Nahum 2:7 - Manobo Western Bukidnon OT

⁷ Ingkepahayag en he ebihaǥen kew ne edumahan diyà te zuma he lugar. Henduen be te egkuter he merepatik is sineǥawan te suluǥuen niw he menge vahi zutun te edtebpien dan is kumeng dan tenged te kedlalew zan.

Nahum 2:7 ပူးပေါင်းရင်းမြစ်များ

Isaias 32:12

Tebpia niw is kumeng niw tenged te kegkeseeng niw te egkehitavù te selebpeten he vevesukè niw wey pemuleey niw te paras.

Isaias 38:14

Mibpetavang a he is laǥeng ku henduen be te kegkaǥi te tagbis he sayaw etawa dugwak. Midag-es a he is laǥeng ku henduen be te kegkaǥi te merepatik. Neveley is menge mata ku te kedlingehè ku ziyà te langit. Ke siak te Nengazen, tevangi a kayi he kelised.

Isaias 59:11

Tenged te kegkeseeng tew nekezag-es kiw he henduen kiw te edhiniǥer he bir wey egkaǥi he merepatik. Ebperateng kiw he edsilutan te Megbevayà is menge kuntada tew ne edlibriyen kiw zin, piru wazà heini mehitavù.

Ezekiel 7:16

Ne emun duen ebpekelingkawas te kemetayen he ebpekepelaǥuy ziyà te menge vuvungan, ebpekezag-es iring te merepatik, tenged te menge salè dan.

Nahum 2:6

Egkevengkag is menge peneng te wahig ne egkaanud is turuǥan niw.

Nahum 3:13

Tengtengi niw man is menge sundaru niw–meluya he iring te menge vahi! Is menge trangka te pultahan te inged niw ne nengetutung en, umbe melemu zà heini he edselezan te menge kuntada niw.