Nahum 3:17 - Manobo Western Bukidnon OT

¹⁷ Is menge vantey niw wey menge upisyal, ne henduen be te menge terapan su utew mahabet, ne ziyè edlatun te menge verengbeng emun meǥenew is timpu. Iyan, emun edsilè en is andew, ne edlayang sikandan ne wazà egketau ke hendei sikandan mebpevayà.

Nahum 3:17 ပူးပေါင်းရင်းမြစ်များ

Jeremias 51:27

Ivayew niw is bendirà he tuus te kebpekidtebek! Ipezaǥing is menge vudyung diyà te menge nasyun! Ipepengandam niw sikandan para te kedsurung diyà te Babilonia. Suǥùa niw te kedsurung is menge sundaru ziyà te Ararat, Mini, wey Ashkenaz. Pilì kew te pengulu wey peuwit kew te menge kudà he iring kezakel te terapan.

Ezekiel 31:12

ebpilayen sikandin te kinemepesipelahan te langun he menge nasyun wey ebey-anan en. Ne ebpekepeyapat is egkengevadtì he menge subpang din diyà te menge vuvungan, menge suǥud, wey menge beyeey te wahig. Ed-awà diyà te kandin is menge etew ziyà te menge nasyun he midhelung diyà te kandin.

Nahum 2:9

Pemineg kew is menge nenurung diyà te Nineve. Penguwaa niw is menge pelata wey vulawan kayi he inged su nepenù heini te ketiǥeyunan.