Micas 2:2 - Manobo Western Bukidnon OT

² Ed-eǥawen niw is menge vevesukà wey menge valey he egkesuatan niw. Edlimbungan niw is menge etew wey niw mekuwa is baley zan wey is tanà he kevilin dan.

Micas 2:2 ပူးပေါင်းရင်းမြစ်များ

1 Hadì 21:1

Ne kegkeipus dutun he menge hitavù, iyan en maan heini nehitavù. Duen sevaha he etew he tig-Jezreel he iyan ngazan din si Nabot. Duen pemuleey zin te paras diyà te Jezreel he avey te turuǥan ni Hadì Ahab he hadì te Samaria.

2 Hadì 9:26

‘Neehè ku gevii is kedhimetayi nu ki Nabot wey te menge anak din. Ne ebpenangdù a he ebelesan ku sikew kayi mismu te pemuleey ni Nabot. Iyan a, is Nengazen, is migkaǥi kayi.’ Umbe kuwaa nu sikandin ne itimbag nu ziyà te vevesukà ni Nabot sumalà te nekaǥi te Nengazen.”

Job 31:38

“Emun mezaat is kegemita ku te tanè ku etawa midtakew ku heini ziyà te zuma,

Exodus 20:17

“Kenè niw meimahi is baley te zuma niw, etawa esawa te zuma, menge suluǥuen, menge uyaǥen dan, wey minsan hengkey he ǥaked dan.”

Isaias 3:14

Edhukuman din is menge ebpemendumala wey menge pengulu te menge etew zin. Iyan heini sumbung din kandan, “Midezeetan niw is pemuleey ku te paras he iyan is menge etew ku. Nepenù is menge valey niw te menge azen he mibpenguwa niw ziyà te menge pubri.

Isaias 5:8

Mekehizuhizu kew is mibpekezakel te menge valey wey mibpekeluag te tanà taman te wazè en lugar para te zuma, ne iyan kew zà nesamà he ed-ubpà kayi he tanà.

Jeremias 22:17

Ne sikew mulà, wazè duma he tinguhè nu, kekenà, iyan dà is kebpenlimbung, kebpemenhimatey te menge wazà mekesalà, kebpendaagdaag, wey kebpenhukhuk.

Ezekiel 18:12

Edèdaaǥen din is menge pubri wey is menge egkaayuayu. Tekawen sikandin, wey kenè din id-ulì is insandà te menge nekeutang diyà te kandin. Ed-azap sikandin te zuma he menge ed-ezapen, wey ebaal te utew mezaat he menge vaal.

Ezekiel 22:12

Is duma mibpesuhul te kedhimatey te etew, is duma mibpeutang te utew zekelà is tuvù din, wey is duma midsepian tenged te kedlimbungi zin te zuma he etew. Nelipatan e zan en. Iyan a, is Nengazen he MEGBEVAYÀ, is migkaǥi kayi.

Ezekiel 22:13

“Menge tig-Jerusalem, edsumbaǥen ku is palad ku he tuus te utew ku kegkepauk tenged te kebpenapì niw wey kebpenhimatey.

Ezekiel 33:26

Edsarig kew te ispada niw, ebaal kew te utew mezaat he menge vaal, wey mengungumpadi kew. Ne egkeisip niw ǥihapun is ked-angken duen te tanà?

Ezekiel 45:9

Su iyan a is Nengazen he MEGBEVAYÀ, migkaǥi: Sikiyu is menge pengulu te Israel, subre en is mibeelan niw! Engkezi niw en is kebpenggulpi niw wey kebpendaagdaag, ne veeli niw is metazeng wey hustu. Kenè niw en eǥawi te tanà is menge etew ku.

Ezekiel 46:18

Is pengulu, kinahanglan he kenè din penguwaa is tanà te menge etew. Emun ebeǥey sikandin te tanà diyà te menge anak din, kinahanglan he kandin dà he tanà is iveǥey zin, su wey kenà mewezai te tanà is menge etew ku.”

Ezekiel 8:17

Ne migkaǥi is Megbevayà kayi te kedì te, “Sikew is etew, neehè nu ve heeyan? Kunaan bes te menge etew te Juda ke kenà mezaat is kebaal keniyan te utew mezaat he menge vaal? Ne mibeǥayan dan pa te kesamuk is nasyun. Pinaaǥi kayi midhimu zan he utew a mepauk. Ahaa nu is kebpesipelahi zan kediey!

Amos 2:7

Edèdaaǥen dan is menge pubri wey wazè dan beǥayi te hustu he kukuman. Neulaula ziyà te kandan, he is amey wey is anak din he maama ebpekidhilavet te sevaha zà he vahi. Tenged kayi mibpendezeisey zan is waǥas he ngazan ku.

Amos 4:1

Sikiyu is dungganen he menge vahi ziyà te Samaria, iring kew te menge vaka ziyà te Bashan he mibpurungan elimahi. Edèdaaǥen niw wey mibpesipelahan is menge pubri, ne edsuǥuen niw pa is menge esawa niw he uwiti kew zan te inumen. Umbe pemineǥa niw heini is

Amos 8:4

Pemineǥa niw heini, sikiyu is edlislisezen dan is menge pubri wey edtinguhà te kedezaat kandan.

Micas 3:9

“Sikiyu is menge pengulu te Israel wey Juda, pemineg kew! Igkeepes niw is metazeng he kukuman ne mibulegkù niw is hustu.

Micas 6:12

Mesipala is menge sepian keniyu, ne menge teruen kew.

Malakias 3:5

Migkaǥi is Nengazen he Mekeǥeǥehem te, “Edhendiyà a te keniyu su edhukum a. Segugunè ku ibpetueni is menge salà te menge veyilan, menge mengungumpadi, menge ebpenistiǥus te tarù, menge egalen he ebpenlimbung, menge ebpemintahà te menge valu he vahi wey menge ilu, wey menge lumelengyawà, wey is menge wazè dan kedtahud kedì.”