Megwewali 2:3 - Manobo Western Bukidnon OT

³ Migezaman ku he edlipeylipey a pinaaǥi te vinu. Ne minsan uluwanen a, migezam a medtinulebung. Neisip ku he kela ke iyan heini kineupiyahan he ereg he ebeelan te etew kayi te mevavà he kebpengungubpaan din kayi te kelibutan.

Megwewali 2:3 ပူးပေါင်းရင်းမြစ်များ

Genesis 47:9

Ne midtavak si Jacob te, “130 en is penuiǥen ku. Mevavè dà is kedì he untung ne mereǥen is neulaula ku. Is keluǥayad te kedì he untung ne kenà ebpekerepeng te keluǥayad te untung te menge kepuun ku.”

Job 14:14

Emun ebpatey is etew egkeuman pe be sikandin egkeuyag? Piru ed-entusen ku is tivuuk he timpu te kebpekaantus ku taman te egkeuma is timpu te kegkepasad kayi.

Salmo 104:15

Duen binu he ebpekelipey kandan, duen lana he ibmesinew te zagwey zan, wey zuen keenen he ebpekepezesen te lawa zan.

Erubasa 20:1

Is subra he ked-inum te vinu he ebpekelangut, iyan ibmesamuk te etew. Is etew he lelenguten kenà egkehimu he uluwanen.

Megwewali 1:17

Nenigudu a wey ku metueni is mibizahayan te ketau wey ketutulebungi. Ne ǥuntaan neisip-isip ku he wazà daan kayi pulus; iring dà te edal-as a te keramag.

Megwewali 10:19

Is kegkaan wey ked-inum ebpekeveǥey te kelipey ziyà te etew, ne is selapì ebpekeveǥey te langun he egkinehenglanen te etew.

Megwewali 12:13

Ne ǥuntaan te nevasa nu en heini is langun, ne iyan heini penapus he egkeǥiyen ku kenikew: Tehuza nu is Megbevayà wey tumana nu is menge suǥù din, su iyan heini ketengdanan te kada etew.

Megwewali 2:24

Umbe, is utew meupiya he ed-ul-ulahan te etew iyan is kegkaan wey ked-inum, kedlipeylipey zuen te hineǥuan din. Ne neisip ku he minsan heini ebpuun diyà te Megbevayà.

Megwewali 5:18

Umbe, netaǥù kayi te isip ku he is meupiya he ed-ul-ulahan te etew seled kayi te mevavà he untung he imbeǥey kandin te Megbevayà iyan is kegkaan, ked-inum, wey kedlipeylipey pinaaǥi te hineǥuan din kayi te kelibutan, su para man heini kandin.

Megwewali 6:12

Wazà nesayud ke hengkey is meupiya para kenita te etew seled kayi te mevavà wey wazè din pulus he ked-ubpè ta he iring dà te alung su edlavey zà. Wazà ebpekepenudtul kenita ke hengkey is egkeulaula kayi te kelibutan emun ebpatey ki en.

Megwewali 7:18

Kenè nu haazà pesubrahi; kinahanglan he ziyè ke zà te liwezaan, su kenà ebpesubra is etew he edtahud te Megbevayà.

Megwewali 7:25

Piru mibpedayun a he ed-istudyu wey edsusi, su wey a mekaangken te ketau wey tavak te menge insè ku, wey para mesavut ku ke maan is tulebung is etew he ebaal te mezaat ne taleng is etew he edtinulebung.

Megwewali 8:15

Umbe para kediey, iyan meupiya he ed-ul-ulahan te etew is kedlipey kayi te kebpengungubpaan din. Wazà duma he meupiya para kandin kayi te kelibutan, kekenà, iyan is kegkaan, ked-inum wey kedlipey. Pinaaǥi kayi egkeseǥazan din is kelipey zutun te kedterebahu zin seled te tivuuk he untung din he imbeǥey kandin te Megbevayà kayi te kelibutan.

Zatù 9:13

Ne midtavak haazà is paras te, ‘Kenà egkehimu su lavew he meupiya is kebeǥey ku te vinu he ebpekelipey te menge ed-ezapen wey menge etew.’

1 Samuel 25:36

Hein nekeuma si Abigail ziyà te valey zan, ne midtukud te keemuran si Nabal he henduen te hadì. Utew sikandin melipayen ne utew sikandin nehubug. Ne wazà sikandin tudtuli ni Abigail taman te egkepawà.