Micas 6:9 - Manobo Western Bukidnon OT

⁹ Pemineǥa niw is migkaǥi te Nengazen diyà te inged he Jerusalem, su is edtahud kandin iyan duen din hustu he ketau: “Sikiyu is menge sakup te tribu te Juda, tiǥum kew ziyà te inged he Jerusalem ne pemineg kew.

Micas 6:9 ပူးပေါင်းရင်းမြစ်များ

2 Samuel 21:1

Dutun te kedhadì ni David, duen nehitavù he vitil seled te tetelu he tuig. Ne zutun nekidlalag si David diyà te Nengazen. Migkaǥi is Nengazen te, “Neulaula is bitil tenged te kebpenhimetayi ni Saul wey te pemilya zin te menge Gibyunhen.”

Job 10:2

Ne iyan heini egkeǥiyen ku ziyà te Megbevayà: ‘Kenà a kenikew hukumi he mezaat a, kekenà, ipetueni nu kedì ke hengkey is insumbunga nu kedì.

Job 23:14

Umbe, edhimuwen din is pelanu zin he iyan ebeelan din kayi te kedì, ne mahabet is pelanu zin mehitenged kedì.

Job 5:17

“Deyzey is etew he edtulizen te Megbevayà is betasan din. Umbe kenè nu isipa he mezaat is kebmensuwa kenikew te Mekeǥeǥehem he Megbevayà,

Salmo 107:43

Is menge uluwanen ereg he ebpurung ed-isip-isip mehitenged kayi; ereg he ed-isipen dan is dekelà he ǥaǥew te Nengazen.

Salmo 48:10

Ebentuǥen ka ne edeliǥen ka te menge etew seled te tivuuk he kelibutan, tenged te mezeeǥen ka pinaaǥi te ǥehem nu.

Salmo 83:18

Berakat he metueni zan he iyan ka, Nengazen, he iyan dà Utew Lavew he Megbevayà kayi te tivuuk he kelibutan.

Salmo 9:16

Impekilala te Nengazen ke hentei sikandin pinaaǥi te metazeng he kedhukum din, ne is lalung he menge etew, iyan nekezezaat kandan is mezaat he menge vaal zan.

Erubasa 22:3

Is etew he uluwanen, egketuenan din te edlikey emun duen kemereǥenan he ebpekesuǥat kandin, iyan, is etew he wazè din utew emet ne kenà ed-eliǥu zutun, umbe ebpekebmereǥen sikandin.

Isaias 26:11

Nengazen, andam ke en he edsilut kandan, iyan, wazè dan metueni heini. Petueni nu kandan Nengazen! El-eleza nu sikandan pinaaǥi te kebpaahaa nu kandan te kebmahala nu te menge etew nu. Binsuli nu sikandan te hapuy is menge kuntada nu.

Isaias 27:10

Nevengkag en is inged he neliǥuy te verengbeng. Nehimu en heini he mekevulungbulung iring te sibsivayan, ne wazè en ed-ubpà kayi. Nehimu zà heini he penebtavà wey himelayà te menge vaka. Ed-eminen edtebtava te menge vaka is menge zahun te menge subpang.

Isaias 30:27

Pemineg kew! Edhendini is Nengazen he ebpuun diyà te meziyù he utew egkepauk, ne neliǥuy sikandin te evel. Is menge lalag din he egkezumahan te pauk he henduen be te edriyubriyub he hapuy.

Isaias 66:6

Nezineg niw ve is keǥurub diyà te inged wey ziyà te valey te Nengazen? Keǥurub heeyan te Nengazen he ebpenimales te menge kuntada zin.

Isaias 9:13

Piru is menge etew te Israel kenà gihapun edlikù diyà te Nengazen he Mekeǥeǥehem he midsilut kandan.

Jeremias 26:18

“Hein si Hezekia pa is hadì te Juda, si Mica he tig-Moreshet, midtudtul zin diyà te langun he menge etew kayi te Juda is menge lalag te Nengazen. Ke sikandin te, ‘Migkaǥi is Nengazen he Mekeǥeǥehem he edezeetan is Zion, is inged te Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he mibengunan te valey te Nengazen.’

Jeremias 26:6

edezeetan ku heini is baley ku iring te kedezeeti ku te Shilo. Ne heini he inged, edrewakan te menge etew ziyà te langun he menge nasyun kayi te tivuuk he kelibutan.”

Jeremias 47:7

Piru ebpedayun pa is kebpekezezaat kayi te ispada ku su midsuǥù ku man heini te kedsurung diyà te Ashkelon wey te menge etew he ziyà ed-ubpà te veyvey te zaǥat.”

Ezekiel 7:9

Kenè ku sikiyu egkehizuwan. Edsilutan ku sikiyu sumalà te vineelan niw wey te utew mezaat he menge ulaula niw. Ne zutun egketuenan niw he iyan a, is Nengazen midsilut keniyu.

Hoseas 13:16

Ereg he edsilutan is menge tig-Samaria tenged te kebpekidsukulè dan kediey te Megbevayè dan. Egkeǥerà sikandan tenged te tebek. Edrunteken is dezeisey he menge anak dan, ne edsirian is meǥingey he menge vahi kandan.”

Hoseas 14:9

Berakat he is duen din kedsavut keniyu metueni zin wey mesavut din is menge ingkesurat kayi. Utew hustu is menge paaǥi te Nengazen ne ed-ikulen heini te menge metazeng, piru igkeseligkat mulà heini te menge merepasen.

Amos 2:5

Umbe, ebinsulan ku is Juda ragkes is melig-en he menge vahin te Jerusalem.”

Amos 6:1

Kehizu niw te menge pengulu ziyà te Zion wey Samaria, he ebpeeyehey zà he wazà igkeipeng. Mid-isip niw is keugelingen niw he dungganen he menge etew ziyà te lavew he nasyun, ne iyan kew edengepan te menge meǥinged diyà te keniyu.

Micas 3:12

Umbe, tenged keniyu edezeetan is Zion he iyan is inged he Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he nevengunan te valey te Nengazen.”

Micas 6:10

Mezaat kew he menge etew! Kenè ku egkelipatan is menge ketiǥeyunan he netiǥum niw pinaaǥi te mezaat he paaǥi. Migamit kew te kenà hustu he tekesà he iyan kes baal he midrewakan ku.

Micas 6:8

Midtavak si Micas te, “Mibpenurù kiw en te Nengazen ke hengkey is meupiya. Ne iyan heini egkesuatan din he tumana tew: Ebeelan tew ke hengkey is metazeng, ibpelavi tew is kegkehizu te zuma, wey edsunud kiw te Megbevayè tew duma is kenà kebpelavew.”

Zefanias 3:2

Wazà minsan hentei he ebpezumdumahan dan, ne kenè dan egkesuat he edewayen. Wazè dan medsarig wey mebpetavang diyà te Nengazen he Megbevayè dan.