Micas 2:1 - Manobo Western Bukidnon OT

¹ Kehizu niw te egkepurang he ebpelanu te mezaat. Ne kegkemeselem ebeelan niw is mezaat he pelanu niw su egkehimu niw is kebaal kayi.

Micas 2:1 ပူးပေါင်းရင်းမြစ်များ

Genesis 31:29

Duen ku ketezengan pezem te kebpesipala kenikew, piru mibpaahà kedì is Megbevayà geina te mezukilem he ed-ezapen te amey nu, ke sikandin te, ‘Kenè nu pesipelahi si Jacob.’

1 Hadì 21:7

Migkaǥi si Jezebel te, “Kenè be hadì ka te Israel? Enew ka wey megkaan! Lipey ka su ibeǥey ku kenikew is pemuleey te paras ni Nabot he tig-Jezreel.”

Ester 3:8

Ne migkeǥiyan ni Haman si Hadì Ahasuerus te, “Duen sevaha he kevuwazan he nemekeubpà diyà te minsan hendei zapit kayi te prubinsya te ginhedian nu ne zuen dan keugelingen he velaud he selakew te zuma he menge etew. Wazà sikandan medtuman te menge suǥù nu, ne kenè heini meupiya para kenikew, Mahal he Hadì, ke ebpesegdanen sikandan.

Ester 5:14

Ne migkaǥi ziyà te kandin is esawa zin wey is menge emiǥu zin te, “Pevaal ka te vitayà he 75 he giek is ketikang din ne keeselem ke meselem hengyui nu sikan is hadì he isuǥù din he vitayà dutun si Mordecai, su wey ka mebmelipayen he ebpekiduma te hadì te kedlavung.” Ne utew ingkesuat ni Haman haazà, umbe mibpevaal sikandin te vitayà.

Ester 9:25

Piru hein netuenan duen te hadì haazà he pelanu pinaaǥi ki Rayna Ester, mibpesurat sikandin te belaud he is mezaat he pelanu ni Haman kuntra te menge Judio ne ziyà edhimuwa te kandin. Ne imbitey si Haman ragkes is menge anak din he menge maama.

Job 15:35

Layun dan ed-isip te kedsinamuk, kebaal te mezaat, wey kebpenlimbung.”

Job 24:14

Is memumunù edsayu ed-enew su edhimetayan din is pubri, ne emun mezukilem ebpenakew sikandin.

Salmo 36:4

Minsan edhidhizeǥà sikandin ne ebpelanu sikandin te mezaat. Dekelà is gehinawa zin te kebaal te kenà meupiya, ne kenè din id-awà diyà te isip din is kebaal te mezaat.

Salmo 36:5

Nengazen, is gaǥew nu wey kegkemetinumanen, ne kenà egkesukud; metikang pa heini te langit.

Salmo 58:3

Is menge lalung, ebpekeziyuan dan is Megbevayà ne edtarùtarù dan puun pa te kegkeetew zan.

Erubasa 12:2

Egkehizuwan te Nengazen is meupiya he etew, iyan, edsilutan din mulà is ed-isip te mezaat.

Erubasa 14:22

Is etew he ebpelanu te mezaat, ebpekevaal te sayep, iyan, is etew he meupiya is ebpelenuwen din, ebmahalen wey ebpezumdumahan sikandin te zuma he menge etew.

Erubasa 3:27

Tevangi nu is kinahanglan he edtevangan sumalà is egkehimu nu.

Erubasa 4:16

Su kenè dan ebpekelipezeng emun kenè dan pa ebpekevaal te mezaat etawa ebpekependelahig te zuma.

Isaias 29:20

Su egkaawè en is menge mesipala wey menge mesudì he menge etew. Ebpematey is langun he zekelà diyà te gehinawa zan is kebaal te salà

Isaias 3:14

Edhukuman din is menge ebpemendumala wey menge pengulu te menge etew zin. Iyan heini sumbung din kandan, “Midezeetan niw is pemuleey ku te paras he iyan is menge etew ku. Nepenù is menge valey niw te menge azen he mibpenguwa niw ziyà te menge pubri.

Isaias 32:7

Mezaat is menge paaǥi te limbungan he etew. Ed-isip sikandin he edezeetan din is menge pubri pinaaǥi te kedtarùtarù, minsan dutun te timpu he ebuyù te hustu he kukuman is menge pubri.

Isaias 5:8

Mekehizuhizu kew is mibpekezakel te menge valey wey mibpekeluag te tanà taman te wazè en lugar para te zuma, ne iyan kew zà nesamà he ed-ubpà kayi he tanà.

Isaias 59:3

Su ebpenhimatey kew te etew, wey ebaal kew te zuma pa he mezaat. Midtarùtarù kew wey migkaǥi kew te mezaat he menge lalag.

Jeremias 18:18

Ne migkaǥi is menge etew te, “Hendini kew, su ebpen-ehè kiw te paaǥi wey tew ikepeengked si Jeremias te kegkaǥi! Duen tew man daan menge memumuhat he ebpekepenurù kenitew te kesuǥuan wey menge ebpeneuven he ebpekeseysey ziyà te kenitew te menge lalag te Megbevayà. Umbe ebaal kiw te serupet he tudtul he ebpekezezaat kandin ne kenè tew en ebpemineǥen is ebpengeǥiyen din.”

Ezekiel 11:2

Migkaǥi is Nengazen kayi te kedì te, “Sikew is etew, iyan heini sikandan mibpelanu te mezaat wey mibeǥey kayi te inged te kenà meupiya he sambag.

Ezekiel 33:26

Edsarig kew te ispada niw, ebaal kew te utew mezaat he menge vaal, wey mengungumpadi kew. Ne egkeisip niw ǥihapun is ked-angken duen te tanà?

Ezekiel 38:10

Mibpedayun megkaǥi is Nengazen he MEGBEVAYÀ te, “Dutun he timpu ebpelanu ka te mezaat.

Ezekiel 46:18

Is pengulu, kinahanglan he kenè din penguwaa is tanà te menge etew. Emun ebeǥey sikandin te tanà diyà te menge anak din, kinahanglan he kandin dà he tanà is iveǥey zin, su wey kenà mewezai te tanà is menge etew ku.”

Micas 6:12

Mesipala is menge sepian keniyu, ne menge teruen kew.

Nahum 1:11

Is sevaha te menge pengulu niw ne mibpelanu te mezaat he idezaat din te menge etew te Nengazen. Mezaat is insambag din.

Zacarias 7:10

Kenè niw dèdaaǥa is menge valu he vahi, is menge ilu, is menge lumelengyawà, wey menge pubri. Kenè kew med-isip te mezaat diyà te minsan hentei keniyu.’

Deuteronomio 28:32

Egkemetmetahan niw is kebihaǥa te menge anak niw te ebpuun te senge nenasyun en, ne andew-andew is kedteǥazi niw te kebpekelikù dan, piru wazè niw egkehimu.