Micas 3:8 - Manobo Western Bukidnon OT

⁸ “Piru siak mulà, mibpurungan a ulini te Mulin-ulin te Nengazen he iyan mibeǥey kedì te ǥehem wey mekepedayun is hustu he kukuman pinaaǥi kedì ne wey a zaan mebmevurut te kegkaǥi ziyà te menge etew ziyà te Israel wey Juda he nekesalà sikandan.

Micas 3:8 ပူးပေါင်းရင်းမြစ်များ

Job 32:18

Mezakel iyan is egkekaǥi ku, ne henduen be te kenè en heini egkeeǥen.

Isaias 58:1

Migkaǥi is Nengazen te, “Habet kew pengulahì; iringa niw te kezaǥing te vudyung! Kenè niw heini eǥena! Ipetueni niw te menge etew ku he menge kevuwazan ni Jacob is menge salè dan wey menge kedrapas.

Isaias 61:1

Is Mulin-ulin te Nengazen he MEGBEVAYÀ ne kayi te kediey. Su mibpilì e zin he ibpewali te meupiya he tudtulanen diyà te menge pubri. Midsuǥù e zin te kedlipey te egkengeseeng wey kebpenudtul ziyà te menge vihag wey menge pirisu he ebpekeǥawas dan en.

Isaias 61:2

Midsuǥù e zin daan te kebpenudtul he neume en is timpu te kedlibriya te Nengazen te menge etew zin, ne edsilutan din is menge kuntada zan. Midsuǥù e zin daan te kedlipey te egkengeseeng diyà te Jerusalem, su para kenà avu is igkesavuk dan diyà te ulu zan he tuus te kegkeseeng dan, kekenà, kuruna he vulak, ne edlenahan dan is ulu zan he tuus te melipayen sikandan. Egkeiring dan te kayu he ulayan he impemula te Nengazen. Egngezanan sikandan he menge metazeng para te zengeg te Nengazen.

Jeremias 1:18

Pemineg ka! Guntaan he andew, edlig-enan ku sikew iring te inged he melig-en etawa putew he tukud, emun kenà ne brunsi he verengbeng. Kenè ka egkezaag te menge hadì, menge upisyal, menge memumuhat, etawa menge etew ziyà te Juda.

Jeremias 20:9

Usahay ebpekekaǥi a te kenà ad egkaǥi mehitenged kenikew wey ebpenudtul te menge lalag nu. Piru kenè ku egkeeǥen, su is menge lalag nu henduen be te hapuy he egkeregreg diyà te gehinawa ku wey menge tulan ku. Neveley a te ked-eǥen kayi para kenè ku pezem mekaǥi.

Jeremias 6:11

Neǥezam ku zaan is dekelà he pauk he iyan is pauk te Nengazen, ne kenè ku heini egkeeǥen.” Migkaǥi is Nengazen te, “Ibpeǥezaman ku is pauk ku ziyà te menge vatà he eguǥusà diyà te zalan, diyà te menge vetan-en he menge maama he edtitiǥum, diyà te menge telteleesawa, wey ragkes en is utew en memeǥurang.

Penhulùhulù 2:14

Is menge lalag te ebpemeneuven diyà te keniyu ne kenà tutuu. Wazè din pulus ne ebpeketazin keniyu. Wazè dan ipahayag is menge salè niw he iyan pezem kenè niw igkevihag.

Ezekiel 16:2

“Sikew is etew, petueni nu te Jerusalem is utew mezaat he menge vaal zin.

Ezekiel 20:4

“Sikew is etew, hukumi nu sikandan. Ipetentenuzi nu kandan is utew mezaat he menge vaal he mibeelan te menge kepuun dan.

Ezekiel 22:2

“Sikew is etew, andam ke en be he edhukum te Jerusalem? Andam ke en be te kedhukum kayi te inged te menge kriminal? Petueni nu kandin is utew mezaat he menge vaal zin.

Ezekiel 23:36

Mid-uman megkaǥi is Nengazen kayi te kedì te, “Sikew is etew, hukumi nu si Ohola wey si Oholiba. Keǥiya nu kandan is utew mezaat he menge vaal zan.

Ezekiel 3:14

Imbayew a te Mulin-ulin ne mid-uwit e zin pehendiyà te meziyù. Neǥezam ku kayi te ǥehinawa ku is kegkesekiti wey kegkeepes, piru mibeyveyaan a te Nengazen.

Ezekiel 43:10

Midlaus megkaǥi haazà is laǥeng te, “Sikew is etew, keǥiya nu ziyà te menge etew te Israel sikan is baley te Nengazen he impeehè ku kenikew. Tudtula nu kandan is kegkeveeli kayi su wey zan meeled tenged te menge salè dan.