Nahum 2:2 - Manobo Western Bukidnon OT

² Su minsan midezeetan niw is menge tig-Israel wey menge tig-Juda he henduen be te pinemula he paras he mibpendezeetan is menge subpang kayi, idlikù te Nengazen is kegkemeǥeǥehem te Israel.

Nahum 2:2 ပူးပေါင်းရင်းမြစ်များ

Salmo 47:4

Mibpilì din is tanà he egkepengevilin dey, he iyan kes tanà he impehivantug te pinelanggè din he si Jacob.

Isaias 60:15

Minsan inselikwey ka wey midumutan, wey wazà edseǥipà kenikew zengan, edhimuwen ku he mevantug ka te wazà pidtemanan, wey igkelipey te langun he lapis te kevuwazan.

Jeremias 25:29

Ahàa niw man! Mibpuunan ku en is kebpaaǥi te kezeetan diyà te Jerusalem, kes inged he para te zengeg ku. Guntaan egkeisip niw ve he kenè ku sikiyu edsilutan? Edsilutan ku sikiyu! Su ibpedtetebek ku is langun he menge nasyun kayi te tivuuk he kelibutan. Iyan a, is Nengazen he Mekeǥeǥehem, is migkaǥi kayi.

Jeremias 48:11

Dezeyaan is ked-ubpà diyà te Moab puun pa te nehuna he timpu. Wazè keenu mevihag is menge etew kayi. Neiring heini te vinu he wazà welenga etawa wazà ihalin diyà te selakew en he teleǥuey. Umbe wazà mahalin is taam din wey ngazeg din.

Jeremias 49:9

Kenè be is ebpenrupù te paras kenè din ed-eminen is menge veǥas kayi, kekenà, edsemaan din? Kenè be is tekawen kenè din ed-eminen te egkuwa is menge azen diyà te seled te valey, kekenà, iyan dà egkuwaan dan is kinahanglan he egkuwaan dan?

Ezekiel 37:21

ne keǥiyi nu sikandan te, ‘Iyan heini migkaǥi te Nengazen he MEGBEVAYÀ: Egkuwaan ku is menge Israilihanen puun te langun he menge nasyun he zutun sikandan mekepeyapat, ne ed-umanan ku sikandan ed-uwita ziyà te keugelingen dan he tanà.

Ezekiel 37:23

Kenè dan en ed-umanan edremeriki is keugelingen dan pinaaǥi te ked-azap te mezaat he menge ed-ezapen dan, wey kebaal te minsan hengkey he salà, su edlibriyen ku sikandan te langun he menge salè dan, ne edlumpiyuwan ku sikandan. Egkehimu sikandan he menge etew ku ne egkehimu a he Megbevayè dan.

Hoseas 10:1

“Is menge tig-Israel, iring te pinemula he paras he merapung wey mahabet is menge veǥas din. Dutun te ked-uswag dan, mezakel he menge pemuhatà is mibeelan dan, ne mibpekekempet dan is tedeman he menge vatu he ed-ezapen dan.

Nahum 2:10

Egkezeetan, egkeǥevà, egkevengkag en is Nineve! Umbe egkulbaan en is menge meǥinged kayi; egkerkeren is tivuuk he lawa zan, egkerkeren is menge vuel zan, ne ebmemeluntak sikandan.

Nahum 3:14

Sigi, pengendami niw is kebpekeuma te menge kuntada niw. Sekezu kew su wey niw zuen meinum. Lig-eni niw pa is menge verengbeng he nekeliǥuy te inged niw; baal kew te menge brik ne purungi niw heini he menge verengbeng.

Zefanias 3:11

“ ‘Dutun te andew te kedsilut ku, sikiyu is menge tig-Jerusalem kenè kew egkepeel-elezan tenged te langun he salà he mibeelan niw kayi te kedì. Su id-awè ku ziyà te keniyu is menge etew he menge teruen wey mepelevawen. Ne kenè kew en ed-uman ebpehambug diyà te segradu he vuntud ku.