Micas 4:3 - Manobo Western Bukidnon OT

³ Ne pinaaǥi te kesuǥuan din, edhusayen din is menge kebikilan te mahabet he menge nasyun, minsan sikan is gemhanan he menge nasyun diyà te meziyù. Umbe kenè ne ebpetebtebekà is menge etew ziyà te menge nasyun, wey kenè dan en mebpenurù te menge etew te para te kebpekidtebek. Ebeelan dan dà maan he punta te menge eradu is menge ispada zan, wey ebeelan dan dà he para te igkamet is menge vangkew zan.

Micas 4:3 ပူးပေါင်းရင်းမြစ်များ

Salmo 46:10

Migkaǥi sikandan te, “Engked kew en he ebpetebtebekà. Ne kilelaa a keniyu is Megbevayà. Ebentuǥen a te menge nasyun kayi te tivuuk he kelibutan.”

Salmo 46:9

Ibpeengked din is menge tebek kayi te tivuuk he kelibutan. Ebpemedtìen din is menge panà wey menge vangkew, ne idrapug din is menge kelasag.

Salmo 72:3

Berakat he ebpekeveǥey te keuswagan te menge etew nu is menge vuntud wey menge vuvungan tenged te ketazeng te hadì.

Salmo 72:7

Dutun te timpu te kedhadì din, berakat he kenà egkaawà is ketazeng ne kenà egkaawà is kegkemeuswaǥen te ked-ubpà te menge etew taman te taman.

Salmo 82:8

Sigi en, Megbevayà, hukumi nu en is menge etew ziyà te langun he menge nasyun kayi te kelibutan, su ǥaked nu sikandan.

Salmo 96:13

ziyà te etuvangan te Nengazen. Su edhendini sikandin te kedhukum te menge etew kayi te kelibutan. Egkezumahan te ketazeng wey ketutuanan is kedhukum din.

Salmo 98:9

Egkelipey zan diyà te etuvangan te Nengazen su edhendini sikandin te kedhukum te menge etew kayi te kelibutan. Metazeng is kedhukumi zin kandan wey wazà bintahà.

Isaias 2:4

Ne pinaaǥi te kesuǥuan din, edhusayen din is menge kebikilan te mahabet he menge nasyun. Umbe kenè ne ebpetebtebekà is menge etew ziyà te menge nasyun, wey kenè dan en mebpenurù te menge etew te para te kebpekidtebek. Ebeelan dan dà maan he punta te menge eradu is menge ispada zan, wey ebeelan dan dà he para te igkamet is menge vangkew zan.

Isaias 25:3

Umbe, ebeǥayan ka te zengeg te mekeǥeǥehem he menge etew, wey edtehuzen ka te mesipala he menge nasyun.

Isaias 51:5

Hapit ku en sikiyu ebeǥayi te kezeeǥan duma is ketazeng. Kenè en egkeuǥet ne edlibriyen ku en sikiyu. Edumelahan ku is menge nasyun. Is diyà te meziyù he menge lugar edtaǥad kediey wey ebperateng te gehem ku.

Isaias 60:12

Su egkepurung egkezeeti is menge nasyun etawa menge ginhedian he kenà ebpenilbi kenikew.

Isaias 65:25

Ebpetuǥenà te kegkaan is dumezaas he menge asu wey menge kerehidu. Is menge erimaung ebpenabtab te reǥami iring te menge vaka. Ne is menge uled kenè en ebpemengaǥat. Wazè en ebpesipala etawa edezaat te segradu he vuvungan ku. Iyan a, is Nengazen, is migkaǥi kayi.”

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Daniel 2:44

“Dutun te timpu te kedhadì kayi te menge pengulu, edtukud is Megbevayà diyà te langit te sevaha he ginhedian he kenà egkezeetan te minsan keenu. Ne kenà heini egkezaag te zuma he ginhedian, su edèdeetan din pa ganì is langun he ginhedian ne ebpedayun heini he ginhedian taman te taman.

Hoseas 2:18

Dutun he timpu ebaal a te kesebutan diyà te langun he menge langgam he kenè kew zan menuwa. Id-awè ku ziyà te tanà he Israel is menge ǥumaan te kebpekidtebek iring te panà wey ispada. Ne ǥeina te wazè en tebek, ne ebpekelipezeng kew he wazè niw igkahandek he kezeetan.

Hoseas 2:20

ne egkehimu a he metinumanen diyà te keniyu. Umbe egkilelaan a keniyu he Nengazen.

Joel 3:2

edtiǥumen ku is menge etew ziyà te menge nasyun ne ibpetupang ku sikandan diyà te Suǥud ni Jehoshafat. Dutun edhukuman ku sikandan tenged te mibeelan dan diyà te menge Israilihanen, kes menge etew he ǥaked ku. Impeyapat dan diyà te zuma he menge nasyun is menge etew ku, ne mibahin dan is tanè ku.

Micas 5:15

Tenged te utew ku kegkepauk, ebelesan ku is menge etew ziyà te menge nasyun he wazà mebpezumazuma kedì.”

Zacarias 14:3

Ne edtebeken te Nengazen haazà is menge etew ziyà te menge nasyun, iring te kebpekidtebek din dengan.

Zacarias 8:20

Mahabet he menge etew he ebpemuun diyà te nekedseselekawà he menge inged is ebpemenhendiyà te Jerusalem.

Zacarias 9:10

Id-awè ku is kebpetebtebekà. Id-awè ku is para te tebek he menge kerwahi wey menge kudà te Israel wey Juda. Is menge panà he para te tebek ne ebedtien ku. Is ebpekeuma he hadì, egkaǥi ziyà te menge nasyun he engkezi zan en is kedtebek. Edhadì sikandin puun te sevaha he zaǥat taman te sevaha pa he zaǥat, wey puun te Wahig he Eufrates taman te kineziyuan he vahin te kelibutan.”

1 Samuel 2:10

Id-awè din is menge etew he edsukul kandin. Ibperuǥung din is langit he tuus te kegkepeuki zin te menge kuntada zin. Su is Nengazen, edhukuman din is tivuuk he kelibutan. Tenged kandin egkehimu he gemhanan is pinilì din he hadì.”