Micas 2:7 - Manobo Western Bukidnon OT

⁷ Maan, mibpekezaat be te Nengazen is menge kevuwazan ni Jacob? Naamin en be is pelavey zin? Buluhaten din be is kebpendezaat?” Kenà heeyan egkehimu! Iyan heini tavak te Nengazen keniyu: “Angin pezem ke meupiya is mibeelan niw su siguradu he egkezawat niw is impenaad ku.

Micas 2:7 ပူးပေါင်းရင်းမြစ်များ

Salmo 119:65

Nengazen, tulengezi a kenikew is suluǥuen nu, sumalà te insaad nu.

Salmo 119:68

Meupiya ka iyan wey meupiya is mibpemeelan nu. Penurua a te menge sulunuzen he ibpesunud nu.

Salmo 15:2

Is tavak te Nengazen, “Iyan is etew he wazà duen igkesawey wey meupiya is menge ulaula zin. Tutuu wey tinutuuwà is kegkaǥikaǥi zin.

Salmo 18:26

Tinutuuwà is kebpekidepitè nu te menge etew he tinutuuwà daan is kebpekidepitè dan kenikew, ne metau ka zaan he bales te menge lalung.

Salmo 84:11

Su sikew, is Nengazen he Megbevayà, iring ka te andew he ebpeketayew, wey te kelasag he egkehimu he pengalang. Ebeǥey ka te pebur wey zengeg. Kenè nu idsekel is minsan hengkey he meupiya ziyà te nengungubpaan he wazà duen igkesawey.

Erubasa 10:29

Is kedsunud te menge suǥù te Nengazen iyan iliyan te menge metazeng, iyan, is menge lalung he edsupak kayi ne egkengezeetan mulà.

Erubasa 10:9

Is etew he metazeng meziyù te kezeetan, piru is etew he ebaal te mezaat egketuenan is salè din.

Erubasa 14:2

Is kedtinazeng, ne paaǥi te kedtehuza te Nengazen, piru is kenà kebpengungubpaan te hustu, ne paaǥi te kedsudia kandin.

Erubasa 2:7

Egkelesaǥan din wey edteǥenahan din te kezeeǥan is menge metazeng is menge ulaula,

Erubasa 28:18

Is etew he wazè duen igkesawey ne kenà egkekeizan, piru is etew he kenà hustu is ulaula zin ne meǥaan egkahanew.

Isaias 50:2

Maan is hendei kew vuwa hein nekeuma a? Maan is wazà midtavak te pengumawan ku? Kenè e ve ebpekehimu he edlibri keniyu? Egkehimu ku man ganì te ebpekemaza is daǥat pinaaǥi zà te kedsuǥù ku wey kedhimu te menge wahig he iring te disirtu he egkehimu he hinungdan te kebpematey te menge isdà.

Isaias 58:1

Migkaǥi is Nengazen te, “Habet kew pengulahì; iringa niw te kezaǥing te vudyung! Kenè niw heini eǥena! Ipetueni niw te menge etew ku he menge kevuwazan ni Jacob is menge salè dan wey menge kedrapas.

Jeremias 15:16

Hein nekidlalag ka kedì nemineg a kenikew. Is menge lalag nu iyan ebpekelipey kedì ne migkaǥi ka he ǥaked a kenikew, he Nengazen he Megbevayà he Mekeǥeǥehem.

Jeremias 2:4

Pemineǥa niw is migkaǥi te Nengazen, diyà te keniyu te menge etew ziyà te Israel he menge kevuwazan ni Jacob.

Hoseas 14:9

Berakat he is duen din kedsavut keniyu metueni zin wey mesavut din is menge ingkesurat kayi. Utew hustu is menge paaǥi te Nengazen ne ed-ikulen heini te menge metazeng, piru igkeseligkat mulà heini te menge merepasen.

Micas 3:9

“Sikiyu is menge pengulu te Israel wey Juda, pemineg kew! Igkeepes niw is metazeng he kukuman ne mibulegkù niw is hustu.

Zacarias 4:6

Ne migkaǥi sikandin kayi te kedì te, “Kenè ku pa edtevaken is insè nu, ne pemineǥa nu heini is menge lalag te Nengazen he Mekeǥeǥehem diyà te ki Zerubabel: “Zerubabel, egkepasad nu is kebpehitindeg te valey te Nengazen kenè pinaaǥi te zesen wey egkehimu te etew, kekenà, pinaaǥi te Mulin-ulin he ibpetavang ku kenikew.

Numero 11:23

Migkaǥi is Nengazen diyà te ki Moises te, “Duen be edtemanan te ǥehem ku? Egkeehè nu ǥuntaan ke egkeulaula ve is migkaǥi ku etawa kenà.”