Nahum 1:3 - Manobo Western Bukidnon OT

³ Kenè sikandin melemu he egkepauk, piru mekeǥeǥehem sikandin ne edsilutan din is nekesalà. Emun edsaǥad sikandin edselenuhug is keramag wey ebpemagyu. Is menge ǥapun henduen dà te eliyavuk diyà te menge paa zin.

Nahum 1:3 ပူးပေါင်းရင်းမြစ်များ

2 Samuel 22:10

Mibpuwasan nu is langit iring te kebpuwas te kurtina, ne mibpenaug ka he ziyà med-untud te mekepal he ǥapun.

Nehemias 9:17

Kenè dan egkesuat he ebpemineg te menge lalag nu, ne midlipatan dan dà is egkengein-inuwan he mibeelan nu ziyà te kandan. Nehimu sikandan he mesinupaken, wey nekidsukulà sikandan kenikew pinaaǥi te kebpilì te pengulu he ebpelikù kandan diyà te kegkeuripen diyà te Ehipto. Piru mepineseyluwen ka he Megbevayà, beliǥeǥawen ka, iipengen ka, kenè ka pepeuken, wey nepenù ka te kebmahal. Umbe wazà nu sikandan iselikwey.

Job 10:14

he iyan is ebentayan a kenikew ke ebpekesalà a, ne zutun kenà a kenikew ebpeseyluwen.

Job 38:1

Ne midtavak te Nengazen si Job he ebpuun te eribpures is laǥeng din,

Job 9:4

Metau wey utew mekeǥeǥehem is Megbevayà. Hentei man is nekezaag he nekigkuntada kandin?

Salmo 103:8

Hihizuwen sikandin, beliǥeǥawen sikandin, ebmahal sikandin, ne kenà sikandin melemu he egkepauk.

Salmo 104:3

Mibangun nu is ubpeey nu ziyà te zivavew pa te kewkewangan. Ne iyan midhimu nu he menge kerwahi nu is menge ǥapun, ne ed-untud ka he egkeuwit te keramag.

Salmo 145:8

Nengazen, hihizuwen ka wey iipengen; beliǥeǥawen wey kenà daan melemu he egkepauk.

Salmo 147:5

Utew iyan mekeǥeǥehem is Nengazen, ne is ketau zin ne kenà egketegkad.

Salmo 50:3

Ne ebpekeuma is Megbevayà he ebpetuus, su ziyà te egkehunaan din duen egkeregreg he hapuy, ne ziyà te ebpekeliǥuy kandin ne zuen bagyu.

Salmo 62:11

Layun ku en egkezineg he egkaǥi is Megbevayà te kandin is gehem wey is gaǥew.

Salmo 66:3

Keǥiyi niw sikandin te, “He Megbevayà, utew iyan egkein-inuwi is menge vaal nu. Tenged te zekelà he ǥehem nu nekeluhud diyà te etuvangan nu is menge kuntada nu.

Isaias 19:1

Heini he menge lalag ne mehitenged te Ehipto: Pemineg kew! Ed-untud is Nengazen te meǥaan he ǥapun su edhendiyà sikandin te Ehipto. Ne emun ebpekeume en, ne ebpengerkeren te kegkahandek is menge ed-ezapen diyà te Ehipto, ne egkeheratan is menge Ehiptohanen.

Isaias 29:6

Edtentenuzan te Nengazen he Mekeǥeǥehem is Jerusalem, ne ebpekeuma sikandin he zuen ruǥung, linug, dekelà he keǥurub, eribpures, bagyu, wey edriyubriyub he hapuy.

Isaias 66:15

Pemineg kew! Ebpekeuma is Nengazen he egkezumahan te hapuy. Ed-untud sikandin te menge kerwahi zin he henduen be te eribpures. Ibpeehè din te menge kuntada zin is pauk din, ne edsilutan din sikandan te edriyubriyub he hapuy.

Jeremias 4:13

Tengteng kew! Ebpekeume en is kuntada tew he iring te ǥapun. Is menge kerwahi zin, henduen be te eribpures, ne is menge kudè din, edhuna pa he elistu te menge mendereǥit. Mekehizuhizu kiw! Su egkezeetan kiw en.

Daniel 7:13

Ne zutun neehè ku zaan is henduen be te etew he neliǥuyan te ǥapun. Mid-uvey sikandin diyà te Megbevayà he uuyag puun pa te nehuna.

Hoseas 8:7

“Iring sikandan te nemula te keramag ne ebpekeraǥun sikandan te eribpures. Iring dan daan te trigu he wazè din pungu he kenà ebpekeveǥey te keenen. Piru minsan ebpekeveǥey heini te keenen, ne iyan egkaan duen is menge lumelengyawà.

Joel 2:13

Iniyuǥi niw is kelelalung te ked-iniyug he ebpuun diyà te gehinawa niw, ne kenà bà dà ibpaahà pinaaǥi te kebindasa niw te visti niw. Likù kew ziyà te Nengazen he Megbevayè niw, su hihizuwen sikandin wey iipengen. Mepinelenggaan sikandin wey kenà pepeuken. Andam sikandin he edhalin te isip din, ne kenè din en edleusen is kebpaaǥi zin te kezeetan.

Jonas 4:2

Ne mid-ampù sikandin diyà te Nengazen he ke sikandin te, “Nengazen, heini is kebpeseyluwa nu te menge tig-Nineve, ne zaan ku en he netueni zutun te aney he kedsuǥua nu kedì, umbe migaanggaan a mebpelaǥuy pehendiyà te Tarshish. Su netuenan ku he veliǥeǥawen ka wey hihizuwen he Megbevayà. Ne mepelevayen wey nepenù te hizu wey andam he kenà edlaus edsilut te menge etew he ed-iniyug te mezaat.

Zacarias 9:14

Ne ebpaahà is Nengazen diyà te zivavew zan. Ne egkivelat is besut te panè din iring te kilat. Ne ibpezaǥing te Nengazen he MEGBEVAYÀ is trumpita; ne ebpekeuma sikandin duma te vagyu he ebpuun diyà te zivavà.

Numero 14:18

veliǥeǥawen ka wey kenè ka melemu he egkepauk, wey mepineseyluwen ka te menge salà wey kedrapas te etew. Piru edsilutan nu is menge mekesesalà, taman te iketelu wey ikeepat he lapis te kevuwazan.