Megwewali 5:2 - Manobo Western Bukidnon OT

² Kenè nu zegdeǥusuwi is egkeǥiyen nu. Kinahanglan he ebpurung ka ed-isip-isip ne human ka ebpenaad diyà te Megbevayà. Tentenuzi nu he ziyà te langit is Megbevayà ne sikew kayi ke zà te tanà, umbe kenè ka mebpetakè dà megkaǥi.

Megwewali 5:2 ပူးပေါင်းရင်းမြစ်များ

Genesis 18:27

Ne mid-uman dutun si Abraham megkaǥi te, “Peseyluwa a, su ǥeina te mibpekevurut a he egkaǥi ziyan te kenikew te Nengazen, ibpelaus ku pa is egkeǥiyen ku, minsan pa te kayi te etuvangan nu iring a te eliyavuk dà wey igmuk su utew minus is pid-etawan ku.

Genesis 18:30

Ne migkaǥi en maan si Abraham te, “Pekelalaglalag ka, Nengazen, ne kenà a kenikew mepeuki su ebpenginginsè e pa. Penenglitan ke zuen egkeehè nu he 30 he menge metazeng?” Ne midtavak is Nengazen te, “Emun duen egkeehè ku he 30 ne kenè ku zaan edlimasen.”

Genesis 18:32

Ne migkaǥi pa maan si Abraham te, “Nengazen, Kenà a kenikew mepeuki, ketepusan en heini he id-insè ku. Penenglitan ke zuen 10 he menge metazeng he egkeehè nu zutun?” Ne midtavak is Nengazen te, “Ke zuen egkeehè ku ziyà he minsan 10 dà he menge metazeng, ne kenè kud edlimasen.”

Genesis 28:20

Ne mibpenangdù dutun si Jacob he egkaǥi te, “He Megbevayà, emun edumahan a wey ebentayan a kenikew kayi te hipenawan ku wey emun ebeǥayan a kenikew te egkeenen wey igkevisti,

Genesis 28:22

Ne heini is batu he impelastar ku kayi he tedeman ku, ebpekepenistiǥus he kayi ka ed-ubpà he lugar. Ne ibeǥey ku kenikew is ikesepulù te langun he ibeǥey nu kediey.”

Salmo 115:3

Diyà te langit is Megbevayè dey ne ebeelan din ke hengkey is egkesuatan din.

Erubasa 10:19

Is etew he verak melemu ebpekesalà. Piru is uluwanen he etew egketuenan din te ked-eǥen is dilè din.

Erubasa 20:25

Ebpekezezaat is kegkemeǥègaanen te kebpenangdù he ibpemuhat nu is sevaha he azen diyà te Nengazen. Kinahanglan he purung ka isip-isip ne human ka penangdù.

Megwewali 10:12

Is menge ebpengeǥiyen te uluwanen he etew ne ebpekeveǥey kandin te keupiyaanan, piru is menge ebpengeǥiyen te tulebung he etew ne ebpekezezaat kandin.

Megwewali 10:13

Kebpuun din kegkaǥi ne tinulebung en is menge ebpengeǥiyen din, ne emun ebpengkusen din en is menge lalag din ne mezaat en is ebpengeǥiyen din, ne henduen be sikandin te ebuneǥen en.

Megwewali 5:3

Su iring te melemu ke zà ebpeketeǥeinep emun egketulung ka egkeseeng, ne melemu ke zà daan ebpekekaǥi te tinulebung emun ebpetakè ka egkaǥi.

Megwewali 5:7

Is subra he kebpeneǥeinep wey kegkaǥi ne wazè din pulus. Umbe tehuza nu is Megbevayà.

Isaias 55:9

Su iring te nekediyù is langit wey tanà, ne meziyù is ked-isip-isip niw te kedì he ked-isip-isip wey meziyù daan is keniyu he menge paaǥi te kedì he menge paaǥi.

Leviticus 5:4

Emun ebpenangdù is sevaha he etew he kenè din ed-is-isipen ke meupiya ve haazà wey ke mezaat is impenangdù din he ebeelan din, ne haazà nekepehimu kandin he meremerik, ne ebpekesalà sikandin emun egkepurung din en egkeisip-isip is mibeelan din.

Zatù 11:30

Ne mibpenengduan ni Jefta is Nengazen. Ke sikandin te, “Emun idtuǥut nu he mezaag ku is menge Amunihanen,