Nahum 3:5 - Manobo Western Bukidnon OT

⁵ Guntaan, migkaǥi is Nengazen he Mekeǥeǥehem te, “Pemineg kew is menge tig-Nineve! Kuntada ku sikiyu! Umbe ebpeel-elezan ku sikiyu ziyà te zuma he menge nasyun. Iring te vahi he midlislisan he naahà is kegkelevasi zin.

Nahum 3:5 ပူးပေါင်းရင်းမြစ်များ

Jeremias 13:22

Kenè ke ve vuwa ebpekeinsà diyà te ǥehinawa nu ke maan is nehitavù heini ziyà te kenikew? Midezeetan ka he iring te vahi he midlayug, su tenged te mahabet he menge salè nu.

Jeremias 13:26

Edlevasan ku sikiyu su wey kew mepeel-elezi.

Jeremias 50:31

“Siak, is Nengazen he MEGBEVAYÀ he Mekeǥeǥehem, migkaǥi a te, ‘Kuntada ku sikew he Babilonia he mepelevawen! Neume en is timpu te kedsiluti ku kenikew.

Ezekiel 16:37

Tenged kayi te mibeelan nu, edtiǥumen ku is langun he menge kumpadi nu he igkelilingey nu, is mibmahal nu wey ragkes en is egkeepesan nu. Edtiǥumen ku sikandan su wey ke zan kuntedaha, ne edlevasan ku sikew ziyà te etuvangan dan su wey ke zan maahà is lelevas.

Ezekiel 21:3

Keǥiyi nu sikandan he siak, is Nengazen he MEGBEVAYÀ, migkaǥi a te, ‘Ebpekigkuntada a keniyu! Edhulevuten ku is ispada ku ne ebpenhimetayan ku sikiyu is langun, meupiya man etawa lalung he etew.

Ezekiel 23:25

Tenged te utew ku kegkepeuki kenikew, ebpesilutan ku sikew kandan. Ne tenged te pauk dan edtinglasen dan is izung nu wey telinga nu. Ebihaǥen dan is menge anak nu, ne is egkesamà diyà te kenikew ebpenhimetayan dan te ispada etawa ebinsulan dan.

Ezekiel 23:29

Tenged te pauk dan edsilutan ke zan, ne egkuwaan dan is langun he hineǥuan nu. Ed-ewaan ke zan is lelevas, ne egkezayag is mekeeled-eled he kebpekesavuk nu tenged te mahawag he vaal nu he iyan is kebelegyè nu te zengeg nu.

Ezekiel 26:3

Umbe iyan a, is Nengazen he MEGBEVAYÀ, migkaǥi he egkuntrahan ku is menge tig-Tyre. Ibpesurung ku heini te mahabet he menge nasyun, he edasmag iring te menge vaǥel.

Micas 1:11

“Sikiyu is menge meǥinged diyà te Shafir, ebihaǥen kew ne edumahan he menge lelevas, umbe egkepeel-elezan kew. Is menge meǥinged diyà te Zaanan egkahandek en he egawas diyà te lugar zan te kedtavang keniyu. Is menge tig-Bet Ezel he edsineǥew tenged te kegkezeeti zan ne kenè daan ebpekelavan keniyu.

Nahum 2:13

Su migkaǥi is Nengazen he Mekeǥeǥehem te, “Pemineg kew is menge tig-Nineve! Kuntada ku sikiyu! Umbe ebinsulan ku is menge kerwahi niw ne ebpematey te tebek is menge sundaru niw. Ibpeengkezan ku en keniyu is kebpendezaat niw kayi te kelibutan. Kenè kew en ebpekesuǥù te menge menunudtulà pehendiyà te zuma he menge nasyun te kegkaǥi ziyà te kandan ke hengkey is egkesuatan niw he ibpetuman kandan.”

Habakuk 2:16

Ne ǥuntaan iyan kew en maan egkepeel-elezan he iyan pezem egkesuatan niw he veǥayi kew te zengeg, su edsilutan kew iyan te Nengazen. Iring te ibpeinum kew zin te vinu su wey kew melangut ne wey maahà is kegkelevasi niw su wey kew meeled-eled.