Micas 4:6 - Manobo Western Bukidnon OT

^6-7 Migkaǥi is Nengazen te, “Keuzemà te huziyan he menge andew, edtiǥumen ku is menge etew ku he midsilutan ku, he iring te menge kerehidu he nengepiangan wey nekepeyapat. Edhimuwen ku he mekeǥeǥehem he nasyun is nesamà kandan. Ne edhedian ku sikandan diyà te Buvungan he Zion puun dutun he timpu ne taman en taman.

Micas 4:6 ပူးပေါင်းရင်းမြစ်များ

Salmo 147:2

Mid-umanan tukuza te Nengazen is inged he Jerusalem; wey midtiǥum din umana is menge kevuwazan ni Israel he nevihag.

Salmo 38:17

Henduen be te egkezeetan ad, ne kenà egkeengked is ked-antus ku.

Isaias 56:8

Migkaǥi zaan is Nengazen he MEGBEVAYÀ he midtiǥum te menge vinihag he menge Israilihanen te, “Edtiǥumen ku pa is duma, gawas duen te zaan en he netiǥum ku.”

Jeremias 3:18

Dutun he timpu, is menge tig-Juda wey menge tig-Israel ebpezumahà te ked-ulì is ebpuun te kegkevihaǥa kandan diyà te zizaya; diyà sikandan ebpevayà te tanà he imbeǥey ku te menge kepuun dan para egkepengevilin dan.

Jeremias 31:8

Pemineg kew! Iyan a mismu egkuwa wey edtiǥum kandan puun te zizaya wey ziyà te minsan hendei he vahin te kelibutan. Ragkes en he ebpekezuma kandan, is menge lakap wey menge pigket. Iring din daan is menge meǥingey wey umaanak. Utew mahabet is ebpemen-ulì.

Ezekiel 36:24

Su egkuwaan ku sikiyu puun diyà te nekedseselekawà he menge nasyun ne ed-uwiten ku sikiyu ziyà te keugelingen niw he tanà.

Micas 2:12

Migkaǥi is Nengazen te, “Sikiyu is menge etew te Israel wey Juda he nengesamà he uuyag, edtiǥumen ku sikiyu iring te menge kerehidu ziyà te tudil etawa iring te grupu te menge uyaǥen diyà te pepenebtavà. Egkeeneb is tanè niw te etew.

Zefanias 3:19

Dutun he andew, edsilutan ku is langun he midlisedlised keniyu. Edlibriyen wey edtiǥumen ku sikiyu is iring te menge kerehidu he nengepiangan wey nekedsusuwey. Mibpeel-elezan kew zengan, piru ebeǥayan ku sikiyu te zengeg wey edhimuwen ku he mevantug kew kayi te tivuuk he kelibutan.