Micas 7:9 - Manobo Western Bukidnon OT

⁹ Geina te nekesalè kiw ziyà te Nengazen, dait he ed-entusen tew is silut din kenitew taman te edlevanan kiw zin wey ebeǥayan te hustu he kukuman. Egkeehè tew is kedlibriya zin kenitew pinaaǥi te ked-uwit din te kerayag kayi te kenitew.

Micas 7:9 ပူးပေါင်းရင်းမြစ်များ

2 Samuel 24:17

Hein naahà ni David haazà is belinsuǥuen he mibpenhimatey te menge etew, migkeǥiyan din is Nengazen te, “Iyan a nekesalà. Heini is menge etew ne wazè dan peleng iring te menge kerehidu. Wazè dan mekevaal te salà. Iyan e en wey is pemilya ku siluti.”

Job 23:10

Piru netuenan din is menge vaal ku. Emun egkeǥezaman e zin en, egkeǥiyen din he lumpiyu a iring te lunsey he vulawan.

Job 35:14

Ne lavew en he kenè din ebpemineǥen is kebpengumew-umew nu, Job, emun egkaǥi ka he wazè nu maahà is tavang din te kasu nu he mid-uwit nu ziyà te kandin, ne ebpeketulung ke zà ebpeketaǥad kandin.

Salmo 119:154

Levani a kuntra te menge etew he mibutangbutang kedì wey libriya a; pekeluǥeyaza nu pa is untung ku sumalà te insaad nu.

Salmo 37:6

Edhimuwen din he utew keladu is kebpezeyaǥa zin he metazeng ka wey wazè nu salà, iring kekeladu te silà te andew ke meudtu.

Salmo 43:1

He Megbevayà, ipeehè nu he wazè ku salà, ne levani a su wey a kenà mezezeeti te menge etew he kenà edtuu te Megbevayà. Libriya a te kedezeeti kedì te limbungan wey lalung he menge etew.

Salmo 7:6

Nengazen he Megbevayè ku, ipeehè nu en guntaan is pauk nu te menge kuntada ku he utew egkengepauk kedì, su iyan man ebpen-ahaan nu is hustu he kukuman.

Salmo 94:15

Siguradu he egkeuman egkehitavù is metazeng he menge kedhukum, ne ebpekeuyun kayi is langun he midtinazeng.

Isaias 42:16

Ed-eǥaken ku is lakap he menge etew ku pehendiyà te ketutuanan, diyà te zalan he wazè dan pa zuen hanew wey wazè dan pa meikul. Is kerusireman diyà te veyeey zan edhimuwen ku he kerayag, ne ebpetaǥen ku is menge ebpemukbuketur he menge lugar ziyà te edhipenawan dan. Ebeelan ku heini, ne kenè ku sikandan idselikwey.

Isaias 42:7

su wey mekaahà is menge lakap ne wey zaan ikepeǥawas is menge vihag, he nengepirisu ziyà te merusirem he pirisuwan.

Isaias 46:13

Kenà egkeuǥet, ebeǥayan ku te kezeeǥan wey ketazeng is Jerusalem. Uya, meǥaan ku en heini edlibriya, ne ebeǥayan ku te zengeg is Israel.

Isaias 51:22

Iyan heini egkeǥiyen te Nengazen he Megbevayè niw, kes Megbevayà he edlavan keniyu: “Pemineg kew! In-awè ku en is pauk ku keniyu he iring te inumen he ebpekelangut. Kenè ku en heini ibpeuman ibpeinum keniyu, kekenà,

Isaias 56:1

Iyan heini egkeǥiyen te Nengazen: “Ipeehè niw is hustu he kukuman wey veeli niw is metazeng, su kenè en egkeuǥet edlibriyen ku en sikiyu wey egkeehè niw is ketazeng ku.

Jeremias 10:19

Migkaǥi is menge tig-Jerusalem te, “Mekehizuhizu kiw tenged te kezeetan tew. Kenè en heini egkeulian. Piru kinahanglan he ed-entusen tew heini.

Jeremias 14:7

Migkaǥi is menge etew te, “He Nengazen, nekesalè key ziyà te kenikew. Layun dey sikew ed-iniyuǥi, ne ereg key he edsilutan. Piru tevangi key para meveǥayi ka te zengeg.

Jeremias 51:10

Ibpenimales kiw te Nengazen! Gaanggaan kew su edhendiyè kiw te Jerusalem ne edtudtulen tew ziyà is mibeelan te Nengazen he Megbevayè tew.”

Penhulùhulù 1:18

Migkaǥi is Jerusalem te, “Metazeng is Nengazen; piru wazè ku tumana is suǥù din. Sikiyu is langun he menge etew, pemineg kew, wey tengtengi niw is kegkerasey ku. Mibihag is menge vetan-en ku he menge vahi wey menge maama.

Malakias 3:18

Ne egkeuman niw en maan egkaahà is mibizahayan te metazeng wey lalung, is mibizahayan te ebpenilbi te Megbevayà wey kenà ebpenilbi kandin.”

1 Samuel 24:15

Iyan is Nengazen edhukum kenita wey edtimbangtimbang ke hentei is selaan kenita te zezuwa. Deyzey ke seǥipaa e zin, ne levani e zin wey luwasa e zin diyà te kenikew.”

1 Samuel 25:39

Hein nezineg ni David he minatey en si Nabal, migkaǥi sikandin te, “Edeliǥen is Nengazen! Su iyan sikandin mibales ki Nabal te ked insultuwa zin kedì, wey inlikey e zin te kebales. Midsilutan din si Nabal te kenà meupiya he mibeelan din kedì.” Ne midsuǥù si David te menge etew he ibpelalag ki Abigail he ed-esewaan din.

1 Samuel 26:10

Ibpesarig ku he edsilutan sikandin te uuyag he Nengazen, ne iyan is Nengazen edhimatey kandin, etawa ebpatey sikandin te daru etawa tebek.

1 Samuel 3:18

Ne zutun midtudtul ni Samuel is langun. Wazè din in-eles. Ke si Eli te, “Iyan sikandin kes Nengazen; is egkeisip din he meupiya, iyan ebeelan din.”