Micas 7:7 - Manobo Western Bukidnon OT

⁷ “Piru siak mulà, edsarig a te Nengazen he Megbevayè ku. Edteǥazan ku sikandin is edlibri kedì. Ne ebpemineǥen din is ked-ampù ku.”

Micas 7:7 ပူးပေါင်းရင်းမြစ်များ

Genesis 49:18

Ne migkaǥi si Jacob te, “He Nengazen, edteǥad a te kedlibri nu.”

Salmo 109:4

Minsan ebpekid-emiǥu a kandan, ne edtebeken e zan; piru in-ampù ku ǥihapun sikandan.

Salmo 130:5

Edtaǥad a iyan kenikew, Nengazen, wey edsarig a te lalag nu.

Salmo 25:5

Penurua a te paaǥi para kenà a mekesuwey te tutuu, su iyan ka Megbevayà he menluluwas ku. Layun a edsarig kenikew.

Salmo 37:7

Mebmelinawen ka ziyà te etuvangan te Nengazen ne kenè ka medarà is edtaǥad te ebeelan din. Kenè ka mesemuki emun duen menge etew he ebmeuswaǥen wey edlampus is mezaat he menge pelanu zan.

Salmo 38:15

Su midsarig a kenikew, Nengazen. Iyan ka, Nengazen he Megbevayè ku, iyan ka edtavak te ampù ku.

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Salmo 65:2

Is langun he menge etew ed-uvey ziyà te kenikew su edtevaken nu is menge kebpengemuyù dan.

Salmo 85:5

Taman te taman en be is kegkepeuki nu kenami?

Isaias 12:2

Sikew Megbevayà, iyan ka menluluwas ku. Edsarig a kenikew ne kenà a egkahandek. Iyan ka, Nengazen, mibeǥey kedì te zesen, ne iyan ka egkentahan ku. Iyan ka midlibri kedì.”

Isaias 17:7

Dutun he andew, edangep en is menge etew ziyà te midlimbag kandan he iyan is Waǥas he Megbevayà te Israel.

Isaias 25:9

Emun egkeulaula en heini, egkaǥi is menge etew te: “Iyan sikandin Megbevayè tew! Midsarig kiw kandin, ne midlibri kiw zin. Iyan sikandin Nengazen he midseriǥan tew. Edlipey kiw wey edlipeylipey su midlibri kiw zin.”

Isaias 45:22

“Sikiyu is langun he menge etew kayi te tivuuk he kelibutan, dangep kew kayi te kediey su wey kew melibri, su iyan a Megbevayà, ne wazè en duma.

Isaias 8:17

Ebperateng a ziyà te Nengazen minsan pà te mid-iniyuǥan din is menge kevuwazan ni Jacob. Edsarig a ziyà te kandin.

Penhulùhulù 3:24

Nekekaǥi a ziyà te ǥehinawa ku te, “Is Nengazen iyan utew zekelà kayi te kediey, umbe ebperateng a kandin.”

Daniel 3:17

Emun iyan heeyan egkehitavù ne edlibriyen key te Megbevayà he edsilbiyan dey keniyan te egkiràkirà he rapug. Edlibriyen key zin para kenè key kenikew mekeizi.

Hoseas 12:6

“Umbe sikiyu is menge kevuwazan ni Jacob, likù kew en diyà te Megbevayè niw, ne ipeehè niw is kebmahal wey hustu he kukuman. Ne pedayun kew sarig te Megbevayè niw.”

Joel 1:19

Mid-ampù si Joel. Ke sikandin te, “Ed-umawen ku sikew, Nengazen, su nengeǥangu is menge penebtavà wey is langun he menge kayu ziyà te menge vevesukà he henduen be te nevinsulan.

Habakuk 2:1

Migkaǥi si Habakuk te, “Ebpemenahik a ziyà te turi he ventayè ku, ne edteǥazan ku ke hengkey is egkeǥiyen te Nengazen kayi te kedì wey ke hengkey is idtavak din te riklamu ku.”

Habakuk 2:3

Isurat nu zà heini zep-a su wazè pa meuma is midtelaan he timpu te kegkeul-ulaha kayi. Ne kenà ebperis is kegkeul-ulaha kayi te kena egkeuǥet. Emun henduen be te malù egkeuǥet ne teǥazi nu, su siguradu he egkehitavù heini he kenà egkeuǥet.

Numero 5:28

Iyan, emun wazè din remeriki is keugelingen din, kenà sikandin ed-utengan kayi ne ebpekaanak sikandin.