¹⁶ Duen daan menge tig-Tyre he nemen-ubpà diyà te Jerusalem he mid-uwit te menge isdà wey zuma pa he menge velegyà. Ne imbelegyè dan haazà diyà te menge tig-Juda he ziyà te Jerusalem dutun he Andew te Kedhimeley.

Nehemias 13:16 ပူးပေါင်းရင်းမြစ်များ

Nehemias 13:15

Dutun he timpu zuen neehè ku he menge tig-Juda he egkeres te paras te Andew te Kedhimeley. Is duma kandan egkergahan dan is menge asnu zan te trigu, binu, paras, higus, wey zuma pa, su ed-uwiten dan diyà te Jerusalem su ibelegyè dan. Umbe mibpetizeenan ku sikandan he kenè dan mebelegyà te menge pruduktu zan emun Andew te Kedhimeley.

Nehemias 13:17

Umbe, mid-etuvang ku is menge pengulu ziyà te Juda, ne migkeǥiyan ku te, “Hengkey heini is mezaat ebeelan niw? Wazè niw isipa he segradu is Andew te Kedhimeley!

Exodus 20:10

iyan, is ikepitu he andew he iyan Andew te Kedhimeley ne isipa niw he para heeyan kediey, kes Nengazen he Megbevayè niw. Dutun he andew ne kenè kew medterebahu te minsan hengkey. Kinahanglan daan he kenà medterebahu is menge anak niw, menge suluǥuen niw, wey minsan is kenà menge Israilihanen he mid-ubpà diyà te inged niw. Kenè niw zaan iterebahu is menge ayam niw.

Exodus 23:12

“Terebahu kew seled te heenem he andew, piru himeley kew emun ikepitu en he andew, su para mekehimeley zaan is menge vaka niw wey menge asnu niw, ragkes is menge uripen niw he neetew ziyà te keniyu, wey is kenà menge Israilihanen he zuma niw he meǥinged.

Deuteronomio 5:14

piru is ikepitu he andew, iyan Andew te Kedhimeley, ipehinungud niw heeyan he andew kedì te Nengazen he Megbevayè niw. Dutun he andew ne kenè kew medterebahu te minsan hengkey. Kinahanglan daan he kenà medterebahu is menge anak niw, menge suluǥuen niw, minsan is kenà menge Israilihanen he mid-ubpà diyà te inged niw. Kenè niw zaan iterebahu is menge vaka niw, menge asnu niw, wey zuma pa he menge uyaǥen niw. Pinaaǥi kayi ebpekehimeley zaan is menge uripen niw iring keniyu.