Micas 5:4 - Manobo Western Bukidnon OT

⁴ Edumala heini he pengulu ne ed-elimahan din is menge etew te Israel he iring sikandin te perevantey te menge kerehidu. Edhimuwen din heini pinaaǥi te zesen wey gehem te Nengazen he Megbevayè din. Ne ebpengungubpaan is menge etew zin he wazè dan igkahandek su egkilelaan te menge etew te tivuuk he kelibutan is kegkemekeǥeǥehem din.

Micas 5:4 ပူးပေါင်းရင်းမြစ်များ

Salmo 145:12

su wey mesayud is langun he keet-etawan te nezumahan te ǥehem he menge vineelan nu wey is mekeǥeǥehem he ginhedian nu.

Salmo 22:27

Egketenuzan ka te langun he menge etew ziyà te minsan hendei kayi te tivuuk he kelibutan ne edlikù dan diyà te kenikew, Nengazen, ne ed-ezapen ke zan,

Salmo 72:19

Ereg he edeliǥen is kegkemekeǥeǥehem din te wazà pidtemanan. Berakat he maahà te menge etew kayi te tivuuk he kelibutan is kegkemekeǥeǥehem din. Amen! Amen!

Salmo 72:8

Berakat he is ginhedian din ebpuun te sevaha he zaǥat ne taman en te sevaha pa he zaǥat, wey puun te Wahig he Eufrates ne taman te kinemeziyuan he vahin te kelibutan.

Salmo 93:1

Hadì ka, Nengazen; is bisti nu iyan is kegkemekeǥeǥehem nu wey is utew nu kegkelavew. Utew melig-en is kebenguna nu te kelibutan ne kenà heini egkehuyung.

Salmo 98:3

Wazè din melipati is insaad din he ebmahalen kiw zin wey ebpekid-uunungen sikandin kenitew te menge tig-Israel. Naahà te langun he menge etew ziyà te minsan hendei he vahin kayi te kelibutan ke mibmenumenu te Megbevayè tew is kedhimuwa zin he mekezaag kiw.

Exodus 23:21

Pemineǥa niw sikandin ne tumana niw is egkeǥiyen din. Kenè kew sukul kandin. Su is langun he ebeelan din, ebeelan din pinaaǥi te ngazan ku ne kenè din ebpekewezaan is menge salè niw, etawa kenè kew zin ebpeseyluwen te menge salè niw.

Isaias 45:22

“Sikiyu is langun he menge etew kayi te tivuuk he kelibutan, dangep kew kayi te kediey su wey kew melibri, su iyan a Megbevayà, ne wazè en duma.

Isaias 49:5

Puun pa ziyà te ǥetek te iney ku in-andam ad te Nengazen he egkehimu he suluǥuen din su para metiǥum wey ikelikù is menge Israilihanen diyà te kandin. Mibeǥayan a te Nengazen te zengeg, ne mibeǥayan a te zesen kayi te Megbevayè ku.

Isaias 52:10

Ibpaahà te Nengazen is nekeviza he ǥehem din diyà te langun he menge nasyun, ne egkaahà kayi te tivuuk he kelibutan is kedlibriya kenitew te Megbevayè tew.

Isaias 52:13

Migkaǥi is Nengazen te, “Pemineg kew! Ebmeuswaǥen is suluǥuen ku, egkevantug sikandin wey ebeǥayan te zengeg.

Isaias 8:7

ibpesurung ku sikandan te hadì te Asiria wey te menge sundaru zin he iring te zalem te Wahig he Eufrates he ebpekelapew te menge pangpang din.

Micas 7:14

Mid-ampù is menge Israilihanen diyà te Nengazen he ke sikandan te, “Ventayi key is menge etew nu he migaked nu, te iring te kebantey te perevantey te menge kerehidu. Is menge tanà diyà te peliǥuy zey ne zekelà is egketabtab duen, piru sikami nengungubpaan key kayi te sibsivayan he iyan key zà. Ipeuman nu ipemeluag is tanè dey taman te Bashan wey Gilead iring te nehuna he timpu.

Zacarias 13:7

Migkaǥi is Nengazen he Mekeǥeǥehem te, “Endama is ispada! Himetayi is perevantey ku te menge kerehidu he suluǥuen ku. Himetayi sikandin su wey mekedsusuwey is menge kerehidu, is egkaayuayu he menge etew ku. Ne edsilutan ku sikandan.

Zacarias 9:10

Id-awè ku is kebpetebtebekà. Id-awè ku is para te tebek he menge kerwahi wey menge kudà te Israel wey Juda. Is menge panà he para te tebek ne ebedtien ku. Is ebpekeuma he hadì, egkaǥi ziyà te menge nasyun he engkezi zan en is kedtebek. Edhadì sikandin puun te sevaha he zaǥat taman te sevaha pa he zaǥat, wey puun te Wahig he Eufrates taman te kineziyuan he vahin te kelibutan.”

Malakias 1:5

Egkeehè niw is kegkezeeti zan ne ebpekekaǥi kew te, “Mekeǥeǥehem iyan is Nengazen minsan diyà te ǥawas te Israel.” ’ ”