Leviticus 9:4 - Manobo Western Bukidnon OT

⁴ Megkuwa zaan sikandan te vaka wey meemahan he kerehidu he pemuhat dan para te meupiya he kebpekidepità. Ipemuhat dan heini zuma zuen te pemuhat he para gasa he midsehuǥan te lana, su ǥuntaan he andew ibpaahà te Nengazen is kebpekiduma zin keniyu.”

Leviticus 9:4 ပူးပေါင်းရင်းမြစ်များ

Exodus 16:10

Ne zutun te kedlelaǥi ni Aaron te tivuuk he keet-etawan, midtengteng sikandan diyà te sibsivayan ne netik-ew zan maahà dutun is mekeǥeǥehem he kebpekiduma te Nengazen diyà te ǥapun.

Exodus 19:11

Sigureduwa nu he andam sikandan dutun te iketelu he andew, su zutun he andew, siak is Nengazen, ebulus a kayi te Buntud he Sinai ne egkaahà a te langun he etew.

Exodus 24:16

ne mibulus is Nengazen dutun te Buntud he Sinai. Ne seled te heenem he andew netembunan te ǥapun haazà is buntud, ne hein ikepitu en he andew mid-umew si Moises te Nengazen puun duen te ǥapun.

Exodus 29:43

Dutun ku edhingumaa is menge kevuwazan ni Israel, ne pinaaǥi te mekeǥeǥehem he kebpekiduma ku egkehimu he segradu haazà he lugar.

Ezekiel 43:2

Ne zutun neehè ku is mekeǥeǥehem he kebpekiduma te Megbevayà te Israel he ebpekeuma is ebpuun diyà te edsilaan. Is keǥurub te kebpekeuma zin iring te deǥurus te meseleg he wahig, ne mid-anlag is tanà tenged te mekeǥeǥehem he kebpekiduma zin.

Ezekiel 43:27

Ne kegkepasad kayi, zutun te ikewalu he andew, ebpemuhat en dutun te pemuhatà is menge memumuhat te menge pemuhat niw he edtutungen wey menge pemuhat he para te meupiya he kedepità. Ne edewaten ku sikiyu. Iyan a, is Nengazen he MEGBEVAYÀ, is migkaǥi kayi.”

Leviticus 2:1

Emun duen ebpemuhat te pemuhat he para gasa te Nengazen, ne ǥemita zin is kineupiyahan he kelasi te herina, ne sehuǥi zin heini te lana wey veyewà.

Leviticus 3:1

Emun duen ebpemuhat te vaka he meemahan etawa vehiyan he pemuhat he para te meupiya he kedepità, kinahanglan he iyan din ibpemuhat diyà te etuvangan te Nengazen is wazè din sazir.

Leviticus 9:23

Ne midseled si Moises wey si Aaron duen te Tulda he Edtelevukaayan. Ne hein migawas sikandan, mibpenubtuvazan dan is menge etew. Ne impezayag te Nengazen is gehem din diyà te menge etew pinaaǥi te kebpevulus te hapuy he mid-amin medtutung te menge pemuhat diyà te pemuhatà. Ne hein naahà heini te menge etew, nemengulahì dan tenged te kegkelipey, ne midluhud dan te ked-azap te Nengazen.

Leviticus 9:3

Ne keǥiyi nu is menge Israilihanen he megkuwa zan te meemahan he kambing he pemuhat he para idlumpiyu. Wey megkuwa zan daan te vaka wey kerehidu he pudu tig senge-tuig pa is keǥurang he wazè din sazir he pemuhat he edtutungen.

Leviticus 9:5

Umbe, mid-uwit dan diyà te egkesineruwan duen te Tulda he Edtelevukaayan is langun he insuǥù kandan ni Moises he uwita zan. Mid-amur-amur zan is langun diyà te etuvangan te Nengazen.

Leviticus 9:6

Migkaǥi si Moises diyà te kandan te, “Midsuǥù kew te Nengazen te kebaal kayi te kebpemuhat su wey zin ikepezayag diyà te keniyu is gehem din.”

Numero 14:10

Ne zutun, ebpenulengen en pezem sikandan te vatu te menge zuma zan he Israilihanen, piru midtik-ew mebpaahà diyà te zivavew zuen te Tulda he Edtelevukaayan is mekeǥeǥehem he kebpekiduma te Nengazen.

Numero 16:19

Ne hein netiǥum en ni Kora is menge sumusunud kandin diyà te etuvangan ni Moises wey ni Aaron, diyà te ǥemawan te Tulda he Edtelevukaayan, mibpeehè en te langun he etew zutun is mekeǥeǥehem he kebpekiduma te Nengazen kandan.