Micas 3:2 - Manobo Western Bukidnon OT

^2-3 Piru igkeepes niw is meupiya, ne mibmahal niw mulà is mezaat. Edèdaaǥen niw utew is duma ku he menge meǥinged; henduen be te mid-enisan niw sikandan, ne migkuwa niw is menge sapù dan diyà te menge tulan dan, ne mibpenggetad niw is menge tulan dan, ne mibpemisang niw is menge sapù dan, ne midhilutù niw wey migkaan.

Micas 3:2 ပူးပေါင်းရင်းမြစ်များ

1 Hadì 21:20

Ne hein naahà ni Ahab si Elias ke sikandin te, “Neehè e ves te kuntada ku!” Midtavak si Elias te, “Uya, midhengkayi a te kenikew su geina te iyan nu zà layun egkesuatan is kebaal te mezaat diyà te etuvangan te Nengazen!

2 Cronica 19:2

ne midsinuǥung sikandin te ebpeneuven he si Jehu he anak ni Hanani ne migkeǥiyan din te, “Maan is mid-uǥupan nu is lalung wey mibmahal nu haazà is menge etew he mibpekidkuntada te Nengazen? Tenged kayi, nepauk is Nengazen kenikew.

Salmo 15:4

Ed-isipen din he wazà pulus te menge etew he kenè ku edewaten, iyan ebentuǥen din mulà is menge etew he edtahud kediey. Edtumanen din is pesarig din minsan pa ke egkereǥenan sikandin te kedtumana kayi.

Salmo 53:4

Wazè be metueni kayi te lalung he menge etew is menge vaal zan? Netuenan dan heini! Ebpegpeǥesen dan is menge amurè ku te inged wey zan mekeselapì he iring dà sikandan te edsupal te keenen, ne kenà sikandan ed-ampù diyà te Megbevayà.

Erubasa 28:4

Is etew he kenà edtuman te Kesuǥuan, igkesuat din is kelelalung, iyan, is etew he edtuman kayi, igkeepes din mulà is kelelalung.

Isaias 3:15

Maan is edèdaaǥen niw is menge etew ku wey edresayen niw is egkengaayuayu?” Iyan heini migkaǥi te Nengazen he MEGBEVAYÀ he Mekeǥeǥehem.

Isaias 5:20

Mekehizuhizu kew is iyan niw ed-isipen he mezaat is meupiya, ne is meupiya ne iyan niw ed-isipen he mezaat. Is kerusireman ne iyan niw egngezanan he kerayag, ne is kerayag iyan niw egngezanan he kerusireman. Is mepait edhimuwen niw he meemis ne is meemis edhimuwen niw he mepait.

Isaias 57:12

Ed-isipen niw he metazeng en is ebeelan niw, piru ibpeehè ku ke hengkey kew he kelasi te menge etew. Ne kenà ebpeketavang keniyu is menge ed-ezapen niw.

Ezekiel 11:7

Umbe siak, is Nengazen he MEGBEVAYÀ, egkeǥiyan ku sikiyu te: Tutuu he heini is inged iring te kuzen, piru sikan is nemematey he impeyapat niw kayi te inged ne iyan usa. Ne edsegseǥen ku sikiyu puun kayi te inged.

Ezekiel 22:27

Is menge upisyal zan iring te zumezaas he menge asu he ebpitaspitas te egkezawi zan. Edhimatey zan para zà mekeselapì sikandan.

Ezekiel 24:4

Ilunud nu zutun is meupiya he vahin te usa, menge pemenayen wey menge vuvun. Iragkes nu zaan is menge tulan.

Ezekiel 34:3

Ed-inumen niw is gatas dan, ebeelan niw he visti is bulvul zan, ne edlapaan niw is utew melambù kandan, piru wazè niw sikandan etura.

Amos 4:1

Sikiyu is dungganen he menge vahi ziyà te Samaria, iring kew te menge vaka ziyà te Bashan he mibpurungan elimahi. Edèdaaǥen niw wey mibpesipelahan is menge pubri, ne edsuǥuen niw pa is menge esawa niw he uwiti kew zan te inumen. Umbe pemineǥa niw heini is

Amos 5:15

Senggilahi niw is mezaat ne veeli niw is meupiya, ne hukum kew te hustu ziyà te hukmanan. Su kela ke mehizuwi kew zed te Nengazen he Megbevayà he Mekeǥeǥehem is nengesamà keniyu te menge kevuwazan ni Jose.

Micas 2:8

Piru iyan mibeelan niw is midsurung niw is pubri he menge etew ku he henduen be te menge kuntada niw. Egkeisip dan is, emun ed-ulì en sikandan diyà te lugar zan is nekidtebek ne wazè en egkevut kandan, piru heyan kew zed bes is ed-aǥew te samput dan.

Micas 7:2

Is ibpesavut ku iyan is, wazè en neehè ku he etew kayi te Israel he mepezumdumahan te Megbevayà. Wazè en nesamà he metazeng he etew. Is kada sevaha, edtaǥad te meupiya he timpu te kegkehimetayi zin te zuma zin he meǥinged, iring te etew he edtaǥad te kegkeutela zin te langgam he edhingutelen din.

Micas 7:3

Nelayam sikandan te kebaal te mezaat. Is menge pengulu wey menge meghuhukum ne edawat te sipsip. Ne ebpezumdumahan dan dà is egkesuatan te menge nekilala wey gehemanen he menge etew. Nesevaha sikandan te kebulegkù te hustu he kukuman.

Zefanias 3:3

Is menge upisyal zan henduen be te edhiniǥer he erimaung. Is menge pengulu zan henduen be te zumezaas he asu, ne ebpen-ahà te egkezeesan din emun mezukilem, ne haazà ne ed-eminen din te edaas ne wazà egkesamà ke meselem.