Micas 5:2 - Manobo Western Bukidnon OT

² Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Micas 5:2 ပူးပေါင်းရင်းမြစ်များ

Genesis 35:16

Ne mid-awà ensi Jacob dutun te Betel duma is pemilya zin. Meǥaan dutun ed-anak si Raquel. Ne te wazè dan pa mekeuma ziyà te inged he Efrat ne ebeliliten en si Raquel su ed-anak. Ne utew sikandin midlised.

Genesis 35:19

Ne mibpatey zutun si Raquel ne ziyè dan ileveng te uvey te zalan pehendiyà te inged he Efrat. (Ne haazà is inged he Efrat ne iyan guntaan inged he Betlehem.)

Genesis 48:7

Ne zutun migkaǥi pa maan sikandin te, “Egketenuzan ku is kebpatey te iney nu. Ebpuun key zengan diyà te Padan ne midhipanew key pehendiyà te tanà te Canaan. Hein uvey key en diyà te Efrat ne minatey sikandin, umbe ziyè ku zà sikandin ileveng te kilid te zalan pehendiyà te Efrat.” (Ne haazà is inged he Efrat ne iyan guntaan inged he Betlehem.)

Genesis 49:10

Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.

1 Cronica 2:54

Is menge kevuwazan ni Salma, ne iyan is menge tig-Betlehem, is menge tig-Netofa, is menge tig-Atrot Bet Joab, is ketengà te Manahatnen, is menge Zurhanen,

1 Cronica 4:4

Si Penuel is amey ni Gedor, ne si Ezer is amey ni Hasha. Iyan heini sikandan menge kevuwazan ni Hur, he kinekekayan he anak ni Efrata. Si Hur ne iyan kepuun te menge tig-Betlehem.

1 Cronica 5:2

Ne si Juda, minsan te edhuna sikandin he gemhanan kenà te menge suled din, wey ebpuun te tribu zin is menge pengulu ne in-awà diyà te kandin is ketenged te kegkekakey zin ne ziyà iveǥey te ki Jose.

Salmo 132:6

Hein diyè key te Efrata netudtul kenami ke hendei sikan is Kavan te Kebpekid-uyun, ne ziyè dey haazà meturedu te vevesukà diyà te Jaar.

Salmo 90:2

Hein wazà nu pa limbaǥa is menge vuntud wey is kelibutan, ne Megbevayè ke en, ne iyan ka ǥihapun Megbevayà te wazà pidtemanan.

Exodus 18:21

Iyan, pilì ka te metau he menge etew he ebpekeuǥup kenikew te kebpenhusey nu. Kinahanglan he metau sikandan he edhusey, edtahud te Megbevayà, egkeseriǥan, ne kenà edawat te sipsip. Himuwa sikandan he menge zatù te menge grupu te menge etew he tig-1,000, tig-100, tig-50 wey tig-10.

Exodus 18:25

Mibpilì sikandin te menge Israilihanen te menge etew he uluwanen he edhusey, ne midhimu zin sikandan he menge upisyal te grupu te menge etew he tig-1,000, tig-100, tig-50, wey tig-10.

Isaias 11:1

Is menge kevuwazan ni David he menge hadì dengan, iring sikandan te mibpiley he kayu. Ne ǥeina te neneringsing en guntaan is tued kayi, duen gihapun kevuwazan daan ni David he egeraran te Subpang. Egkehimu sikandin he veǥu he hadì tew.

Isaias 53:2

Egkesuatan te Nengazen he med-uswag is suluǥuen din he iring te pinemula he midtuvù he nendalid diyà te memaza he tanà. Wazè din keguwapu etawa tindeg he ibpekekabig din kenita.

Isaias 55:4

Midhimu ku sikandin he pengulu te menge nasyun, ne pinaaǥi kandin impeehè ku kandan is gehem ku.

Isaias 7:14

Umbe iyan mismu is Nengazen ebeǥey keniyu te tuus. Ne iyan heini tuus: Ebmeǥingey is betan-en he vahi ne ed-anak te maama. Ne egngezanan din haazà is batà te ‘Emmanuel.’

Jeremias 30:21

Is pengulu zan, ne ziyè mismu ebpuun te kandan. Ibpeuvey ku sikandin kayi te kediey, ne ed-uvey sikandin. Su wazà etew he ebpeǥaruǥaru ed-uvey kayi te kedì emun kenè ku ibpeuvey. Iyan a, is Nengazen, is migkaǥi kayi.

Hoseas 6:3

Ebpeninguhaan tew he mekilala tew is Nengazen. Siguradu he ebpekeuma sikandin iring te kedsilà te andew. Ebpekeuma sikandin iring te uzan he ebpekeveǥey te wahig diyà te tanà.”

Amos 9:11

“Egkeuma is andew he ed-umanan ku ebenguna is ginhedian ni David he iring te lawig he nerundus. Su ebpurungan ku heini is nezeetan, ne ibpeuman ku ibpehitindeg iring duen te nehuna.

Zacarias 13:7

Migkaǥi is Nengazen he Mekeǥeǥehem te, “Endama is ispada! Himetayi is perevantey ku te menge kerehidu he suluǥuen ku. Himetayi sikandin su wey mekedsusuwey is menge kerehidu, is egkaayuayu he menge etew ku. Ne edsilutan ku sikandan.

Zacarias 9:9

Migkaǥi is Nengazen te, “Ugyab kew tenged te kegkelipey is menge meǥinged diyà te Zion, he iyan is inged he Jerusalem, su ebpekeuma is hadì niw. Metazeng sikandin wey mezeeǥen. Kenà sikandin mepelevawen ne ebpekeuma he ed-untud te nati he asnu.

Deuteronomio 1:15

Umbe, iyan impezumala ku keniyu is midhimu ku he menge zatù wey menge upisyal he uluwanen wey menge telehuzen he menge etew he ebpuun diyà te menge tribu niw. Duen impezumala ku te 1,000 he etew, ne is duma 100, ne is duma 50, ne is duma pa impezumala ku te 10 he etew.

Zatù 17:7

Duen sevaha he vetan-en he maama he tig-Betlehem he sakup te Juda. Sevaha sikandin he Levihanen he midteǥaad med-ubpà duma te tribu ni Juda.

Ruth 1:1

Dengan te timpu he zatù pa is edumala te menge tig-Israel duen mid-aǥi he utew mepait he vitil. Ne zuen maama he meǥinged diyà te Betlehem he inged diyà te prubinsya he Juda he tenged dutun te vitil miduma zin is esawa zin wey is menge anak din he maama he zezuwa ne midteǥaad dan medhalin diyà te tanà he Moab.

Ruth 4:11

Ne zutun migkaǥi is menge ebmeǥurangen wey is menge zuma he etew te, “Uya, iyan key ebpekepenistiǥus. Ne haazà is bahi he ed-esewaan nu, berakat he edhimuwen te Nengazen he iring sikandin ki Raquel wey ki Lea te menge esawa ni Israel dengan he utew kiw mezakel is menge kevuwazan dan. Berakat he medsepian ka is kevuwazan ni Efrata; berakat he mevantug ka zini te Betlehem.

1 Samuel 10:19

Iyan a Megbevayè niw he midluwas keniyu te langun he ebpekekaid wey kegkerasey, piru ǥuntaan ed-iniyuǥan a keniyu. Su mibuyù kew te hadì he ebpengulu keniyu. Umbe ǥuntaan tiǥum kew kayi te edtuvangan ku he ebpesibsivayà is kada tribu wey kada sengeepuan.”

1 Samuel 17:12

Duen anak ni Jesse he si David. Si Jesse ne sevaha he Efratahanen he ziyà ed-ubpà te Betlehem he sakup te Juda. Meǥurang en sikandin dutun te timpu te iyan pa hadì si Saul te Israel. Walu is anak din he pudu maama.

1 Samuel 17:18

Uwiti nu zaan is peremandar te menge sundaru te sepulù he kisu. Susiya nu zaan ke nemenumenu en is menge kakey nu, ne likù ka kayi ne uwit ka te tuus he meupiya is kebpekesavuk dan.

1 Samuel 23:23

Peniizi niw is langun he lugar he ed-elesan din, ne likù kew kayi te kedì emun siguradu en. Ne eduma a keniyu; ne emun diyè pa te zuma he elesà ne ebpen-ahaan ku minsan meeneb ku pa is tivuuk he tanà te Juda.”

1 Samuel 8:12

Is duma kandan edhimuwen din he menge upisyal he edumala te tig-1,000 he sundaru, ne is duma 50 he sundaru. Ne is duma ne ibpeeradu te pemuleey zin wey ibpeeǥani te sebpet din, ne is duma ne ibpepandey zin te menge ǥumaan para te tebek wey zuma pa he menge gelemiten para te kerwahi.