Nahum 3:3 - Manobo Western Bukidnon OT

³ Egkeehè dan is edsurung he menge pereuntud te kudà, ed-ilak-ilak he menge ispada wey menge vangkew, wey utew mahabet he intambù he nemematey. Egkengeseligkat is menge sundaru te lawa te menge minatey.

Nahum 3:3 ပူးပေါင်းရင်းမြစ်များ

Genesis 3:24

Ne hein midsegseg din en haazà is etew, impevantey zin dutun te zapit te pemuleey he Eden sikan is menge velinsuǥuen din he kirubin wey zuen daan egkeregreg he ispada he ebiyuviyu su wey wazà minsan hentei he ebpekehendiyà te kayu he ebpekeveǥey te untung.

2 Hadì 19:35

Kegkezukilem, midhendiyà is belinsuǥuen te Nengazen te kampu te menge tig-Asiria, ne migerè din is 185,000 he menge sundaru. Ne hein meselem en, ked-enew zuen te nesamà he menge uuyag, neehè dan is utew mahabet he nemematey.

Isaias 34:3

Kenè en idleveng is menge lawa zan, umbe edsengew is kemahù kayi, ne edranew is lengesa ziyà te menge vuvungan.

Isaias 37:36

Ne zutun midhendiyà is belinsuǥuen te Nengazen te kampu te menge tig-Asiria ne migerè din is 185,000 he menge sundaru. Ne hein meselem en, ked-enew zuen te nesamà he menge uuyag, neehè dan is utew mahabet he nemematey.

Isaias 66:16

Su edsilutan din pinaaǥi te hapuy wey ispada zin, is langun he mekesesalà he menge etew, ne mahabet is egkepatey zin.

Ezekiel 39:4

ne egkezeetan ka ziyà te menge vuvungan te Israel ragkes is langun he menge sundaru nu wey is ebpemuun te menge nasyun he nekidsevaha kenikew. Ibpekaan ku sikiyu is ebpematey te nekedseselekawà he kelasi te zumezaas he menge tagbis, wey te mesipala he menge langgam.

Nahum 2:4

Edseǥembet dà is menge kerwahi zan diyà te menge zalan, he edlikù-likù diyà te menge pelasa. Henduen heini te edsiǥa he sulù wey egkindab he kilat.

Habakuk 3:11

Mibpundu is andew wey is bulan tenged te hagyung te menge vesut te panè nu wey kesinew te ed-ilak-ilak he vangkew nu.