Nahum 2:3 - Manobo Western Bukidnon OT

³ Meriǥà is kelasag wey visti te menge sundaru he kuntada niw. Ne zutun te timpu te kedsurung dan, ed-ilak-ilak is menge mital ziyà te menge kerwahi zan ne edsikadsikad en is menge kudè dan.

Nahum 2:3 ပူးပေါင်းရင်းမြစ်များ

Job 39:23

Edleletingkik wey edsinew is menge ǥumaan te ed-untud kandin.

Salmo 80:13

Egkeenen heini te kenà ayam he menge vavuy wey zuma pa he menge leew he langgam.

Isaias 14:8

Minsan is menge kayu he sipris wey sidru ziyà te Lebanon nengelipey tenged te nehitavù duen te hadì. Henduen be sikandan te etew he egkaǥi te, ‘Guntaan te naawè ke en wazè en human ebpiley kenami!’

Ezekiel 23:24

Edsurung heini kenikew he ebpuun diyà te zizaya duma te mahabet he menge sundaru, menge kudà, wey menge kerwahi. Duen dan menge kelasag wey menge hilmit, ne edliǥuyan ke zan. Ibeǥey ku sikew kandan, ne edsilutan ke zan sumalà te egkesuatan dan he idsilut.

Ezekiel 26:7

Mibpedayun megkaǥi is Nengazen he MEGBEVAYÀ te, “Sikiyu is menge tig-Tyre, ibpesurung ku sikiyu ki Hadì Nebucadnezar he hadì te Babilonia, he hadì te menge hadì. Edsurung sikandin is ebpuun diyà te zizaya duma te mahabet he menge sundaru, menge kerwahi, menge kudà, wey menge pereuntud te kudà.

Nahum 3:2

Edsurungen sikandan te kuntada zan. Egkezineg dan is letepes te idlagkut te menge kudà, is geǥerakar te ligid te menge kerwahi, is leletepak te paa te menge kudà, wey is daǥing te ebpekeundat-undat he menge kerwahi.

Zacarias 6:2

Is nehuna he kerwahi eguyuzen te meriǥà he menge kudà, is ikezuwa eguyuzen te meitem he menge kudà,