Micas 2:9 - Manobo Western Bukidnon OT

⁹ Midsegseg niw is menge vahi zan diyà te menge valey he utew zan mibmahal. Ne migkuwa niw is menge tuvad he imbeǥey ku ziyà te menge anak dan ne kenè dan en heini egkekuwa minsan keenu.

Micas 2:9 ပူးပေါင်းရင်းမြစ်များ

Salmo 72:19

Ereg he edeliǥen is kegkemekeǥeǥehem din te wazà pidtemanan. Berakat he maahà te menge etew kayi te tivuuk he kelibutan is kegkemekeǥeǥehem din. Amen! Amen!

Jeremias 10:20

Nerundus en is tulda tew; nengevidtew en is menge hiket kayi. Nahanew en is menge anak tew; wazè en nesamà he ed-uman ebpehitindeg te tulda he mid-ubpaan tew.”

Ezekiel 39:21

“Emun edsilutan ku en is menge etew ziyà te menge nasyun, ne egkeehè dan ke sengemenu is kegkemekeǥeǥehem ku.

Joel 3:6

Mid-uripen niw is menge etew te Juda wey te Jerusalem ne imbelegyè niw ziyà te menge Gerisyahanen, su wey niw sikandan ikepekeziyù diyà te tanè dan.

Amos 2:7

Edèdaaǥen dan is menge pubri wey wazè dan beǥayi te hustu he kukuman. Neulaula ziyà te kandan, he is amey wey is anak din he maama ebpekidhilavet te sevaha zà he vahi. Tenged kayi mibpendezeisey zan is waǥas he ngazan ku.

Micas 2:2

Ed-eǥawen niw is menge vevesukà wey menge valey he egkesuatan niw. Edlimbungan niw is menge etew wey niw mekuwa is baley zan wey is tanà he kevilin dan.

Habakuk 2:14

Su is menge etew kayi te kelibutan, egkepenù te keuluwanen vahin te gehem te Nengazen, iring te zaǥat he nepenù te wahig.

Zacarias 2:5

Su migkaǥi is Nengazen he iyan mismu sikandin egkehimu he verengbeng he hapuy he ebpekeliǥuy te inged he Jerusalem, ne iyan sikandin egkehimu he ǥehem kayi te inged.”

1 Samuel 26:19

Mahal he Hadì, pemineǥa nu is egkeǥiyen ku. Emun iyan is Nengazen edsuǥù kenikew te kedhimatey kedì, deyzey pezem ke egkehizuwan e zin pinaaǥi te kedewata zin te pemuhat ku. Ne emun ketau zà te etew, ne deyzey pezem ke rewaki sikandan te Nengazen. Su impepelaǥuy e zan puun te tanà he gaked te Nengazen ne migkeǥiyan e zan te ibpesilbi ad te zuma he menge ed-ezapen.