Nehemias 11:3 - Manobo Western Bukidnon OT

^3-4 Is duma he menge Israilihanen, ragkes is menge memumuhat, menge Levihanen, menge suluǥuen diyà te valey te Nengazen, wey is menge kevuwazan te menge suluǥuen ni Solomon, mibpedayun dan med-ubpà diyà te keugelingen dan he menge tanà diyà te nekedseselekawà he menge inged diyà te Juda. Is duma he menge etew ziyà te Juda wey Benjamin, diyà med-ubpà te Jerusalem. Iyan heini menge pengulu ziyà te prubinsya he Juda wey Benjamin he ziyà med-ubpà te Jerusalem. Is ebpuun diyà te tribu ni Juda: Si Ataya he anak ni Uzia. (Si Uzia anak ni Zacarias. Si Zacarias anak ni Amaria. Si Amaria anak ni Shefatia. Ne si Shefatia anak ni Mahalalel he ebpuun diyà te kevuwazan ni Perez.)

Nehemias 11:3 ပူးပေါင်းရင်းမြစ်များ

Ezra 2:1

Listahan heini te menge Israilihanen diyà te prubinsya he Juda he mibihag dengan ni Hadì Nebucadnezar ziyà te Babilonia. Kayi he timpu mid-awe en sikandan diyà te Babilonia ne midlikù en diyà te Jerusalem wey ziyà te zuma pa he menge inged dan diyà te Juda.

Ezra 2:43

Iyan heini menge kevuwazan te menge suluǥuen diyà te valey te Nengazen he nemen-ulì daan puun te kegkevihag: Menge kevuwazan ni Ziha, Hasufa, Tabaot, Keros, Siaha, Padon, Lebana, Hagaba, Akub, Hagab, Shalmai, Hanan, Gidel, Gahar, Reaya, Rezin, Nekoda, Gazam, Uza, Pasea, Besai, Asna, Meunim, Nefusim, Bakbuk, Hakufa, Harhur, Bazlut, Mehida, Harsha, Barkos, Sisera, Tema, Nezia, wey Hatifa.

Ezra 2:70

Is kada sevaha kandan midlikù diyà te menge inged he mibpuunan te menge pemilya zan, ragkes is menge memumuhat, menge Levihanen, menge perekanta, menge vantey te menge ǥemawan te valey te Nengazen, wey is menge suluǥuen diyà te valey te Nengazen.

Nehemias 11:20

Is duma he menge Israilihanen, ragkes is menge memumuhat wey menge Levihanen, diyà med-ubpà te nepengevilin dan he menge tanà he ziyà te nekedseselekawà he menge inged diyà te Juda.

Nehemias 7:39

Iyan heini kevuwazan te menge memumuhat he nengevihag piru nemen-ulì en: Menge kevuwazan ni Jedaya (he ebpuun te pemilya ni Jeshua); 973 Imer; 1,052 Pashur; 1,247 Harim; 1,017

Nehemias 7:43

Iyan heini menge kevuwazan te menge Levihanen he nengevihag piru nemen-ulì en daan: Is menge kevuwazan ni Jeshua wey ni Kadmiel (he ebpuun te pemilya ni Hodavia); 74 Is menge perekanta ziyà te valey te Nengazen he menge kevuwazan ni Asaf; 148 Is menge vantey ziyà te menge ǥemawan te valey te Nengazen he menge kevuwazan eni Shalum, Ater, Talmon, Akub, Hatita, wey Shobai; 138

Nehemias 7:46

Iyan heini menge kevuwazan te menge suluǥuen diyà te valey te Nengazen he nengevihag piru nemen-ulì en: Menge kevuwazan eni Ziha, Hasufa, Tabaot, Keros, Sia, Padon, Lebana, Hagaba, Shalmai, Hanan, Gidel, Gahar, Reaya, Rezin, Nekoda, Gazam, Uza, Pasea, Besai, Meunim, Nefushesim, Bakbuk, Hakufa, Harhur, Bazlut, Mehida, Harsha, Barkos, Sisera, Tema, Nezia, wey Hatifa.

Nehemias 7:6

Mahabet he menge Israilihanen diyà te prubinsya he Juda is mibihag ni Hadì Nebucadnezar ne miduma zin diyà te Babilonia. Ne ǥuntaan mid-awe en sikandan diyà te Babilonia su mid-ulì dan diyà te Jerusalem ne is duma ziyà te keugelingen dan he menge inged diyà te Juda.

Nehemias 7:7

Is nengulu kandan te kedlikù iyan si Zerubabel, si Jeshua, si Nehemias, si Azaria, si Raamia, si Nahamani, si Mordecai, si Bilshan, si Misperet, si Bigvai, si Nehum, wey si Baanah. Iyan heini lista te nevihag he menge Israilihanen piru nemen-ulì en:

Nehemias 7:73

Ne nemenlikù sikandan diyà te menge inged he mibpuunan te pemilya zan, ragkes en is menge memumuhat, menge Levihanen, menge vantey te menge ǥemawan te valey te Nengazen, menge perekanta, wey menge suluǥuen diyà te valey te Nengazen.