Micas 1:4 - Manobo Western Bukidnon OT

⁴ Egketunew is menge vuntud he egkeǥiekan din iring te kendilà he egketunew te hapuy, ne egkeǥadgad is menge suǥud he egkeǥiekan din iring te ebeyaan te wahig he edtudà diyà te kelendiǥan.

Micas 1:4 ပူးပေါင်းရင်းမြစ်များ

Salmo 46:6

Egkengeheratan is menge nasyun; egkengehuyung is menge ginhedian. Tenged te kulehian te Megbevayà henduen be te egketunew en te kegkahandek is menge etew kayi te tivuuk he kelibutan.

Salmo 68:2

Segseǥa nu sikandan iring te evel he idlayap te keramag. Dezeeti nu is menge lalung diyà te etuvangan nu, iringa nu te kendilà he egketunew te hapuy.

Salmo 97:5

Nengetunew is menge vuvungan he henduen be te kendilà diyà te etuvangan te Nengazen, is Nengazen iyan ebayàbayà te tivuuk he kelibutan.

Amos 9:5

Emun egkeviten te Nengazen he MEGBEVAYÀ he Mekeǥeǥehem is tanà, egkehuyung heini ne is langun he menge meǥinged kayi ne ebpemekesineǥew. Is kegkehuyung kayi iring te kedlapey wey kegkemezahi te Wahig he Nilo ziyà te Ehipto.

Nahum 1:5

Diyà te etuvangan din egkehuyung is kelibutan, ragkes is menge vuvungan, wey ragkes he egkerkeren is menge etew kayi te kelibutan.

Habakuk 3:10

Is menge vuntud henduen be te menge etew he egkerkeren emun egkeehè ke zan. Mid-uzan te mereǥes, mideǥurus is wahig diyà te zaǥat ne midekelà is menge vaǥel.

Habakuk 3:6

Emun edhitindeg ka egkehuyung is kelibutan, ne emun edtengteng ka ne egkerkeren te kegkahandek is menge etew wey egkengetiplak is neuǥet en he menge vuntud. Is menge paaǥi nu ebpedayun te wazà pidtemanan.

Zacarias 14:4

Dutun he andew, edhitindeg sikandin diyà te Buvungan te menge Olibo, he ziyà te zapit te edsilaan te Jerusalem. Egketevì heini he vuvungan ne egkeliwazà puun te edsilaan pehendiyà te edsenlepan. Is liwazà dutun te vuvungan ne ebpekeendud pehendiyà te zizaya ne is sevaha pa he liwazà, ne ebpekeendud pehendiyà te divavà. Umbe egkehimu he meluag he suǥud is diyà te teliwazà kayi.

Zatù 5:4

He Nengazen, hein migenat ka he ebpuun diyà te Buntud he Seir, wey migawas ka te tanà he Edom, midlinug wey mid-uzan te utew mereǥes.