Megwewali 7:2 - Manobo Western Bukidnon OT

² Meupiya pa is kedhendiyà te mibpetayan kenà te kedhendiyà te keemuran he zuen gastu, su kemetayen man is egkepengkusan te langun. Ne kinahanglan he edtentunuzan heini te menge uuyag pa.

Megwewali 7:2 ပူးပေါင်းရင်းမြစ်များ

Salmo 90:12

Ipeisip-isip nu kenami he mevavè dà is untung dey, su para mebmetau key kayi te kebpengungubpaan dey.

Megwewali 2:14

Su is uluwanen he etew egketuenan din ke hendei sikandin ebpekepevayà, iyan is tulebung mulà ne kenà. Iyan, netuenan ku he ebpeked-iring is egkepegkusan dan te dezuwa su ebpatey zan pudu.

Megwewali 2:16

Su ebpatey pudu is uluwanen he etew wey is tulebung, ne te huziyan he menge andew ne pudu sikandan egkelipati.”

Megwewali 3:19

Is etew wey langgam ne neked-iring dà is egkepengkusan dan; pudu sikandan ebpatey. Neked-iiring sikandan he egeǥehinawa, umbe wazà mibizahaayan te etew wey langgam. Tutuu iyan he is langun wazè din pulus.

Megwewali 3:20

Neked-iiring is egkepengkusan te langun he egeǥehinawa he linimbag. Sikandan pudu ne ziyà ebpuun te tanà, ne ziyè ded te tanà sikandan edlikù.

Megwewali 6:6

he wazè din kelipey zuen te meupiya he menge vutang he nezawat din. Uya, minsan utew pa melugayad is untung dutun he etew. Kenè be neked-iring dà he lugar is egkepeveyaan te langun he etew?

Megwewali 9:2

Neked-iring dà is egkepengkusan te minsan hengkey he kelasi te etew–metazeng wey lalung, meupiya wey mezaat, lumpiyu wey meremerik, is ebpemuhat wey kenà ebpemuhat. Neked-iring dà is egkepengkusan te meupiya he etew wey mekesesalà, wey neked-iring dà sikan is nenangdù wey wazà mebpenangdù.

Megwewali 9:3

Iyan heini edhuna he kenà meupiya te langun he egkengeulaula kayi te kelibutan: neked-iring dà is egkepeveyaan te langun. Ne te kemulu pa uuyag is etew ne iyan ebpeketaǥù te isip din is mezaat wey tinulebung; ne te huziyan he timpu ebpatey sikandin iring te zuma.

Megwewali 9:5

ne netuenan din he ebpatey sikandin. Piru is minatey en ne wazè en egketuenan din ne wazè en egkezawat din wey egkelipatan en sikandin.

Isaias 47:7

Migkaǥi ke pa te is kegkerayna nu ne wazà pidtemanan! Umbe wazè nu en is-isipa heini is mibeelan nu te menge etew ku wey ke hengkey is egkehimu he rimeǥas kayi ziyà te kenikew.

Jeremias 16:8

Kenè ka zaan medseled diyà te valey he zuen duen keemuran te kegkaan wey ked-inum dutun.

Haggai 1:5

Is-isipa niw is nengehitavù keniyu.

Numero 23:10

Hentei is ebpekevilang te kahabet dan he iring te eliyavuk. Berakat he mebpatey a keuzemà iring te menge metazeng.”

Deuteronomio 32:29

Ke metau zan pa pezem ne egkesavut dan ke hengkey is egketemanan dan diyà te menge egkehuziyan he timpu.

Deuteronomio 32:46

migkaǥi sikandin diyà te menge etew te, “Ipependalid niw ziyà te ǥehinawa niw is langun he migkaǥi ku keniyu ǥuntaan. Ne ipenurù niw zaan heini ziyà te menge anak niw su wey zan mepurungi te edtuman is langun he egkekaǥi kayi he menge suǥù.