Micas 4:4 - Manobo Western Bukidnon OT

⁴ Is kada etew ebpinuu ziyà te sihung te pinemula zin he paras wey kayu he higus he wazè din igkahandek. Egkehitavù iyan heini su iyan mismu is Nengazen he Mekeǥeǥehem migkaǥi kayi.

Micas 4:4 ပူးပေါင်းရင်းမြစ်များ

1 Hadì 4:25

Umbe, zutun te uuyag pa si Solomon, duen kelinew ziyà te Juda wey Israel puun te Dan taman te Beersheba. Is kada etew, edsihung diyà te pinemula zin he paras wey kayu he higus he zuen din kelinew.

1 Hadì 5:5

Umbe, egkeisip ku he ebangun ad te valey te Nengazen he para te kebeǥey kandin te zengeg te Nengazen he Megbevayè ku, sumalà is nekaǥi te Nengazen diyà te amey ku he si David. Iyan heini migkaǥi zin diyà te ki David: ‘Is anak nu he idliwan ku kenikew te kedhadì, iyan ibpevangun ku te valey he para kediey.’

Job 11:19

Edhizeǥè ka he wazè ebpelihandek kenikew, wey mahabet is ebpetavang kenikew.

Salmo 72:3

Berakat he ebpekeveǥey te keuswagan te menge etew nu is menge vuntud wey menge vuvungan tenged te ketazeng te hadì.

Erubasa 3:25

Umbe, kenè ka ereg he egkehandek emun egketik-ew egkehitavù is mekahandekhandek he hitavù, etawa edezeetan is menge lalung,

Isaias 1:20

Piru emun edsupak kew wey ebpekidsukulè kew, ne siguradu ebpemematey kew. Egkehitavù heini, su iyan a, is Nengazen, is migkaǥi kayi.”

Isaias 17:2

Wazè en ed-ubpà diyà te menge inged diyà te Aroer. Egkehimu zà heini he pepenebtavà te menge langgam, ne wazà ebuǥew kandan.

Isaias 22:25

Ne emun mahabet en is idsanggat dutun, ne egketangtang haazà is selenggatà ne egkengeulug wey egkengewaǥey is langun he insanggat dutun. Egkeulaula heini su iyan a is Nengazen migkaǥi kayi.’ ”

Isaias 26:16

Nengazen, mibmansu nu is menge etew nu, ne tenged te kedlised dan midangep dan wey mibpengumew-umew kenikew.

Isaias 32:17

Is beǥas te ketazeng iyan is meupiya he ked-ubpà, kelinew, wey kenà egkekeizan te wazè din pidtemanan.

Isaias 36:16

“Kenè kew pemineg ki Hezekia! Iyan heini egkeǥiyen te hadì te Asiria: Kenè kew en pekidtebek kediey; surindir kew en! Ne idtuǥut ku keniyu is kegkaan te veǥas te paras wey higus niw, ne ebpekeinum kew te wahig diyà te menge punduwè niw te wahig,

Isaias 40:5

Ne ibpezayag is mekeǥeǥehem he kebpekiduma te Nengazen, ne egkaahà heini te langun he menge etew. Su iyan mismu migkaǥi is Nengazen kayi.”

Isaias 54:14

Ebmelig-en ka su edtinazeng is menge etew nu. Ebpeleǥuyan ka te menge kuntada nu, umbe wazè nu en igkahandek. Kenè en ed-uvey ziyà te kenikew is menge kuntada nu, ne kenè ke en egkeheratan.

Isaias 58:14

ebmelipayen kew te kebpenilbi niw kedì. Ebeǥayan ku sikiyu te zengeg kayi te tivuuk he kelibutan, ne ebpezaharan ku sikiyu te menge abut te tanè he nepengevilin niw ziyà te kepuun niw he si Jacob. Egkehitavù heini, su iyan a, is Nengazen, is migkaǥi kayi.”

Jeremias 23:4

Ebeǥayan ku sikandan te menge pengulu he ed-atur kandan, ne kenè dan en egkahandek wey egkeheratan, ne wazè en egketazin kandan. Iyan a, is Nengazen, is migkaǥi kayi.”

Jeremias 30:10

“Umbe kenè kew mahandek wey mesuǥey is menge kevuwazan ni Jacob he menge suluǥuen ku. Iyan a is Nengazen migkaǥi te egkuwaan ku sikiyu ziyà te meziyù he lugar he zutun kew uwita te mibihag keniyu. Ne ed-ubpè kew he zuen kelinew. Wazè en igkehandek niw wey wazè en ebpekezezaat keniyu.

Ezekiel 34:25

“Ebaal a te kebpekid-uyun kandan he ebpekeveǥey te meupiya te ked-ubpè dan. Egsegseǥen ku is dumezaas he menge langgam puun te tanè dan su wey mekeubpà sikandan diyà te sibsivayan ne ebpekelipezeng dan diyà te ketelunan he wazà ebpekekaid kandan.

Ezekiel 34:28

Kenè en sikandan edsurungen wey ed-eǥawan te menge azen te menge etew ziyà te zuma he menge nasyun he iring te zumezaas he menge langgam. Ebpengungubpaan sikandan he wazà ebpekekaid kandan wey wazè dan igkahandek.

Ezekiel 38:11

Egkaǥi ka te: Edsurung a ziyà te Israel he is menge inged duen wazà berengbenga, wazè dan pultahan, wey wazè dan trangka, he is menge meǥinged duen ed-ubpà he melinawen wey wazà igkahandek he kezeetan.

Ezekiel 39:26

Egkelipatan dan en is keelezan dan wey kedluivi zan kedì, emun ebpengungubpaan en sikandan he melinawen wey wazà egkehendekan.

Leviticus 26:6

Edhimuwen ku he melinew is lugar niw, umbe ebpekelipezeng kew he wazè niw igkahandek. Edsegseǥen ku is dumezaas he menge langgam, wey wazà menge kuntada he edsurung keniyu.

Micas 5:3

Ibeǥey te Nengazen is menge etew te Israel ziyà te menge kuntada zan, piru taman dà te ked-anak te vahi he ebeliliten te maama he ebpengulu te Israel.

Zefanias 3:13

Heini sikandan is egkesamà he menge Israilihanen ne kenà ebaal te mezaat; kenè dan edtarùtarù wey ebpenlimbung. Egkaan dan wey edlipezeng ne wazà ebpekepelihandek kandan.’ ”

Zacarias 3:10

Dutun he timpu ed-ubpè kew he melinawen. Is kada sevaha keniyu, ebpengimbita te siringan din te kebpinuu ziyà te lempek te paras din wey kayu zin he higus. Iyan a, is Nengazen he Mekeǥeǥehem, is migkaǥi kayi.”