Micas 1:6 - Manobo Western Bukidnon OT

⁶ Umbe, migkaǥi is Nengazen te, “Edezeetan ku is Samaria ne kenè en heini egkeubpaan, kekenà, ebpemulaan dà te paras. Edlilizen ku is menge vatu kayi pehendiyà te suǥud taman te ebpekelepew is menge pundasyun kayi.

Micas 1:6 ပူးပေါင်းရင်းမြစ်များ

2 Samuel 17:13

Emun ebpelaǥuy sikandin diyà te zuma he inged, ne edhiketan tew is menge verengbeng ne eguyuzen tew pehendiyà te wahig taman te egkerundus heini ne wazà dutun egkesamà he vatu!”

2 Hadì 18:10

Ne hein nekelavey is tetelu he tuig, naaǥew te Asiria is Samaria. Ne iyan haazà ikeenem he tuig te kedhadì ni Hezekia wey ikesiyam he tuig te kedhadì ni Hoshea.

2 Hadì 18:9

Hein ikeepat he tuig te kedhadì ni Hezekia, he iyan ikepitu he tuig te kedhadì ni Hoshea ziyà te Israel, midsurung ni Hadì Salmanaser he hadì te Asiria is Samaria ne medliǥuyan dan heini.

2 Hadì 19:25

Tutuu iyan he mibpemengkag nu is binerengbeng he menge inged. Piru wazè nu ve metueni he siak, is Megbevayà, neuǥet en he imbanglis ku is kegkeul-ulaha kayi? Neuǥet en diyà te pelanu ku is kegkeul-ulaha kayi ne ǥuntaan edtumanen ku en heini.

Isaias 17:1

Heini he menge lalag mehitenged te Damascus: “Pemineg kew! Kenè en maan inged is Damascus su egkevengkag heini.

Isaias 25:12

Ebengkaǥen din is metikang wey melig-en he menge verengbeng dan taman te ebpekepeyapat heini ziyà te tanà.

Isaias 25:2

Mibengkag nu is binerengbeng he menge inged te menge etew ziyà te zuma he menge nasyun. Midrundus nu is melig-en he menge vahin te inged dan, ne kenè en heini egkeuman egkevangun.

Jeremias 31:5

Ne ebpemula kew en maan te menge paras diyà te menge vuntud te Samaria, ne iyan kew ebpekepulus te menge veǥas din.

Jeremias 51:25

“Kuntada ku sikew is Babilonia, sikew is migngezanan te Buntud he Ebpendezaat! Midezeetan nu is tivuuk he kelibutan. Egemiten ku is gehem ku te kebpuawa kenikew ne ebinsulan ku sikew.

Jeremias 51:37

Egkevengkag heini he nasyun! Ed-engitan wey edtemayen heini he lugar, ne wazà ed-ubpè kayi gawas te leew he menge asu.

Jeremias 9:11

Su migkaǥi is Nengazen te, “Edezeetan ku is Jerusalem, ne egkehimu zà heini he ubpeey te leew he menge asu. Is menge inged diyà te Juda egkeiring te disirtu he wazà duen ed-ubpà.”

Penhulùhulù 4:1

Is menge meǥinged diyà te Zion neiring te lunsey he vulawan he midheva etawa mahalen he menge vatu he nekepeyapat diyà te menge zalan. Iring sikandan dengan te utew mahal he vulawan, piru ǥuntaan neiring dà sikandan te menge diniyun he mibeelan dà te mendiziyun.

Ezekiel 13:14

Uya, edtempaǥen ku is berengbeng he mibpekeplaan te minasa he utew zà deisey he simintu is insahug duen. Edtempaǥen ku heini taman te egkaahà is pundasyun kayi. Ne emun egketempag en, egkeutunan kew ne egkeǥerè kew. Ne zutun egketuenan te langun he iyan a Nengazen.

Hoseas 13:16

Ereg he edsilutan is menge tig-Samaria tenged te kebpekidsukulè dan kediey te Megbevayè dan. Egkeǥerà sikandan tenged te tebek. Edrunteken is dezeisey he menge anak dan, ne edsirian is meǥingey he menge vahi kandan.”

Amos 5:11

Midaagdaag niw is menge pubri ne midteǥel niw he mebeǥey ziyà te keniyu te neraǥun dan. Umbe kenè niw en egkeubpaan is dezekelà he menge valey he mibangun niw, wey kenè kew en ebpekeinum te vinu he ebpuun diyà te impemula niw he menge paras.

Amos 6:8

Nenangdù is Nengazen he MEGBEVAYÀ, kes Megbevayà he Mekeǥeǥehem. Ke sikandin te, “Igkeepes ku is kebpelavew te menge kevuwazan ni Jacob, wey midrewakan ku is melig-en he menge vahin te inged dan. Umbe ibeǥey ku ziyà te menge kuntada is inged dan wey is langun he taǥù kayi.”

Micas 3:12

Umbe, tenged keniyu edezeetan is Zion he iyan is inged he Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he nevengunan te valey te Nengazen.”

Habakuk 3:13

su edlibriyen nu is pinilì nu he menge etew. Midhimetayan nu is pengulu te mezaat he ginhedian ne mibpurungan nu zezeeti is menge etew zin.