Micas 4:12 - Manobo Western Bukidnon OT

¹² Piru heini he menge etew ziyà te menge nasyun, wazè dan metueni is isip ku. Wazè dan mesavut is pelanu ku, he midtiǥum ku sikandan su wey ku mesiluti iring te menge pungu he edtiǥumen su egunasen.

Micas 4:12 ပူးပေါင်းရင်းမြစ်များ

Salmo 147:19

Impahayag din is menge lalag din, menge sulunuzen he ibpesunud din, wey menge suǥù din diyà te menge tig-Israel he menge kevuwazan ni Jacob.

Salmo 147:20

Wazè din heini ul-ulaha ziyà te zuma he menge nasyun; wazè dan mulà haazà metueni is menge suǥù din. Deliǥa is Nengazen!

Isaias 10:7

Piru kenà egketuenan te hadì te Asiria he egemiten dà sikandin te Nengazen. Kunaan din ke ebpendezeetan din dà is mezakel he menge nasyun.

Isaias 21:10

Ne migkaǥi a te, “Sikiyu is menge emurè ku te inged he menge Israilihanen, he henduen be te trigu he migunas, edtudtulen ku keniyu is nezineg ku ziyà te Nengazen he Mekeǥeǥehem, he Megbevayà te Israel.”

Isaias 29:7

Egkahanew iring te teǥeinep is mahabet he menge nasyun he nekidtebek te Jerusalem wey mibengkag te verengbeng kayi. Egkeiring sikandan te etew he neketeǥeinep he egkaan, piru kegkepukew zin ne egkevitil pa sikandin, etawa iring te etew he neketeǥeinep he ed-inum, piru te kegkepukew zin ne egkemezahan pa sikandin.”

Isaias 55:8

Migkaǥi is Nengazen te, “Is ked-isip-isip ku, ne kenà iring te keniyu he ked-isip-isip, ne is menge ulaula ku, ne kenà iring te keniyu he menge ulaula.

Jeremias 29:11

Netuenan ku ke ebmenmenuwen ku te edtuman is pelanu ku para keniyu, pelanu te kebpeuswag keniyu ne kenà kedrasey, pelanu te kebeǥey keniyu te perateng he zuen meupiya ziyà te egkeumahan niw he timpu.

Jeremias 51:20

Migkaǥi is Nengazen te, “Babilonia, iyan ka masu ku wey ǥumaan ku te tebek. Pinaaǥi kenikew edezeetan ku is menge nasyun wey menge ginhedian,

Jeremias 51:33

Migkaǥi is Nengazen he Mekeǥeǥehem, he Megbevayà te Israel te, “Is Babilonia iring te trigu he meǥaan en egkeuma is timpu te kedreǥuna kandin.”

Joel 3:2

edtiǥumen ku is menge etew ziyà te menge nasyun ne ibpetupang ku sikandan diyà te Suǥud ni Jehoshafat. Dutun edhukuman ku sikandan tenged te mibeelan dan diyà te menge Israilihanen, kes menge etew he ǥaked ku. Impeyapat dan diyà te zuma he menge nasyun is menge etew ku, ne mibahin dan is tanè ku.