Micas 3:9 - Manobo Western Bukidnon OT

⁹ “Sikiyu is menge pengulu te Israel wey Juda, pemineg kew! Igkeepes niw is metazeng he kukuman ne mibulegkù niw is hustu.

Micas 3:9 ပူးပေါင်းရင်းမြစ်များ

Nehemias 13:17

Umbe, mid-etuvang ku is menge pengulu ziyà te Juda, ne migkeǥiyan ku te, “Hengkey heini is mezaat ebeelan niw? Wazè niw isipa he segradu is Andew te Kedhimeley!

Exodus 3:16

“Genat ke en ne tiǥuma nu is menge edumala te menge kevuwazan ni Israel ne keǥiyi nu sikandan te, ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob mibpaahà kediey, ne migkeǥiyan e zin te: Ebpurungan kew zin ebentayi, ne egkeehè din is ed-ulaula keniyu te menge Ehiptohanen.

Erubasa 17:15

Is kedlibriya te nekesalà wey is kedsiluti te wazà mekesalà, ne pudu kenà igkesuat te Nengazen.

Erubasa 17:23

Is lalung he etew, edewaten din is idsipsip diyà te kandin su para kenà metuman is hustu he kukuman.

Erubasa 18:5

Kenà meupiya is kedapig te selaan wey is kenà kebeǥey te kevenar ziyà te ebpekevenar.

Erubasa 21:7

Pinaaǥi te kebebagis te etew he lalung, egketipu sikandin su kenè man sikandin egkesuat he ed-ulaula te hustu.

Isaias 1:23

Is menge pengulu nu ne mibpekidsukulà wey miduma te menge tekawen. Egkesuat dan he layun edsipsip, wey ebuyù sikandan te menge gasa. Wazè dan levani is ketenged dutun te menge ilu wey wazè dan pemineǥa is riklamu te valu he menge vahi.

Jeremias 5:28

Midlambù dan wey mibmeupiya is lawa zan. Kenè en edtaman is kebaal zan te mezaat. Wazè dan beǥayi te hustu he kukuman is menge ilu, wazè dan depiǥi is ketenged te menge pubri he menge etew.

Ezekiel 44:23

Kinahanglan he ebpenuruen dan is menge etew ku ke hengkey is segradu wey ke hengkey is kenà segradu, ke hengkey is lumpiyu wey meremerik.

Hoseas 5:1

Migkaǥi pa is Nengazen te, “Pemineg kew, is menge etew te Israel, ragkes kew en is menge memumuhat wey menge sakup te pemilya te hadì, su heini he kedhukum ne para keniyu: Iring kew te penuǥes he nekeutel, su nezeetan tenged keniyu is menge etew ziyà te Mizpa wey Tabor.

Amos 5:7

Ne mekehizuhizu kew! Is meupiya wey hustu he kukuman, midhimu niw he mezaat ne wazè niw veliya is metazeng.”

Micas 1:1

Iyan heini menge lalag te Nengazen bahin te Samaria wey Jerusalem. Impahayag din heini ziyà te ki Micas he tig-Moreshet dutun te timpu te kedhadì ni Jotam diyà te Juda, ne neketinundug kandin te kedhadì si Ahaz, wey si Hezekia. Migkaǥi si Micas te,

Micas 3:1

Migkaǥi si Micas te, “Sikiyu is menge pengulu te Israel wey Juda, pemineg kew! Kenè be iyan kew ereg he ebantey wey kenà maawà is hustu he kukuman?

Deuteronomio 27:19

“Rinewakan is etew he kenà ebeǥey te hustu he kukuman diyà te kenà menge Israilihanen, diyà te menge ilu wey menge valu he vahi.” Ne edtavak is langun te, “Amen!”